حكايات جدو ..(2) مولد الرسول

**abu rabia** · من طرف **abu rabia** في السبت 07 مارس 2009, 7:31 pm

نبدا اليوم معكم اولي حكاياتنا من السلسلة الجديدة

ولاننا في هذه الايام نحتفل بذكري ميلاد سيد الخلق

محمد صلي الله عليه وسلم فدعونا نبدأ اولي الحكايات بقصة

ميلاده صلي الله عليه وسلم

تعالوا معنا ومع عبد الرحمن وفاطمة وماما سارة وجدو ابو ربيع

نعيش لحظات مع سيرة رسول الله صلي الله عليه وسلم

ونتمني ان تنال رضاكم

**سارة** · من طرف **سارة** في السبت 07 مارس 2009, 7:35 pm

صحيت فاطمة من النوم زى كل يوم بدرى علشان تصلى الصبح

والنهاردة اجازة بس هي صحيت فى ميعادها علشان تصلى الصبح

قامت اتوضت ولبست خمارها اللى ماما عملته ليها علشان تصلى فيه

صلت فاطمة الصبح ولما خلصت سمعت صوت ماما بتنادلها ;

( فاطمة .. يا فاطمة ؟؟ يا عبد الرحمن ؟؟ )

ردت فاطمة .... نعم يا ماما انا صحيت وصليت الصبح .

ماما قالت : وفين اخوكى عبد الرحمن ؟؟ ليه اتاخر فى النوم ؟؟

فاطمة قالت : ... ماما .. النهاردة الجمعة يوم اجازتنا من المدرسة

: ماما قالت

روحى يافاطمة صحى اخوكى مش لازم يكون كسلان حتى فى يوم الاجازة .

وهما بيتكلموا دخل عليهم عبد الرحمن وهو بيقول : ....

صباح الخير يا ماما .

صباح الخير يا فاطمة .

ضحكت ماما سارة وهى بتبص على فاطمة وقالت :

صليت الصبح يا عبد الرحمن ؟

رد عليها وقال :

صليت يا ماما و الحمد لله .

ماما ردت وقالت بارك الله فيكم يا ولادى فالصلاه اهم حاجة فى حياة الانسان .

وضحكت ماما مرة تانية وقالت :

تحبوا نخرج النهاردة ؟

فرحت فاطمة وبصت لعبد الرحمن وقالت :

ماما ماما عايزين نروح نزور جدو ابوربيع .

قالت ماما سارة وهي لسه بتضحك :

بابا اتصل النهاردة من عمان و بيسلم عليكم قوى .

وطلب انى نروح كلنا نزور جدو ابوربيع .

رد عبدالرحمن وقال : ليه يا ماما نروح نزوره ؟

ماما سارة قالت علشان النهاردة يوم ميلاد الرسول صلي الله عليه وسلم

ولازم نزور جدو ونطمن عليه .

يلا يلا ياحبايبى علشان نلحق .

قامت فاطمة وعبد الرحمن علشان يستعدوا

وماما خادتهم وراحوا لجدو

جدو قابلهم وهو فرحان وقالوله :

ازيك ياجدو ؟ كل سنة وانت طيب .انت عامل ايه ؟؟ بابا بيسلم عليك قوى

وبعد ماقعدوا شوية مع جدو وسالوه عن صحته واحواله

طلبت فاطمة من جدو انه يحكيلهم قصة ميلاد النبى

فقعد جدوا وبدأ يحكي .... هايقول ايه جدو ؟؟ هايقول ايه جدو ؟؟ ده اللى هانعرفه دلوقتى .....

وهاسيبكم دلوقتى بقى ياحلوين تسمعوا الحدوتة من جدو

.

