تجديدات مركز شباب دملو

**santos** · من طرف **santos** في الثلاثاء 20 يناير 2009, 11:43 pm

بسم الله الرحمن الرحيم

فى بدايه الأمر

أولا : نادى دملو القديم تم تصميمه على مستوى رائع ليقوم بقاعه أفراح أو أى نشاط مثل الأنشطه الثقافيه والعلميه وغير ذلك..

ثانيا : النادى الجديد صمم على مستوى رائع و سوف يتم عمل له أرضيه من البلاط المحبب ومقاعد مخصصه للمتفرجين وشبك للسور محاط بالنادى وأيضا تزويد الإضاءه ويصبح الملعب مكتمل على أكمل وجه وقانونى ملعب خماسى وذلك للعب عليه جميع الألعاب مثل كره قدم ويد وغير ذلك من الألعاب..

ثالثا : الملعب الكبير تم عمل له حائط كبير من أول سور المعهد حتى سور النادى الصغير وذلك لحمايه الموجودين بالنادى على خطر الطريق ......

وغيرها من هذه التجديدات الكثيره .........

المهم الجوهر وتفريغ الطاقات وعمل فرق عمل من الشباب
لخدمة القرية المظلومة

**الشيخ محمود**

الله يكون فى عون الجميع
وربنا يوفق مجلس الاداره الى مافيه الخير لهم وللبلد

**ENG&mohamed amr**

نتمنى ان يكون النادى فعلا يبقى ماشى زى ما اسمة بيقول
مركز شباب دملو
مش مركز شباب ميت الحوفين او مركز شباب ورورة
احنا بنلاقى وقت بالعافية ف الاجازات اننا نلعب على ملاعبنا اللى هى اسمها
ملاعب مركز شباب دملو
وشكرا ليك يا احمد ع الموضوع الجميل دة

**santos** · من طرف **santos** في الأربعاء 21 يناير 2009, 10:42 pm

أشكر الجميع على الإهتمام بهذا التعاون والرد الجميل لصالح بلدنا

بس اللى عايز أقوله إن بلدنا أحسن بلد على مستوى البلاد المجاوره وروره وميت الحوفيين فى الملاعب .....

ويا بشمهندس محمد طبعا إنت عارف الأوقات بالحجز وعلى ما الكل يخلص إمتحانات ويفكر يلعب يكون الأوقات كلها إتحجزت ولازم نراعى المشكله دى ونفاديها............
ممكن نحجز بدرى شويه ......

**omar20hatem** · من طرف **omar20hatem** في السبت 24 يناير 2009, 12:24 pm

معلوماتك غير مدعمه بالصور يا سانتوس
والا اكمنك قاعد فى نعيم دملو
ما تسألش فى المتغربين
فين الصور الحديثة يا عزيزى للنادى
وشكرا لمجهودك

**santos** · من طرف **santos** في الأحد 25 يناير 2009, 1:02 am

تحت أمرك يا بشمهندس
ده طبعا النادى الكبير وهيبقى بإذن الله محاط بسور من الجهتين

[img]

[/img]

النادى الجديد وبإذن الله هيبقى مجهز الأرضيه من البلاط وسوف يتم تزويد الإناره
وعمل مدرجات للمفترجين وإحاطه السور بالشباك وغير ذلك....

[img]

[/img]

[img]

[/img]

النادى القديم هيصمم على أعلى مستوى وأيضا للعب الكره وقاعه للأفراح وحفلات ومسابقات أخرى ....

[img]

[/img]

[img]

[/img]

**santos** · من طرف **santos** في الأحد 25 يناير 2009, 1:27 am

نسيت أقولكم حاجه النادى بإذن الله تعالى هينتهى فى الشهر الجديد
شهر 2 وسوف يسلم للإداره 1 / 2 / 2009
والله الموفق..

