كباية سكر وتلقيمة شاى

**omar20hatem** · من طرف **omar20hatem** في السبت 12 يناير 2008, 7:31 am

كباية سكر وتلقيمة شاى

ماذا ستفعل إذا احتجت من جارك شيئا هل ستطلبه منه مباشرة أم أنك ستتردد وتسأل نفسك مليون مره قبل أن تطلب منه شيئا ولكننى أتذكر عندما كانت والدتى رحمها الله ترسلنى مسرعا لجيراننا الأعزاء لتطلب منهم شيئا ويستجيبوا على الفور والطلبات زهيدة جدا لمعالجة الظروف الطارئة بسرعة كبيرة جدا فكنت أسرع لأحضر لأمى.....

كباية سكر – كباية زيت – تلقيمة شاى – صحن رز – طبق دقيق –كيلة ذرة – طقم الشربات – باجور الجاز – رغيفين عيش - حتة جبنه حادقة - ليمونة خضره – اسبرينة – صيجان الكحك - صوانى القرص – المقشة البلح –الصلاية –.......الخ

إذا عدنا بالزمن إلى الزمن الجميل لتراءت أمام أعيننا أفعال جميلة وذكريات رائعة
أفعال دائما مانعرفها بالعادات والتقاليد والأعراف نعم إنها الأعراف الجميلة

والشوارع النظيفة أمام كل البيوت لأن الناس كانت جميعا بتكنس أمام بيوتهم

زفة العريس والعروسة من البيت للبيت وإزازتين البيبسى

مناب اللحمة يوم الخميس

وإذا ما تعمقنا بداخل تلك الأفعال والأعراف الجميلة لن نجدها سوى مبادئ إسلامية راسخة في القلوب
وأفعال تلقائية بحكم البيئة والتربية السليمة من أناس ولدوا وتربوا على الفطرة

إننا في مجتمعنا الريفي العظيم ترعرعنا على التآخي والشورى والمشاركة الوجدانية في الأحزان والأفراح وفى حتى الأعمال اليومية التقليدية مثل المأكل والمشرب........الخ

اللهم أعد علينا حياة التآخي والمحبة

والآن أترككم تتذكرون

كباية سكر – كباية زيت – تلقيمة شاى – صحن رز – طبق دقيق –كيلة ذرة – طقم الشربات – باجور الجاز – رغيفين عيش - حتة جبنه حادقة - ليمونة خضره – اسبرينة – صيجان الكحك - صوانى القرص – المقشة البلح –الصلاية –.......الخ

وأتمنى أن تذكروني بما فاتنى ذكره

بقلم حاتم أبوا لعزم

**omar20hatem** · من طرف **omar20hatem** في الأحد 09 مارس 2008, 10:28 pm

الان بعد فتح الاقفال عن هذه المواضيع
يمكنكم أن تثروها بآرائكم
_________________

**mr_4m** · من طرف **mr_4m** في الأربعاء 12 مارس 2008, 1:03 am

ممكن (ابرة وفتلة ، عود كبريت ، مفراك ، مخلل )0

ahmoda · من طرف ahmoda في الأربعاء 12 مارس 2008, 1:15 am

ليت الشباب يعود يوما
انتا فعلا فكرتني بحاجات جميله
واكتر حاجه انا افتكرتها ومكنتش علي بالي خالص وحتي مفتكرتهاش في يوم من الايام
موضوع ازازه الحاجه الصاقعه للعريس
كان كل بيت يمشي قدامه العريس لازم يخرجلوا ازازتين حاجه صاقعه حتي لو مكنش عازمه
يا تري ايه سبب ان العاده دي اختفت
تفتكروا ارتفاع سعر الحاجه الصاقعه؟؟؟؟؟؟؟

ahmoda · من طرف ahmoda في الأربعاء 12 مارس 2008, 1:19 am

اما بالنسبه للحاجات اللي بين الجيران ففعلا هي لسه موجوده
انا اما بحتاج حاجه بروح اجيبها من عند الجيران
مثلا مفتاح الانبوبه.شويه رمل.برميل اما تكون عامل عزومع وعاوز اطباق ولا معالق
الحمد لله لسه دملو بخير وربنا يذيد الخير بيها
واكبر دليل علي كده ان واحد واخد من عندنا برميل بقاله شهرين علشان هما بيبنوا ومش عاوز يرجعه

**sondos** · من طرف **sondos** في الأحد 23 مارس 2008, 3:02 pm

اللهم أعد علينا حياة التآخي والمحبة

آميـــــــــــــــــــــن ...

والله يا مهندس\ حاتم ... مفيش اجمل من الفطــــــرة
جميلة ومريحة والناس بتتعامل مع بعض بحب وبتلقائية وبدون حساسيات او فوارق

وعلى فكرة تلك العادات الجميلة التي وصفتها بانها ...

وأفعال تلقائية بحكم البيئة والتربية السليمة من أناس ولدوا وتربوا على الفطرة

هي في الاول والاخـــــــر من الدين ... لان الاسلام اصلاً دين الفطرة اللي خلقنا عليه

لكن ملوثات العصــــــر وآفـــــــات الحياة هي التي تشوه تلك الفطرة الجميلة التي خلقنا عليها ...

............

اشكرك على الموضوع مهندس\ حــــــــاتم
مواضيعك آراها دائماً كـــ نسمــــــــات صيف باردة يبعثها قلمك الدافيء بكم الذكريات والحنين الذي يحمله
بارك الله لك فيهـــــــــــا

**john_cena** · من طرف **john_cena** في الثلاثاء 29 أبريل 2008, 1:10 am

[quote]بصراحه مقال كويس وياريت نحاول نرجع فعلا زمن الناس اللي حضرتك اتكلمت عنهم ستي وستك وزمن الناس اللي عاشت زمن جميل وتركونا للزمن يتخبط بنا

folladona · من طرف folladona في السبت 20 سبتمبر 2008, 4:53 am

الى فعلا بيحصل دايما معانا
انك تستلف المخرطة
ودى طبعا عادات جميلة

**على123** · من طرف **على123** في الخميس 18 ديسمبر 2008, 1:18 am

ممكن الهون /عودين خضار/لو واحد كان ربنا فاتح عليه بقى ايام زمان ممكن تجيب منو التسجيل وشريطين هاى كوليتى وتعيش ههههههههه

كباية سكر وتلقيمة شاى

كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى

رد: كباية سكر وتلقيمة شاى