**abu rabia** · من طرف **abu rabia** في السبت 07 مارس 2009, 8:10 pm

غمض جدو ابو ربيع عنيه وهو بيقول

اللهم صلي عليك يا اشرف الخلق

وبص جدو ابو ربيع لعبد الرحمن وفاطمة وقالهم :

( شوفوا يا أولاد ... قصة ميلاد النبي هي احلي القصص واجملها

لان سيرة سيدنا محمد هي احسن سيرة ... بس عايزكم كل ما اذكر اسم النبي

تقولوا صلي الله عليه وسلم ..)

ردت فاطمة وعبد الرحمن

( صلي الله عليه وسلم ... حاضر يا جدو )

ابتسم جدو ابو ربيع وقال :

علي بركة الله نبدا الحكاية

كان يا مكان

يا سعد يا كرام وما يحلي الكلام الا بذكر النبي عليه الصلاة والسلام

زمان من اكتر من 1480 سنة وفي بلاد العرب

كانت فيه مدينة كبيرة عظيمة .. كان اسمها مكة

كانت اعظم مدينة لان فيها الكعبة ... وفي مكة

وجنب الكعبة ... بدأت احداث حكايتنا .. حكاية ميلاد اشرف

واكرم انسان خلقه ربنا ... ميلاد سيدنا محمد ...

تعالوا نشوف ونسمع الحكاية من البداية وماننساش

نصلي علي النبي صلي الله عليه وسلم

**سارة** · من طرف **سارة** في السبت 07 مارس 2009, 8:28 pm

**abu rabia** · من طرف **abu rabia** في الأحد 08 مارس 2009, 5:52 pm

سكت جدو ابو ربيع فجأة

وبانت في عينه دموع كتيرة

فبصت فاطمة لعبد الرحمن واستغربوا

وسالوا جدو :

مالك يا جدو ؟؟؟ انت ليه بتبكي ؟؟

فقال جدو ابو ربيع :-

ابدا يا أولاد ... لكن تخيلت سيدنا محمد وهو طفل صغير

وابوه مات وهو لسه في بطن امه

وكمان امه مرضتت وهتموت وتسيبه لوحده

وده معناه انه هيعيش يتيم طول حياته

وعلشان كده يا اولاد كان النبي صلي الله عليه وسلم

رحيم وبيعطف علي الايتام

وكان دايما بيوصي المسلمين بالرحمة والعطف علي الايتام

وربنا يا اولاد كان له حكمه في ان النبي يتربي وهو يتيم

علشان ربنا هو اللي يرعاه وعلشان دايما يكون اعتماده علي ربنا

مش علي اي انسان ... وكمان علشان يحس بالايتام ويعطف عليهم

ولما سمع عبد الرحمن وفاطمة كلام جدو قالوا :-

احنا كمان يا جدو لازم نعطف علي الايتام

وبابا عمر كان دايما يخلينا نروح عند جارنا سالم اللي باباه مات من سنتين

ونلعب معاه ونديله لعب من بتاعتنا .. وكمان في كل عيد لازم نديله هدوم جديدة

زي هدومنا

كمان ماما سارة كانت دايما تقولنا :-

فضحك جدو ابو ربيع وقال :-

ربنا يبارك فيكم وفي ابوكم وماماتكم يا اولاد

فقالت فاطمة :-

طيب يا جدو انت شوقتنا لبقية الحكاية بتاعة سيدنا محمد

وبسرعة قال عبد الرحمن :

يا ريت يا جدو تكملنا باقي حكاية النبي عليه الصلاة والسلام

فقال جدو ابو ربيع :-

ماشي يا اولاد .. تعالوا بينا نكمل ونشوف ايه اللي حصل

وما تنسوش تصلوا علي النبي عليه الصلاة والسلام

**سارة** · من طرف **سارة** في الأحد 08 مارس 2009, 6:09 pm

**سارة** · من طرف **سارة** في الثلاثاء 10 مارس 2009, 12:00 am

جدو ابو ربيع ..... قال لعبدالرحمن .... يالا ياعبدالرحمن نروح الجامع نصلى .

ماما سارة قامت هى وفاطمة علشان يصلوا كمان .