**santos** · من طرف **santos** في الأحد 25 يناير 2009, 2:10 am

طبعا الساعه هتبقى زى ما كانت بــ 7 جنيه وكمان لازم الكل يجيب الكوره وهوا جاااااى
هههههههههههه للتذكره عشان الكل يا خد باله.......

**omar20hatem** · من طرف **omar20hatem** في الأحد 25 يناير 2009, 1:20 pm

مجهود رائع
ونورتنا
ايوة كده
صورة من ريحة البلد

**mr_x900** · من طرف **mr_x900** في الأحد 25 يناير 2009, 2:47 pm

الله ينور عليك بجد الصور حلوة

وعايزين نشوف حل لموضوع الكورة دى بجد

**santos** · من طرف **santos** في الإثنين 26 يناير 2009, 4:58 am

إنت تؤمر يا بشمهندس ولو عايز ريحه من البلد أنا ممكن ألف البلد كلها
وأصورها فيديو كليب وأعرضه لحضرتك ههههههه ...
إحنا تحت أمرك...
شكرا على الردود
طبعا مشكله الكوره دى طبعا إنتوا عارفين جمال عبد الحكيم
مسئول الملعب فى النادى قال إن من ثلاث شهور إتفرقت
أكثر من 143 كوره وكده طبعا ده حد كبير جدا فتقرر من مسئولين
المركز ( النادى ) إن بعد كده كل واحد فى ميعاده يجيب كوره للعب والنادى ليس مسئول عن كوره ...
بس بإذن الله سوف يتوصلوا لحل أحسن وأفضل وذلك عن القريب العاجل...

**omar20hatem** · من طرف **omar20hatem** في الإثنين 26 يناير 2009, 6:59 am

وعايزين نشوف حل لموضوع الكورة دى بجد

بصراحة مشكلة الكورة دى انا عارفها
وهى مالهاش نهاية
يعنى مثلا لو اقترحت على واحد من حضراتكم
انه يشترى كورة ويعطيها لجمال
ويقول له أجهالى
واليوم فيه تقريبا 5 ساعات
يعنى اليوم بخمسه جنيه
ويسيبها معاه مده معينة
لحد ما يشوف النتائج
هل هذه حسبة مضمونة؟
حد يجاوب
بعضكم هيرد ويقول النادى مسؤليته توفير الكورة
هقول زمان كان كده
ومرة على مرة
الكورة تفرقع
تضيع تتسرق
دايما مصير الكورة مجهول
وعملية الايجار كانت دايما فاشلة وغير مربحة
وعلشان كده اخترعوا حكاية الايجار من غير الكورة ده
مش كده ولا ايه

**santos** · من طرف **santos** في الثلاثاء 27 يناير 2009, 1:13 am

فعلا يا بشمهندس كلام مظبوط وكمان لو إتسرقت
أو ضاعت الناس اللى مأجره النادى هيقولوا ماشى
هنجيب كوره وشكرآ على ده مفيش فايده ومفيش كوره هتيجى
وعلى كل حال لازم كل واحد يجيب كوره وهوا رايح النادى وده أسلم حل ..
أ

**mr_x900** · من طرف **mr_x900** في الأربعاء 28 يناير 2009, 1:54 pm

على العموم هو اسهل حل كل واحد يجيب كورة فعلا

جنه · من طرف جنه في الأربعاء 28 يناير 2009, 3:03 pm

صور رائعه ممكن تصور البلد كلها عشان الناس كلها تشوف البلد العظيمه

**سميرالسيد**

الله ينور
وبالنسبة للكورة
شوفو النوادى الاخرى ماشية ازاى واعملو زيهم

**سميرالسيد**

انا تخيلت السور لما يتعمل ويكمل
لقيت انة هيوسع الطريق
وهيخلى الناس تمشى فى امان من السيارات
اليكم الصورة

