حكايات جدو ...(4) العطف علي اليتيم
حكايات جدو ...(4) العطف علي اليتيم
من طرف abu rabia في الخميس 02 أبريل 2009, 10:55 pm
اصدقائنا اعضاء المنتدي الكرام لكم خالص تحياتنا ودعواتنا
اليوم موعدنا مع حلقة جديدة من سلسلة حلقات
والتي نعيشها مع ابطال السلسلة
جدو ابو ربيع وبابا عمر وماما سارة والاطفال فاطمة وعبد الرحمن
وبمناسبة الاحتفال بيوم اليتيم يسعدنا ان تكون حلقتنا اليوم بعنوان
العطف علي الايتام
ونتمني ان نتشارك جميعا في الاحتفال بهذا اليوم ولو بلمسة حانية علي راس يتيم
وفي انتظار تعليقاتكم وردودكم والتي تساندنا وتشجعنا دائما
مع تحيات فريق الاعداد
_________________
إن آتي ذنبا فما عهدي بمنتقض
من النبي ولا حبلي بمنصرم
فإن لي ذمة منه بتسميتي محمد
وهو أوفي الخلق بالذمم
abu rabia- العضــــــــــــو المنتــــــــــــــــدب
-
عدد الرسائل: 1541
العمر: 34
تاريخ التسجيل: 09/12/2007 
رد: حكايات جدو ...(4) العطف علي اليتيم
من طرف abu rabia في الخميس 02 أبريل 2009, 11:09 pm
خرج عبد الرحمن من حجرته وهو ينادي علي بابا عمر
وكان بابا عمر قاعد في حجرة مكتبه وبيقرا قرآن
نده بابا عمر علي عبد الرحمن
" تعالي يا عبد الرحمن انا في المكتب "
دخل عبد الرحمن علي بابا وقاله
السلام عليكم .. انا اسف يا بابا بس حصلت حاجة غريبة
فرد عليه بابا بعد ما قفل المصحف
" خير ان شاء الله يا عبد الرحمن "
بص عبد الرحمن لبابا وقاله
" انا شفت النبي عليه الصلاة والسلام في الحلم "
بابا فرح قوي واخد عبد الرحمن في حضنه وقاله
" رائع يا عبد الرحمن .. دي رؤية جميلة جدا .. انت اكيد عملت حاجة كويسة
قوي علشان تشوف النبي في المنام .. احكيلي انت عملت ايه والنبي قالك ايه في الرؤية "
وقبل ما يتكلم عبد الرحمن دخلت ماما سارة وهي جايبة الشاي لبابا
بابا عمر قالها
" عبد الرحمن شاف النبي في المنام .. ولسه كان هيحكيلي هو قاله ايه وايه اللي هو عمله علشان النبي يزوره "
ماما سارة ضحكت وانبسطت قوي وقعدت جنب بابا وهي بتقول لعبد الرحمن
" اللهم صلي علي سيدنا محمد .. احكيلنا يا عبد الرحمن بسرعه "
عبدالرحمن حس انه مكسوف وبص في الارض وقالهم
" انا مش عارف انا عملت ايه كويس علشان اشوف النبي في الحلم
بس انا شفت سيدنا محمد عليه الصلاة والسلام وانا نايم وحط ايده علي راسي
وقالي ( بارك الله فيك .. انت معي في الجنة .. لأنك تحن علي اليتيم ) وبعدين صحيت
وأنا حاسس بفرح كبير قوي وقلت لازم احكيلكم "
_________________
إن آتي ذنبا فما عهدي بمنتقض
من النبي ولا حبلي بمنصرم
فإن لي ذمة منه بتسميتي محمد
وهو أوفي الخلق بالذمم
abu rabia- العضــــــــــــو المنتــــــــــــــــدب
- عدد الرسائل: 1541
العمر: 34
تاريخ التسجيل: 09/12/2007 -
رد: حكايات جدو ...(4) العطف علي اليتيم
من طرف سارة في الخميس 02 أبريل 2009, 11:31 pm
بابا عمر وماما سارة قالوا في نفس واحد وهما فرحانين
" الله أكبر ... الله أكبر .. مبروك يا عبد الرحمن .. دي بشري جميلة جدا "
بص بابا عمر لعبد الرحمن وقاله
" انت بتحن علي اليتامي يا عبد الرحمن ؟؟ "
فرد عبد الرحمن بسرعه
" ايوة يا بابا انا من ساعة ما حضرتك قلتلي اني لازم اعطف علي جارنا اليتيم
وكمان بعد ما شفت ماما دائما بتجيبله حاجات زينا وبتروح تزورهم وانا دايما
كل يوم اقابله وانا جاي من المدرسة واديله شيكولاته من بتاعتي .. كمان جدو ابو ربيع
كان قالي اني لازم اعامل اليتيم بحنان وبرحمة .. ومش اخليه يحس انه يتيم ..
