كرسى الإعتراف مع folladona

لا ابدا واللة وبعدين انا مكنتش لحقت لسة اسجل نفسى فى السيرة الذاتية
وبعدين انت المدير مش هتعمل حاجة ضد الاعضاء
وبعدين انا يشرفنى ان الناس تعرف انى انا ايفاد ابوالعزم حسينى

يارب ياهادى
بسم الله
اسمعى ياستى
انا هسالك كام سؤال ورا بعض ماشى
انتى ايه رايك فى شخصيتك؟
وانتى شايفه ان شخصية اى انسان بتتحدد ازاى؟
انتى ايه رايك فى الصداقه؟
هل تؤمنين بمبدأ حرية المرأه ؟
كفايه عليكى كدا دلوقتى

برضو لسه ما سمعتكيش بتقولي القسم

يا اهلا
ردا على البشمهندس احمد
انتى ايه رايك فى شخصيتك؟
انا الحمد للة لدرجة معقولة راضية عن نفسى
وانتى شايفه ان شخصية اى انسان بتتحدد ازاى؟
بالنسبة ليا الشخصية بتتحدد من المواقف يعنى متقدرش تحكم على حد غير لما تعاملة
ايه رايك فى الصداقه؟
الصداقة تعتبر من اهم العلاقات فى الدنيا وبالذات لو كانت ناجحة وتستمر فترة طويلة
هل تؤمنين بمبدأ حرية المرأه
انا بامن باى حرية فى الدنيا سواء للمراة او للرجل بس كل حاجة فى الدنيا ليها حدود لازم نحترمها يعنى منجرحش ولا ناذى بيها حدولا نفسنا مع الاحتفاظ طبعا بمبادئ الاسلام والحفاظ على التقاليد

ما هى أهم أمنية لديك ؟
السؤال صعب قوى بس ممكن تكون ان منحرمش من اقرب الناس ليا لان دة دايما يؤثر عاليا بالسلب
ما هى أهم هوياتك
كنت زمان بحب العزف لكن دلوقتى خلاص لكن بحب الكتابة اى حاجة بحسها بحاول اكتبها وقصدى مش شعر او نثر لااااااا مجرد خواطر
ما هو أكثر شئ يضايقك ؟
اكتر حاجة ممكن تضايقنى ان حد يكذب عاليا والى بيضايقنى اكتر ان حد يتزاكا عاليا
وشكرا على المجاملة

هل تحسين أنك تختلفين عن زميلاتك ومن هن في مثل سنك ؟؟؟
اكيد فى حاجات مشتركة مبينى ومبنهم لكن كل واحد فى الدنيا في الى يميزة عن غيرة
لكن اية الى يميزنى عنهم مش عارفة الى يقدر يحدد دة الى حوليا مش انا

اهلاً بالجميلة Folladona على كرسي الاعتراف
ردودك كلها هادية ورقيقة اكيد شبه صحبتها ...



كنتي سألتيني مسبقاً لما كنت انا على كرسي الاعتراف سؤال حابه اسئلهولك برده ..

ما هي مواصفات فـــــارس احلامك ؟؟

تفتكري المديات دلوقتي بتأرق اي فتاة عند اختيار زوج المستقبل .. ؟؟
بمعنى شاب ابن حلال وذو اصل وعلى خلق ودين
بس على قد حلاته زي ما بيقولوا او لا يملك ما يستطيع ان يحقق به احلامك في حياة
هنيئة مستقرة .. هترفضي ولا هتقبلي ؟؟
وانا مش قصدي ان البنت مادية اوبتبحث عن المادة فقط ..
لكن حاجه زي احساس بالامان في هذه الدنيا المستوحشة ..
المهم انتي فاهمة قصدي .. يلا بقى ردي .. وعاوزين واقعية في الرد بعد اذنك


ماهو اكثر عيب في شباب هذا الجيل من وجهة نظرك ؟؟؟

تفتكري كلام الاب والام دايماً بيكون صح .. ولا ممكن يجانبهم الصواب في بعض الاراء
طب لو ده حصل وانت مش مقتنعة بامر او وجهة نظر احد والديك .. هتتصرفي ازاي ؟؟؟
هتعملي اللي انتي مقتنعة بيه ولا هتنفذي رغبتهم .. ؟؟؟