ولما خلصوا الاتنين الصلاة كان جدو ابوربيع وعبدالرحمن رجعوا من الجامع .

فاطمة قالت لجدو ...

جدو ... يا جدو...

انا عايزة احكيلك على جارتنا واللى عملته النهاردة .

جدو قال لها احكى يا حبيبتى ..

فاطمة بدات تقول حكايتها :

جارتنا مش كان عندها اولاد

راحت هى وزوجها لمؤسسة

فيها اولاد كتير قوى ياجدو ومعاهم هدايا كتير لهم

والاولاد دول من غير ماما وبابا

وجابو ولد صغير معاهم.. يربوه زى ابنهم .

انا عايزة اجيب بنت صغنونة تبقى اختى الصغيرة

رد جدو ابوربيع .. وقال ....

ده اسمه تبنى ياحبيبتى ... وده لايجوز فى الاسلام ..

رد عبد الرحمن وقال : ... جدو ... سيدنا محمد كان تبنى زيد ابن حارثة .

حتى اصبح اسمه زيد ابن محمد .

جدو قال .. بس ده كان قبل الاسلام .

ثم انزل الله تعالى قوله :

ادعوهم لابائهم هو اقسط عند الله

وبذلك ابطل حكم التبنى

ردت فاطمة وقالت سيدنا مجمد حثنا على كفالة اليتيم

ردت ماما سارة .... كفالة اليتيم معناها .. اننا نقوم بتربيته والانفاق

عليه وكسوته

يعنى مش ممكن يافاطمة الولد اللى عند جيراننا يبقى ابنهم حقيقى ..

ولا ياخد اسم جارنا ..

رد عبد الرحمن وفاطمة وقالوا ....

ماما ... احنا عايزين نروح المؤسسة دى ..

ونزور الاطفال وناخدلهم هدايا وحاجات جميلة ..

ماما سارة قالت .. يوم الجمعة اللى جاية انا عاملة ليكم مفاجئة .

فجاة فاطمة قالت ... جدو .. انت نسيت تكملنا قصة سيدنا محمد ..

جدو قال .. يالا ياحلوين تعالوا جنبى علشان نشوف ايه الله حصل بعد كده

لاافضل الخلق ... سيدنا محمد صلى الله عليه وسلم .

بعد ماتصلو على النبى ...

.

**سارة** · من طرف **سارة** في الثلاثاء 10 مارس 2009, 12:01 am

**سارة** · من طرف **سارة** في الثلاثاء 10 مارس 2009, 3:43 pm

ثم بكى جدو ابو ربيع ... وزاد بكائه .

فساله عبد الرحمن .. لماذا هذا البكاء ياجدو ..؟؟

فقال له ...

ابكى بسبب مالاقاه الرسول عليه الصلاة والسلام من ايذاء كفار قريش له .

فقالت ماما .... سارة :.

فعلا يا ولاد .. كان فى بداية الاسلام الكفار كل ماتلاقى واحد اسلم تعذبه

عذاب شديد قوى .. علشان يرجع عن الاسلام ... ورغم ذلك كانوا متمسكين

بالاسلام .. وبيتحملو اى عذاب .. ولا رجعو تانى عن دينهم ..

فااحنا لازم نحمد ربنا انى احنا مسلمين ..

فرد عبد الرحمن .. و فاطمة .. الحمد لله يا ماما .

يلا .. ياجدو .. كمل لنا قصة سيدنا محمد عليه الصلاة والسلام .

فقال جدو ابوربيع ....

يالا ياولاد تعالوا علشان النهاردة ..بمشيئة الرحمن ننهى قصة افضل الخلق ...

سيدنا محمد.. عليه افضل الصلاة والسلام .

يلا .. بينا .. بعد الصلاة على النبى ..

........

.

**سارة** · من طرف **سارة** في الثلاثاء 10 مارس 2009, 4:15 pm

**سارة** · من طرف **سارة** في الثلاثاء 10 مارس 2009, 4:34 pm

......