وأنا علي طول بروح ألعب معاه .. واخليه ييجي هنا يلعب معايا باللعب بتاعتي ..
وامبارح كنت خارج العب .. لاقيته قاعد قدام البيت زعلان علشان كان عايز يشتري
ايس كريم وماماته مش معاها فلوس علشان تديله .. فأخدت من حصالتي فلوس
ورحت انا وهو جبنا ايس كريم .. وقعدنا نلعب مع بعض وكان مبسوط قوي .."
كان عبد الرحمن بيحكي وهو حاسس انه مكسوف وانه مش عمل حاجة كبيرة
" وعارف كمان يا بابا .... فاطمة دايما وهي جايه من المدرسة بتروح عندهم ..
وتجيب حاجات حلوة لاخته الصغيرة وبتقعد تضحك مع ماماته كمان "
كمان انا وفاطمة قرينا نشيد جميل قوي في المدرسة وقلناه في الاذاعة كمان
عارف يا بابا النشيد بيقول ايه "
فبابا قاله
" لا مش عارف قولهولنا بقي دلوقتي يا عبد الرحمن "
فعبد الرحمن قال وهو بيغني
" لوانت بتحلم زينا
لوانت عايش من اجلنا
لوانت حا سس بحبنا
خليك دايماً جنبنا
انا اليتيم
الى الرسول وصا ك بنا
لازم نحب بعضنا
وتعلم اخوتنا حبنا
ولازم تحلم حلمنا
انا اليتيم
اللي بنا
يرضي الرب عننا
ونكون فى الجنة مع بعضنا
سارة- مشـــــــــــــــــــــــــــــــرفة
-
عدد الرسائل: 508
العمر: 20
تاريخ التسجيل: 04/02/2008 -
رد: حكايات جدو ...(4) العطف علي اليتيم
من طرف abu rabia في الخميس 02 أبريل 2009, 11:38 pm
بابا عمر بص لماما سارة وهو فرحان قوي ونده علي فاطمة
كانت فاطمة في حجرتها وجت ودخلت بعد ما سلمت وقالت
نعم يا بابا ... خير انت ليه وشك احمر وعنيك بتلمع يا عبد الرحمن ؟؟
بابا قالها علي الرؤية بتاع عبد الرحمن وحكالها علي اللي قاله وقالها
" كمان عبد الرحمن غني نشيد جميل انتي قلتيه انتي وهو في اذاعة المدرسة "
كانت فاطمة فرحانه .. وقالت
" حضرتك وجدو وماما علمتونا اننا نعاملهم دايما بعطف وحنان
وجدو لما حكالنا قصة النبي عليه الصلاة والسلام قالنا ان النبي وصانا باليتيم
لانه هو كان يتيم وكمان سيدنا محمد قال ( انا وكافل اليتيم كهاتين في الجنة
واشار باصبعيه السبابة والوسطي ) يعني اللي يكفل او يحن علي اليتيم هيبقي جنب سيدنا محمد
في الجنة صح كده يا بابا ؟؟ )
بابا قام واخد عبد الرحمن في حضنه وعنيه مليانه دموع وقالهم
" ربنا يبارك فيكم .. ربنا يبارك فيكم .. وتفضلوا طول عمركم تعطفوا وتحنوا علي اليتامي
ماما سارة قالت
" ايه رايكم بقي ناخد جدو ابو ربيع ونروح نزور كل اليتامي اللي نعرفهم ؟؟ ونروح كمان نزور الايتام
اللي في الملاجئ ؟؟ "
بابا وعبد الرحمن وفاطمة قالوا كلهم
" موافقين ... ياللا بينا "
كان يوم جميل قوي .. خرجوا كلهم وراحوا علي جدو ابو ربيع بعد ما كلموه في التليفون
وراحوا كلهم زاروا كل قرايبهم وجيرانهم الايتام وجابولهم هدايا كتير وهما راجعين
جدو قالهم
" لازم كمان نتبرع لكل الايتام اللي مش نعرفهم .. لاننا كلنا مسلمين ولازم نعطف علي كل