قوليلي اكتر اغنية بتحبيها .. او اكتر قصيدة او موضوع او كتاب او كلام معين انتي بتحبيه ؟؟

تفتكري ليه البنات الايام دي بقى همها الاول والاخير شكلها ولبسها ومنظرها الخارجي اكتر من اهتمامها بعقليتها وثقافتها .. ؟؟

لو في حاجه غلط في المجتمع وانت عاوزة بجد تغيريها هتعملي ايه ؟؟

هل folladona انسانة اجتماعية او انسانة تحب العزلة والهدوء ؟؟

كلمة نفسك تقوليها للبشمهندس حاتم من هنا على صفحات المنتدى ؟؟

المنتدى فرق مع folladona ازاي ؟؟


ايه اكتر حاجه نفسك تعلميها لولادك .. ربنا يرزقك ان شاء الله ؟؟


مش عارفه كفاية كده ولا انتي ايه رئيك ؟؟؟؟


للحـــــق .. كان في دماغي سؤال واحد بجد مش عارفه الاسئلة دي كلها جت منين
يلا يا عم عيشي بقى .. وعاوزين اجابات مفصلة قدر الامكان .. مش هنقص بقى وكده

وفقك الله الى ما يحب ويرضى

اية يا بنتى كل دة دى ماصورة اسثلة وانفجرت حرام عليكى
بصى يا ستى
ما هي مواصفات فـــــارس احلامك ؟؟
من مواصفات فارس احلامى يكون متدين يراعى ربنا فى كل حاجة بيعملها ولازم يكون بيحترمنى فى غيابى قبل وجودى ممكن كمان نقول صادق شكلة مريح ويكون طويل واسمر
بالنسبة بقى يا ستى للحالة المادية بصراحة اكتر المشاكل دلوقتى مبين الازواج على الفلوس والمصاريف وانا انسانة واقعية مش هقولك عاوزة مليونير بش عاوزة واحد يعيشنى فى نفس المستوى الى انا فية لانى اتعودت علية وخصوصا انى الصغيرة فمدلعة شوية ولو حالتة المادية اقل شوية ممكن استحمل وناقلم نفسنا لغاية منكون احسن لكن لو اقل كتير هبقى كدابة لو قلتلك هوافق
ماهو اكثر عيب في شباب هذا الجيل من وجهة نظرك ؟؟؟
سطحيين شوية بقو يدورو على البنت الحلوة قوى ولازم تكون تعرف انجليزى علشان المظهر العام ودول البعض مش الكل لسة فى ناس بتهتم بجمال الروح
بالنسبة للاب والام بصى يا ستى لو عمرهم كبير شوية مبيبقوش عارفين الدنيا من برة فلازم تتناقشى معاهم وتقدرى توصللهم اية الى بيحصل لكن لو سنهم قريب بيبقو عارفين وممكن ساعتها يبقى التفاهم احسن
والاحلى ان يكون ليكى اخوات كبار يبقى اسهل ودول لازم تسمعى كلامهم لو بتثقى فيهمهما ادرى بمصلحتك ولو مقدروش يقنعوكى اكيد مش هتنفذى الكلام لان ليكى شخصيتك المستقلة
قوليلي اكتر اغنية بتحبيها
اكتر اغنية بحبها لفيروز اسمها كيفك انت
وفى اغنية لمحمد فؤاد اللة لو نرضى بتاثر فيا قوى السؤال صعب فى اغانى كتير بحبها
اكتر مقولة بحبها لانيس منصور
الحب الحقيقى هو ان تحب الشخص الوحيد القادر على ان يجعلك تعيسا
واى كلام بحبة لو حد بيدلعنى بحب دة قوى بحب اسم فلة
تفتكري ليه البنات الايام دي بقى همها الاول والاخير شكلها ولبسها ومنظرها الخارجي اكتر من اهتمامها بعقليتها وثقافتها .. ؟؟
دة بيرجع لشخصية البنت ممكن تكون علشان تعجب الشباب وممكن علشان بتحب تشوف نفسها حلوة
بس الى انا لاحظتو ان البنات شبة بعض فى الشكل اللة يكون فى عون الشباب هيختارو ازاى
هل folladona انسانة اجتماعية او انسانة تحب العزلة والهدوء ؟؟
انا اجتماعية جدا
كلمة نفسك تقوليها للبشمهندس حاتم من هنا على صفحات المنتدى
اية الاسئلة الصعبة دى هقولة بحبك بس هو عارف بس هقولة انا ليا الشرف ان اكون اختك وانت ابويا الصغير عمرى مقابلت حد فى الدنيا ممكن استبدلة بيك
المنتدى فرق مع folladona ازاي
اكيد فرق معايا عرفت ناس كتيرة قوى عمرى مكنت هعرفها وكمان بتكلم مع ناس بتحترم بعض ودة شئ مهم
ايه اكتر حاجه نفسك تعلميها لولادك .. ربنا يرزقك ان شاء الله ؟؟
انا نفسى ربنا يرزقنى بولاد صبيان ونفسى انى اصاحبهم
وبراحتك ياستى اسالى الى انتى عاوزاة احنا ورانا اية
وشكرااااااااااااااااااااااااااااااااااااااااااا على الاهتماااااااااااااااااااااااااااااااااااااااااااااااااااااااااااام

