كرسى الاعتراف مع admin

اسمى محمد فوزى
نفسى اشتغل فى مجال البترول ان شاء الله
مادخلتش شريعه وقانون " وطبعا انا فاهم انت بتسأل السؤال ده ليه"علشان كفايه واحد محامى فى العيله وبينى وبينك الى يعرف حد محامى مستحيل يحب يكون محامى لانها شغلانه متعبه جدا جداااااااااااااااااااااااااااااااااا
اما بالنسبه لحاتم باشا
طبعا بدون قسم كنت اتمنى اكون يابانى لان فى اعتقادى ان الوطن بأهله وناسه طبعا الناس هنا طيبين وكل حاجه بس للاسف فى رأيى ان ناقصهم اهم حاجه الطموح ده غير ان المفروض ياخدوا الامور بجد شويه "طبعا كده عرفت اخترت اليابان ليه"
اما موضوع الجنسيه المزدوجه كنت هاختار مصر واليابان او المانيا
وبكده يبقى خدت من المصرين طيبه قلبهم ومن اليابانين او الالمان جدهم والتزامهم فى عملهم

جميل
جميل خالص
جميل جدا
بس فيه سؤال عاوز اعرف اجابته منك بمنتهي الصدق

انتا ليه سلبي
وعشان متفكرش كتير
انا هوضح لك السؤال انتا ليه بتدافعشي عن حبك وسهل اقوي تتخلي عنه

انا مش بقول كده علي اساس اني مقطع السمكه وديلها بس انا عاوزك تجاوب بكل صدق

تحياتي

انا ادافع عن حبى لو كان الشخص التانى بيحبنى او على الاقل "يستاهل"
وببعدين انتم السابقون ونحن اللاحقون

سؤالي بقي يابوحميد
انت فعلا مقتنع ان حبك ميستهلشي انك تدفع عنو ؟

سوالي انت حبيت قبل كدة

اجاوب انا يا محمد ولا تجاوب انتا مع ذكر الاسماء تفصيلا

السؤال هو :

مين أفضل واحد على المنتدى من حيث المشاراكات؟

اية انت مطنشنا ومش عايز ترض

في حاله عدم الرد
ارجو ان تسمح لي الاداره بلرد
حيث ان ما يقوم به هذا العضو غير قانوني

اسف على التاخر فى الرد
معليش الدراسه بدأت وفىه تجديدات كتير فى المنتدى شغال فيها
اما بالنسبه لسؤال الاخ مختار
والاخ احمد
والخت لولا ستار
انا شايف ان اجابتهم بتدور حولين نقطه واحده وهما طبعا وعلشان نجيب من الاخر
"انا فعلا حبيت مره واحده بس للاسف كان الحب من طرف واحد والموضوع انتهى من زمان وطبعا انا مادفعتش عن الحب ده لانه كان من طرف واحد
اما بالنسبه لتلميحات الخ احمد فبأكدله ان مش اى حد يعجب بواحده يبقى كده بيحبها ممكن يكون فى فتره معينه من حياته بيبحث عن شىء معين وممكن يلاقيه بس مش شرط انهم يتفقوا فى كل حاجه وانا فى رأى ان الحب لازم يكون فيه تلاقى فى التفكير وحتى ولو اختلفى فى الرأى النهائى بس على الاقل تكون طريقه التفكير واحده ده طبعا غير تلاقى الروح"



بالنسبه لافضل عضو فى المشاركات ده طبعا مش ثابت لان معظم الاعضاء طبعا مشغولين وكل فتره والتانيه بيحاولوا يشاركوا بس على العموم فى رأيى افضل عضو فى الشهر ده حتى الان العضوه "ساره" بجد لها منى كل التقدير والاحترام وايضا لى عندها وعند معظم الاعضاء فى المنتدى عتاب بسيط "ان فكره هذا المنتدى قامت على خدمه اهالى القريه فى الاساس فمن الواجب ان تتركز معظم المواضيع حول القريه وتنميتها"

والله انا مش مقتنع بحكايه مره واحده دي
بس علي كل حال مفيش مشكله وشكرا علي اجاباتك
بس اسمحلي اسالك كمان سؤال
انتا تتوقع انك ان شاء الله هتتجوز جواز تقليدي ولا عن حب

لسه الموضوع ده بدرى عليه ولكن انا بفضل انه يكون عن حب "بالمناسبه ماتنساش انك قرييب هاتقعد على الكرسى"

كان غيرك اشطر انا قعدت من زمان يا جميل

معلش يا محمد بك أنا اتأخرت شوية في السؤال
وسؤالي هو : -
ايه الصفات الموجودة في بعض الأعضاء وكنت تتمني تكون عندك ؟
بمعني انك تقولي مثلا : أنا بحب صفة كذا من العضو الفلاني
وصفة كذا من العضو العلاني وكان نفسي يبقي عندي صفة كذا زي فلان ...وهكذا


وبعد ما ترد علي السؤال قولي ايه رأيك في السؤال نفسه

انا عندى ليك سؤلين
الأول: ايه اسم عبقرينوا ده ؟ وليه اتسميت بلأسم ده ؟
التانى: انت ليه متأخر فى الدراسه وماشى تاتا تاتا ؟ سبب مقنع برده مش اى حاجه ؟
اخوك محمد

الصفات الى موجوده فى بعض اعضاء المنتدى وكنت اتمنى انها تكون عندى
طبعا اول حاجه ملكه الكتابه من العضو ابو ربيع
الاهتمام الدائم بمشاكل البلد من العضو سمر السيد
ملكه الشعر من العضو محمد "حلاوه"
بالنسبه لرأى فى السؤال لازم الاول اعرف دفك من السؤال علشان يكون لى رأى فيه

ايه اسم عبقرينوا ده ؟
ده اطلقه على ابن عمتى سامح
وليه
علشان انا بحاول اشغل دماغى فى اى شىء مهما كان ولازم اعرف تركيبه وتصليحه وكل حاجه عنه
انت ليه متأخر فى الدراسه وماشى تاتا تاتا ؟
علشان اجاوبك على السؤال ده قولى انت الزمالك ليه بقالها كام سنه لم تفز فى اى مباراه "طبعا فهمتنى"

نصيب اكيد