الايتام المسلمين ... وانا عارف الشيخ محمود وهو بيجمع تبرعات لمشروع كفالة اليتيم في جمعية
الاصلاح الاسلامية بتاعة قريتنا دملو .. وهما بيساعدوا ايتام كتير قوي وبيدوهم مساعدات كل شهر
والشيخ سعيد هو المسؤول عن المشروع ومعاه ناس طيبين كتير قوي وقالي انهم كمان بيوزعوا
عليهم بطاطين وهدايا وكمان ساعات بيوزعوا عليهم شنط مليانه مواد غذائية "
بابا عمر قال لجدو
خلاص يا بابا .. انا هاتبرع معاك كمان بفلوس للايتام تديهم حضرتك للشيخ محمود او الشيخ سعيد
عبد الرحمن بص لفاطمة وبعدين بصوا في الارض
فسالهم جدو ابو ربيع
" ايه مالكم يا اولاد ؟؟""
ردت فاطمة
" ابدا يا جدو بس احنا كان نفسنا نتبرع بس مش معانا فلوس "
ماما ضحكت وقالت لهم
" خلاص ... لو عندكم لعب او حتي هدوم زيادة ممكن تتبرعوا بيها
وربنا سبحانه وتعالي ان شاء الله يتقبل مننا كلنا"
ضحك عبد الرحمن وكمان فاطمة وقالوا في نفس واحد
" اه عندنا .. وهنتبرع بيها يا رب تقبل منا "
مر اليوم بسرعه وبعد ما روحوا بابا قالهم
" تعالوا يا اولاد نشوف مع بعض فيلم كرتون هيعجبكم قوي "
وبعد العشا قعدوا يتفرجوا كلهم علي الفيلم
تعالوا كلنا نشوف الفيلم معاهم ...
كانت فاطمة في حجرتها وجت ودخلت بعد ما سلمت وقالت
نعم يا بابا ... خير انت ليه وشك احمر وعنيك بتلمع يا عبد الرحمن ؟؟
بابا قالها علي الرؤية بتاع عبد الرحمن وحكالها علي اللي قاله وقالها
" كمان عبد الرحمن غني نشيد جميل انتي قلتيه انتي وهو في اذاعة المدرسة "
كانت فاطمة فرحانه .. وقالت
" حضرتك وجدو وماما علمتونا اننا نعاملهم دايما بعطف وحنان
وجدو لما حكالنا قصة النبي عليه الصلاة والسلام قالنا ان النبي وصانا باليتيم
لانه هو كان يتيم وكمان سيدنا محمد قال ( انا وكافل اليتيم كهاتين في الجنة
واشار باصبعيه السبابة والوسطي ) يعني اللي يكفل او يحن علي اليتيم هيبقي جنب سيدنا محمد
في الجنة صح كده يا بابا ؟؟ )
بابا قام واخد عبد الرحمن في حضنه وعنيه مليانه دموع وقالهم
" ربنا يبارك فيكم .. ربنا يبارك فيكم .. وتفضلوا طول عمركم تعطفوا وتحنوا علي اليتامي
ماما سارة قالت
" ايه رايكم بقي ناخد جدو ابو ربيع ونروح نزور كل اليتامي اللي نعرفهم ؟؟ ونروح كمان نزور الايتام
اللي في الملاجئ ؟؟ "
بابا وعبد الرحمن وفاطمة قالوا كلهم
" موافقين ... ياللا بينا "
كان يوم جميل قوي .. خرجوا كلهم وراحوا علي جدو ابو ربيع بعد ما كلموه في التليفون
وراحوا كلهم زاروا كل قرايبهم وجيرانهم الايتام وجابولهم هدايا كتير وهما راجعين
جدو قالهم
" لازم كمان نتبرع لكل الايتام اللي مش نعرفهم .. لاننا كلنا مسلمين ولازم نعطف علي كل
الايتام المسلمين ... وانا عارف الشيخ محمود وهو بيجمع تبرعات لمشروع كفالة اليتيم في جمعية
الاصلاح الاسلامية بتاعة قريتنا دملو .. وهما بيساعدوا ايتام كتير قوي وبيدوهم مساعدات كل شهر
والشيخ سعيد هو المسؤول عن المشروع ومعاه ناس طيبين كتير قوي وقالي انهم كمان بيوزعوا