انا تعبت ياجماعة على ما ردمت الردم دة كلة

**omar20hatem** · من طرف **omar20hatem** في الثلاثاء 03 فبراير 2009, 7:23 am

مجهود طيب منك يا سمير
وشكرا للاضافة
هو متر الردم بكم دلوقتى

**سميرالسيد**

مش بالمتر
بالمقطورة
متشغلوش بالكم
انا ردمت جانب السور زى مانتم شايفين

**mar** · من طرف **mar** في الخميس 05 فبراير 2009, 1:09 pm

مجهود رائع
ومشكور من الجميع
ومبارك عليكم السور والملعب وصالة الافراح
وان كان على الكوره
دائما يقال
من فات قديمه تاه
يعنى ممكن نرجع لزمان شويه يعنى بتاع 20سنه
كانوا بيلعبو بالكره الشراب
وما فيش اكتلر من الشربات فى هذا الزمان
ومع تقدم التكنولوجى تم اختراع الشوراب ابو اصبع
ده مجرد اقتراح وربنا يوفقكم
تقبلو زياراتى

قمت بزيارة اليوم الى مركز الشباب وجدت سور الملعب تقريبا مكتمل من ناحية الطريق لكن

من ناحية الزرع لم لم يتم البناء ووجدت الملعب متسع أى يمكن اللعب به بسهولة

أيضا تم زيارة مقر جمعية تنمية المجتمع المحلى وهى بمنزل الحاج محمود السباعى حلاوة

بغرفة مستقلة وبابها بفتح على الشارع وهو مكان مناسب لمقر مؤقت لحين بناء المقر الرئيسى

لها بجوار المدرسة 0

الموضوع يحتاج تشجيع ومساهمة بسيطة

ياشباب

MAXMIZE · من طرف MAXMIZE في السبت 07 فبراير 2009, 12:44 am

اصلاحات النادى جميلة ولكنها قد تؤدى لهبوط فريق دملة لكرة اليد

وللحديث بقية بعد الاستفسار الكامل

**santos** · من طرف **santos** في السبت 07 فبراير 2009, 1:05 am

شكرآ لمرور الجميع بالنسبه للعضو المحترم MAXMIZE
مفيش هبوط ولا حاجه الفريق جيد وعلى أكمل وجه
وإنشاء الله النادى هيتنهى بعد عده أيام قليله 12 / 2 من الشهر الجارى
ومش هيفوت الفريق أى تدريبات
وشكرا للمتابعه الجيده ........

MAXMIZE · من طرف MAXMIZE في السبت 07 فبراير 2009, 1:17 am

ya bash el matsh yom 13/2

على فكرة يا اخوانى باب النادى مفتوح للجميع ومن يريد نقل وجهة نظرة ورأيه

يذهب الى النادى ويتكلم ويناقش الرأى بوضوح

وشفافية

**santos** · من طرف **santos** في الأحد 08 فبراير 2009, 2:05 am

طبعا كلام مظبوط يا أستاذ محمد النادى بتعنا مفتوح للجميع ووجهات النظر كتير
وأرجو التقديم بالمقترحات إلى مجلس إدراه النادى .

بس فى الوقت الحالى النادى الحمد لله على أكمل وجه
والله الموفق..........

**AkRaM MaZaKoNy.Net**

والله فكرة كويسة بس المهم إننا نشارك فى النادى بممارسة الألعاب مما يؤدى إلى إنتعاش النادى الجديد

وأتمنى التوفيق منالله ...............
Shocked

**santos** · من طرف **santos** في الإثنين 09 فبراير 2009, 9:06 pm

يا جماعه النادى مشترك فى كل النشاطات المختلفه ......
وأرجو النظر وذلك موضح فى باب مركز الشباب موضوع كامل
إسمه التعريف بباب مركز الشباب .
وشكرا للجميع.....