ازيك يا أستاذة الصراحة إجاباتك كلها ما قل ودل
كنت عايز أهزر شوية في الأول لكن لقيت الناس كلهم بدأو بجد ودخلوا فيكي شمال بسيل من الأسئلة
الله يكون في عونك ...انت أدها وأدود

انتي قولتي رأيك في المهندس حاتم بصفته أخوك لكن عايزين نعرف رأيك فيه بصفته من إدارة المنتدى يعني مثلاً مدير غلس ولا دمه خفيف....ديمقراطي ولا ديكتاتور.....حازم ولا مرن...كده يعني ...وبعدين قولي لي لما بتفتحي المنتدى إيه أول باب بتروحي له تلقائي كده وليه...وإيه الأبواب اللي بتعجبك والأبواب اللي لاتحبيها ...وإيه الأبواب التي لاتهمك مطلقاً يعني مش فارقة معاكي...

وكفايه كده دلوقتي ...لغاية ما افتح مرة تانية

أديني فتحت تاني

انا كل ما أعرفه عنك من خلال السيرة الذاتية انك أخت صديقي العزيز مهندس حاتم لكن لاأعرف دراستك كانت في أي مجال؟
وماذا أضافت لشخصيتك؟

اهلا يا بشمهندس اولا انا بوصيك على اخويا خلى بالك منة الغربة وحشة
انا اتكلمت عن البشمهندس حاتم مش بصفتة اخويا بس وكمان مدير للمنتدى والى يعامل اقرب الناس لية كدة اكيد هيبقى محبوب من الناس كلها وفى تلك الحالتين هو البشمهندس حاتم ابوالعزم حسينى يعنى لية مش واحد فى البيت والشغل والمنتدى ولا انت اية رايك بصفتك صحبة
اول باب بروحة طبعا بتاعى الجمال والموضة
واكتر باب بيعجبنى هو قسم الدردشة
واكتر واحد عمرى مدخلتة هو الاستشارات
اما عن دراستى
انا فى كليةتربية عام بنها قسم رياضيات
من الناحية هى اضافت )))))))))))))))))))))))))))
بالنسبة للى بستفيدة ولا حاجة بستفدها من الكلية
لكن دراسة الرياضيات عموما طول عمرى وهى هواية ليا بحبها جدا
وكانت المادة الى دايما بجيب فيها الدرجة النهائية
واكيد انت عارف اية فايدة الرياضيات للعقل والتفكير
وكفاية انى بدرس حاجة حباها وبستمتع فيها

اهلا وسهلا بالاخت الغاليه

نبدأ بقا ---------------



المرأه للمرأة كالرحيق للزهرة .........................................
تشارلز ثوب
هل وجدت فله الصديقه الحق؟
اى مدى تضحيه تقدمها فله لصديقتها؟
ماذا تحبين فيها؟
وماذا تكرهين؟


المرأه هي الطاغية ....................................
. سرفانتيس

هل فله فعلا طاغيه؟
ديكتاتوريه؟
ماذا تحبين فى فله _ ان كنتى تحبيها اصلا_؟
وماذا تكرهين؟