عليهم بطاطين وهدايا وكمان ساعات بيوزعوا عليهم شنط مليانه مواد غذائية "
بابا عمر قال لجدو
خلاص يا بابا .. انا هاتبرع معاك كمان بفلوس للايتام تديهم حضرتك للشيخ محمود او الشيخ سعيد
عبد الرحمن بص لفاطمة وبعدين بصوا في الارض
فسالهم جدو ابو ربيع
" ايه مالكم يا اولاد ؟؟""
ردت فاطمة
" ابدا يا جدو بس احنا كان نفسنا نتبرع بس مش معانا فلوس "
ماما ضحكت وقالت لهم
" خلاص ... لو عندكم لعب او حتي هدوم زيادة ممكن تتبرعوا بيها
وربنا سبحانه وتعالي ان شاء الله يتقبل مننا كلنا"
ضحك عبد الرحمن وكمان فاطمة وقالوا في نفس واحد
" اه عندنا .. وهنتبرع بيها يا رب تقبل منا "
مر اليوم بسرعه وبعد ما روحوا بابا قالهم
" تعالوا يا اولاد نشوف مع بعض فيلم كرتون هيعجبكم قوي "
وبعد العشا قعدوا يتفرجوا كلهم علي الفيلم
تعالوا كلنا نشوف الفيلم معاهم ...
_________________
إن آتي ذنبا فما عهدي بمنتقض
من النبي ولا حبلي بمنصرم
فإن لي ذمة منه بتسميتي محمد
وهو أوفي الخلق بالذمم
abu rabia- العضــــــــــــو المنتــــــــــــــــدب
- عدد الرسائل: 1541
العمر: 34
تاريخ التسجيل: 09/12/2007 -
رد: حكايات جدو ...(4) العطف علي اليتيم
من طرف سارة في الجمعة 03 أبريل 2009, 12:07 am
[center]
تعالوا كلنا نعطف علي اليتيم ولو بكلمة
ولو باننا نمسح علي راسهم
و نتمني اننا جميعا ما ننساش الايتام ابدا
طول السنة
مش بس في يوم اليتيم
وزي ما بنعطف علي ايتام قريتنا وبلدنا
لازم كمان ما ننساش اخوتنا وولادنا ايتام فلسطين
لازم يبقوا دايما في فكرنا وقلبنا ونساعدهم باللي نقدر عليه
حتي ولو باضعف الايمان
دعوه او ابتسامه او حتي كلمة حلوة
ومش بس فلسطين ... كمان كل الاطفال الايتام في كل الدول الاسلامية
[center]r]
وربنا يتقبل منا جميعا دعائنا ومساعدتنا ليهم
اللهم تقبل من كل مسلم عطفه علي اليتيم ومساعدته لكل يتيم
أعرف أن قلوبكم وحيدة لكن لا تحزن فالله معك أخي اليتيم
وقلبي معكم
وقلوب كثيرة معكم نتحد من أجلكم لأننا إخوان في الله
لا أريدك أخي هكذا لا
مع تحيات فريق الاشراف والإعداد
والى اللقاء مع حكاية جديدة من :
تعالوا كلنا نعطف علي اليتيم ولو بكلمة
ولو باننا نمسح علي راسهم
و نتمني اننا جميعا ما ننساش الايتام ابدا
طول السنة
مش بس في يوم اليتيم
وزي ما بنعطف علي ايتام قريتنا وبلدنا
لازم كمان ما ننساش اخوتنا وولادنا ايتام فلسطين
لازم يبقوا دايما في فكرنا وقلبنا ونساعدهم باللي نقدر عليه
حتي ولو باضعف الايمان
دعوه او ابتسامه او حتي كلمة حلوة
ومش بس فلسطين ... كمان كل الاطفال الايتام في كل الدول الاسلامية
[center]r]
وربنا يتقبل منا جميعا دعائنا ومساعدتنا ليهم
اللهم تقبل من كل مسلم عطفه علي اليتيم ومساعدته لكل يتيم
أعرف أن قلوبكم وحيدة لكن لا تحزن فالله معك أخي اليتيم