وسالت فاطمة وعبدالرحمن ...

وايه اللى حصل بعد كده ياجدو ..

جدو ابوربيع قال :.

رجع رسول الله الى مكة مرة تانية حج فيها حجة الوداع ..

ورجع الرسول الى مدينته ..

وهنا لم يستطع جدو ابو ربيع الكلام .. فاخذيبكى بكاءا كثيرا .

ولم يفهما عبدالرحمن .. و فاطمة .. سبب بكاء جدهم ..

ماما .... سارة .. جاءت و قالت لهم ...

جدو بيبكى يا ولاد ... علشان .. وفاة الرسول عليه الصلاة والسلام .

بعد الرسول ما رجع الى المدينة ... اشتد عليه المرض ..

وقـبـل الـوفـاة بـتـسـعـة أيام نـزلـت أخـر آيـة فـي الـقـرآن : ...

(واتـقـوا يـومـاً تـرجـعـون فــيـه إلـى الله ثـم تـوفـى كــل نـفـس مـا كـسـبـت وهـم لا يـظـلـمـون)

وتوفى خير خلق الله .. سيدنا محمد عليه افضل الصلاة واتم التسليم .

و احنا لازم نقتدي بالرسول عليه الصلاة والسلام .

اذا كنا بنحبه .. ونحب نلقاه يوم القيامة .

ولازم نصلى عليه دائما .. ونتبع سنته ..

صلى الله عليك يارسول الله . صلى الله عليك ياحبيب الله .. صلى الله عليك يانبي

الله .. اللهم إن حرمنا صحبته في الدنيا فلا تحرمنا صحبته في الآخرة وعند

حوضه الشريف .. ربنا وأعنا على ما يجعلنا نستحق صحبته صلى الله عليه

وسلم .. اللهم لا تجعلنا من القوم الظالمين اللهم ارحمنا برحمتك وأنت

خير الراحمين اللهم ثبتنا وقوي تعلقنا بالقرآن والسنة اللهم

آااااااااااااااااااااااااااااااااامين ..

.......

.

**سارة** · من طرف **سارة** في الثلاثاء 10 مارس 2009, 4:58 pm

......

وبهذا يا اخوتى الاعزاء نكون انتهينا من قصة افضل البشر ...

سيدنا محمد صلى الله عليه وسلم ...

داعين الله عز وجل ان يوفقنا جميعا الى مايحبه ويرضاه ..

وان تنال اعجابكم ...

ونشكركم على المتابعة والرد ..

وكل عام وانتم بخير

والى اللقاء مع قصص جديدة وحكاوى جديدة من : ......

مع تحيات فريق الاشراف والإعداد

.........

**mezo2010** · من طرف **mezo2010** في الثلاثاء 10 مارس 2009, 5:09 pm

بارك الله فيكم وعليكم

**abu rabia** · من طرف **abu rabia** في الثلاثاء 10 مارس 2009, 9:34 pm

باسم فريق الاشراف والاعداد اتقدم لكل من تابعنا وشجعنا بخالص

اشكر والتقدير ودعواتنا لكم جميعا بان تكونوا علي خطي الحبيب

سائرين ولسنته مقيمين

وكل عام وانتم جميعا بخير

والي اللقاء قريبا مع حكاية جديدة من

وصلي الله علي سيدنا محمد وعلي آله وصحبه وسلم

مع تحيات فريق الاشراف والاعداد

صلى الله عليه وسلم تسليما كثيرا

بارك الله لك ونرجو ا متابعة القصص الدينية

مثل قصة سيدنا موسى وسيدنا يوسف

وباقى الأنبياء عليهم

الصلاة والسلام

**الفارس** · من طرف **الفارس** في الثلاثاء 05 مايو 2009, 9:03 pm

صلى الله عليه وسلم

حكايات جدو ..(2) مولد الرسول

حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول

رد: حكايات جدو ..(2) مولد الرسول