اذا أردت ان تعلم ما عند الله لك ...فاعلم ما لله فيك
احد علماء السلف

هل فله راضيه عن دينها؟
تحافظين على صلواتك؟
اى وقت كانت فله فيه الى الله اقرب؟
واى وقت كانت ابعد؟
هل بكت فله من خشية الله؟

اخر سؤال عشان مطولش عليكى

لو وقع في يدك فانوس علاء الدين وقيل لكي تمني ثلاث أمنيات ! ماذا سوف تتمنين؟

هل وجدت فله الصديقه الحق؟
يمكن لو اتسالت السؤال دة قبل كدة كنت جوابت بنعم لكن دلوقتى مقدرش احدد اجابة
ى مدى تضحيه تقدمها فله لصديقتها؟
انت لو تسال صحابى اكيد هيجاوبوك ان ممكن اضحى بحاجات كتير وحتى لو كانت اغلى ما عندى
انا لما بحب حد بحبة بجد ولما بكرة حد بكرهة بجد ومبنساش اى حاجة وحشة اتعملت فيا ممكن اسامح لكن منساش
ماذا تحبين فيها؟
برتحلها وبتسمعنى ودة اكتر حاجة ممكن احتجلها
وماذا تكرهين؟
رغم حبها ليا لو زعلتها تقول للناس كلها ومتقوليش
هل فله فعلا طاغيه؟
ابدااااااااااااااااااا
ديكتاتوريه؟
لااااااااااااااااااااااااااااااااااااااااااااااااا
ماذا تحبين فى فله _ ان كنتى تحبيها اصلا_؟
احترامى لنفسى ولاهلى
وماذا تكرهين؟
عندية كتير وساعات اجى على نفسى علشان غيرى ودة بقى يضايقنى
هل فله راضيه عن دينها؟
الحمد للة
تحافظين على صلواتك؟
اكيد دى مفهاش نقاش
اى وقت كانت فله فيه الى الله اقرب؟
يمكن دلوقتى
واى وقت كانت ابعد؟
فى لحظات معنية مش فترات طويلة
هل بكت فله من خشية الله؟
كتيررررررررررررررررررر
لو وقع في يدك فانوس علاء الدين وقيل لكي تمني ثلاث أمنيات ! ماذا سوف تتمنين؟
اول طلب ربنا يسامحنى علية وانا عارفة انة مستحيل بس دى مشاعرى
ان امى ترجعلى
تانى طلب اى واحد ظالم فى الدنيا ربنا ياخدة ويريحنا ونعيش فى سلام والناس تحس ببعض شوية
واخر طلب انى الاقى ابن الحلال الى يستاهلنى
وشكرا يا سيدى

شخص تكني له كل الاحترام ؟
عمى فوزى حسينى
شخص تحبيه لمصلحه شخصيه ؟
مفيش حد
شخص غير حياتك بعد ان عرفتيه ؟
مفيش اسم معين بس فية اتنين تقريبا او ثلاثة بعد معرفتهم حياتى اتغيرت شوية
شخص تسمعي عنه وتتمني ان تلقيه ؟
العضوة سارةوsondos
شخص تتمني ان لايفارقكِ ابداً ؟
كل اهلى وصحابى
شخص مضايقكِ في المنتدى وبدون زعل ؟
انت قلت من غير زعل مفيش حد مزعلنى الحمد للة ربنا ميجبش زعل
شخص تقتدى به ؟
اخويا البشمهندس حاتم واخويا التانى البشمهندس محمد ربيع
رساله سلام حار وشوق كبير لمن تبعثيها ؟
لاقرب صديقة ليا بقالى شهور مشفتهاش
رساله عتاب لمن تبعثيها ؟
لصحبتى بردة
رساله حب صادقه تبعثيها الى ؟
لاى حد وقف جنبى وساعدنى والحمد للة دول موجودين
رساله اعتذار تبعثيها الى ؟
لنفسى علشان غلط فى حقها كتير

تتمنى تتجوزى جوه البلد ولا بره البلد
لما هتتخرجى هحاولى تشتغلى فى تخصصك ولا بظروفها