وقلبي معكم
وقلوب كثيرة معكم نتحد من أجلكم لأننا إخوان في الله
لا أريدك أخي هكذا لا
مع تحيات فريق الاشراف والإعداد
والى اللقاء مع حكاية جديدة من :
سارة- مشـــــــــــــــــــــــــــــــرفة
- عدد الرسائل: 508
العمر: 20
تاريخ التسجيل: 04/02/2008 -
رد: حكايات جدو ...(4) العطف علي اليتيم
من طرف Admin في الجمعة 03 أبريل 2009, 12:59 pm
رائع شىء رائع جدا
وقصة هادفه ومثالية
نشكركم على مجهودكم الوافر والظاهر جليا
ونسأل الله أن يجعله فى ميزان حسناتكم
وأسعدنى التنويه عن مشروع كفالة اليتيم بقريتنا العظيمة
واحب ان انوه إلى ان التبرع القليل والمستمر
أفضل من كل الوجوه
وادعو الجميع إلى التبرع بصورة مستمرة بمبلغ خمسة جنيهات
لصالح مشروع اليتيم بجمعية الاصلاح الاسلامية شهريا
وبارك الله فى القليل
وقصة هادفه ومثالية
نشكركم على مجهودكم الوافر والظاهر جليا
ونسأل الله أن يجعله فى ميزان حسناتكم
وأسعدنى التنويه عن مشروع كفالة اليتيم بقريتنا العظيمة
واحب ان انوه إلى ان التبرع القليل والمستمر
أفضل من كل الوجوه
وادعو الجميع إلى التبرع بصورة مستمرة بمبلغ خمسة جنيهات
لصالح مشروع اليتيم بجمعية الاصلاح الاسلامية شهريا
وبارك الله فى القليل
_________________
قل لى بصراحة عندما تنظر فى المرآة ماذا ترى ؟
Admin- مديــــــــــــــــر الموقـــــــــــــــــــــــع
- عدد الرسائل: 320
العمر: 26
تاريخ التسجيل: 30/08/2007 -
رد: حكايات جدو ...(4) العطف علي اليتيم
من طرف الشيخ محمود في السبت 04 أبريل 2009, 11:08 pm
بارك الله فى الجميع
وفكره ممتازه يا بشمهندس
وياريت الاخوه الاعضاء يبادرو بالتنفيذ
فلكل حسنه عشر امثالها
ولا يشترط الخمس جنيهات
بل قدر المستطاع قليل او كثير
فكله خير باذن الله وعائد على منفقه بالخير
وفكره ممتازه يا بشمهندس
وياريت الاخوه الاعضاء يبادرو بالتنفيذ
فلكل حسنه عشر امثالها
ولا يشترط الخمس جنيهات
بل قدر المستطاع قليل او كثير
فكله خير باذن الله وعائد على منفقه بالخير
_________________
[img]
الشيخ محمود- مشـــــــــــــــــــــــــــــــرف
- عدد الرسائل: 1027
العمر: 25
تاريخ التسجيل: 19/11/2007 -
رد: حكايات جدو ...(4) العطف علي اليتيم
من طرف الحريف في الإثنين 06 أبريل 2009, 3:30 pm
ياسلام على هذه الأبداعات الجميله
عشت القصه وكأني عندهم
واضافت الأناشيد والفلم الكرتوني
اروع واروع
ربنا يوفقكم
سلمت الأيدي
عشت القصه وكأني عندهم
واضافت الأناشيد والفلم الكرتوني
اروع واروع
ربنا يوفقكم
سلمت الأيدي
_________________
ســـــــــــــــــــــاحر الـــشـــــــــــــــــــــــعــــر
ان لم تعشق بهواك ****** تتوه بسبب الحرمان
الحريف- ضيف عزيز وغالى
- عدد الرسائل: 711
العمر: 27
تاريخ التسجيل: 05/11/2007 -
صلاحيات هذا المنتدى:
لاتستطيع الرد على المواضيع في هذا المنتدى