**santos** · من طرف **santos** في الثلاثاء 24 فبراير 2009, 12:14 am

بالنسبه للنادى هو فعلا لحد دلوقتى على هيئه مكتمل بس لسه شويه
يعنى نقدر نقول نصف مكتمل وسبب التأخير طبعا الأسمنت وانتو عارفين وصل 900 جنيه

وده طبعا هيسبب خسائر كبيره وإنتظر المقاول على الأسمنت لحد الحمد لله مانزل
وبدأ المقاول فى الشغل تانى ....
وبإذن الله هيكتمل على خير يعنى من إسبوع إلى 10 أيام ... وسوف يتم الإفتتاح.

وطبعا بعد مايكتمل هنرفع الصوره كلها لمركز الشباب( النادى الخماسى وصاله الأفراح )

**karemo elsokkary**

ربنا يسمع منك يابوا احميد
انت شايف مش عارفين نلعب
بس يالة ربنايوفقهم وينتهوا على خير
عايزين نرجع نلعب تانى

**سامح الشربينى**

ياجماعة شكرا لكل المتحمسين للنهوض بمركز شباب دملو وان كان لى عتاب بسيط ممكن الشغل الكويس ده يتعمل فى اماكن كتييير من البلد مش مركز شباب البلد بس البلد محتاجة مجهود جامد وياريت كلنا نتفق على بعض النقاط التى يمكن ان تتم فى الفترة الجاية حاجات كتير لازم تتعملببعض المساهمات البسيطة من كل اعضاء منتدانا الاوفياء واقترح ان يراس الموضوع الا ستاذ محمد عبد الرشيد لما له من حماسة شديدة تجاه الرقى بمستوى بلدنا وهذه وجهة نظرى الشخصية ولكل عضو رايه اقترح ان يتم عمل جمعية لشباب البلد يصرف منها على تحسين مداخل البلد من جميع الجهات والمساهمة بسيطة زى ماقلت لحضراتكم ممكن جنيه واحد فى الشهر من كل فرد فى البلد تخيلوا معايا بعد كام سنة ممكن نكون عملنا ايه بالجنيه ده وعلى فكرة الجنيه ده هو اللى عمل (مستشفى سرطان الاطفال)ذلك الصرح العظيم وان كنت عرضت الموضوع ده قبل كدة وسمعت ردود مش مناسبة ياريت نفكر كويس ونشوف احنا نقدر نعمل ايه Crying or Very sad

**mezo2010** · من طرف **mezo2010** في الخميس 09 أبريل 2009, 2:09 pm

ربنا يكرم
ونشوف النادي من تاني
في جميع الانشطه

**santos** · من طرف **santos** في الثلاثاء 14 أبريل 2009, 6:43 pm

الحمد لله انتهى نادى دملو الجديد ذلك الملعب الخماسى الرائع وتم تسليمهمن قبل المهندس

بس طبعا لسه جاررررررررى تخطيطه وتقسيمه كملعب قدم وطائره ويد

وأيضا تم زياده إناره الكشافات هما 6 عمدان كل عمود فيه 3 كشافات من كشاف واحد ودلوقتى بيتعمل دكك للنادى

وعن قريب النادى هيبقى مكتمل ........

وللعلم بإذن الله هرفع الصورالنهائيه بعد إكتمال المبنى كلل.

وشكرآ لأبناء قريه دملو.........

**omar20hatem** · من طرف **omar20hatem** في الخميس 07 مايو 2009, 6:00 pm

ارفع لنا صور الوضع القائم
وبعدين صور الوضع النهائى
وشكرا لمجهودك

بارك الله فى الشباب جميعا وشكر خاص لمجلس ادارة مركز الشباب على التطوير والتجديد

ولا ننسى جهود مجلس الادارة السابق الكل له الشكر والتقدير ودائما متقدمين يارب

وبالشباب تنهض القرى لتنافس المدن فى الخير والمشروعات الخيرية

تجديدات مركز شباب دملو

تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو

رد: تجديدات مركز شباب دملو