لازم نتعلم

**ahmed aref shallan**

الموضوع اللي احب اطرحة هو موضوع مهم اوي وناس كثير مش واخدة بالها منة

الموضوع هو اداب الطريق

عرفين في ايامنا دية انتشرت حكاية القهاوي والناس الفاضية اللي بتقعد عليها مش قصدي كل الناس بس فية نوعية معينة بتقعد بس علشان تتفرج على اللي رايح واللي جي ومش كدة بس دة فية ازية اوي وخاصة للبنات والسيدات اللي ماشيين في الشارع

تلاقي معاكسات ورمي كلام واحيانا كلام مايصحش يتقال او يتسمع حتى

الشباب اللي نازلة تلف في الشوارع بس علشان تدور على بنات تضايقها وتتحرش بيها احيانا ؟؟؟؟؟؟؟

طب لية كدة !!!!!!

لو عرفنا رسولنا قال اية
لو اتعملنا من ديننا

لو كنا فعلا مسلمين ومتمسكين بقواعد ديننا كنا عرفنا ان حتى الطريق دينا اعطاه حق من الحقوق

اسمعوا رسولنا الكريم قال اية

قال رسول الله صلى الله عليه وسلم : ( إياكم والجلوس في الطرقات ، قالوا : يا رسول الله ، ما لنا بد من مجالسنا نتحدث فيها . قال : فإذا أبيتم إلا المجلس فأعطوا الطريق حقه قالوا : وما حقه ؟ قال : غض البصر ، وكف الأذى ، ورد السلام ، والأمر بالمعروف ، والنهي عن المنكر ) { متفق علية }.

وقال الله تعالى في كتابة الحكيم ( "قل للمؤمنين يغضوا من أبصارهم ويحفظوا فروجهم ذلك أزكى لهم – إن الله خبير بما يصنعون" (سورة النور آية 30)

ربنا بيقول يغضوا من ابصارهم مش ينزلوا يدايقوا الناس في الشارع ويضحكوا عليهم

راجل عاجز ماشي يتريقوا علية
ست بتجري على ولادها يهينوها في كرامتها
بنت ماشية في حالها تسمع اللي مش ممكن تسمعة

دية حاجات موجودة وبتحصل كل يوم ومع اي حد فينا

قال الله تعالى ("إن السمع والبصر والفؤاد كل أولئك كان عنه مسئولاً" (سورة الإسراء آية 36)

ودية بعض اداب الطريق كما علمها لنا رسولنا الكريم

* غص البصر

*كف الاذى

* رد السلام

* الامر بالمعروف والنهي عن المنكر

* ارشاد الضال اذا استرشد بة

*الاستغفار عند القيام من المجلس

اتمنى اسمع ارائكم في الموضوع وفي النقطة اللي طرحتها عن اذية الناس من ناس فاضية قاعدة بس علشان بس تسلي نفسها في ناس ثانية

احترامي لكل الاراء ولكل المشاركين