أشرف 00000000(يتحدث)

**cabo** · من طرف **cabo** في الأربعاء 15 أبريل 2009, 10:11 am

لاول مرة على شاشة المنتدى؟

حديثنا الشيق اليوم مع النجم (أشرف 00000000 )

فى أول حديث لة على منتدى دملو ؟

لقد سألتة أسئلة قليلة واجاب أجابات كثيرة !!

قلت لة

أية اللى مزعلك من الحكومة ؟

قال

ياعم فحتين فحت فى البلد ويقولك اية عشان المجارى.

والناس مش عارفة تمشى.

والدنيا مطرت والتراب (الناشف طينة )كدة متعرفش تمشى

يعنى الناس اللى بتجرى على اكل عيشها الصبح دى ,

تمشى أزاى؟

تيجى تقولهم ساوو الحتة عشان الناس متقعش يقولو !!

ما اللى يقع يقع !!

ثم سألتة عن البلد وكرم البلد ؟؟؟

قال

الناس مبقتش زى زمان

دلوقتى

واحد يديك بنطلون ويقولك يأشرف لو طويل قصرةولو واسع هات لة حزام

وواحد يقولك خد البنطلون دة حلو بس خيطة

وواحد يديك فلنة بنص كم ,ألبسها أزاى فى الشتا دة ؟

وتترك فى الحديث قائلا ؟؟
انت عارف (فلان ) أخو فلان جمب بيت فلان

فقلت اة ,,

كان عندهم زمان محل بباب خشب (قديم )

كنت اجى ماشى يندهولى ويدونى حتة حلاوة ويقولو لى( كولهايأشرف )

ويدونى سودانى بالليل (أد كدة ) ويفتح يدية الاثنين ...

تعالى شوفهم الان ؟

هدو البيت وعملو محل جديد

وباب حديد جراش (بقفل)حاجة حديثة مش زى زمان

وأجى رايح هناك يقولو لى (أمشى يأشرف)

.......الناس بينها 00000 والا أية .............(حديث منحفض مع نفسة )

حتى الحج (فلان )كان بيسافر السعودية,

كان بيجيب لنا التموين بتاعة كل شهر (شاى وسكر الخ )

وكان كل سنة يدينى شنطة فى رمضان ويقولى اديها لامك .

اروح الدار ألاقى فيها(قمر الدين وبلح وسكر وزيت )والبتاع؟

عارفة ؟

فقلت بتاع اية ؟

قال اللى بيترش كدة على صانية الكنافةاللى مدورة دى عارفها ؟

فأديتة سيجارة عشان ينسى

ونظرت الى عيناةالشاردة وكلامة.فلم أعلم هل حديثة هذا

مضحك أم مبكى

فقررت ان اعرضة عليكم

**أبوعبدالله فتحي**

.
لا تعليق سوى الحمد لله على نعمة العقل والدين

القصة جميلة ولها معانى كبيرة وهى قلة العطف على الغلبان

لكن أرجوا تغيير الاسم رجاءا رجاءا فهذا الاسم معروف للجميع

أعلم أن حضرتك قصدت الجفاء وعدم العطف على الغلبان

لكننى أرجوك غير الاسم خليه وهمى وليس حقيقى فقد يكون

الأخ المذكور فيه ميزة ليست بأى واحد منا ميزه الله سبحانه

وتعالى ونحن كلنا سواسية أمام الله ولا تزعل من كلامى

فأنا أعلم أنك تقصد الخير وضربت مثلا على شخص فعلا

يحتاج المساعدة وعلى العموم الحمد لله أن حضرتك

ذكرتنا به وبأمر الله سيكون فى الحسبان عندما يأتى

الخير من أهل الخير

تقبل مرورى

**omar20hatem** · من طرف **omar20hatem** في الأربعاء 15 أبريل 2009, 6:21 pm

تم تعديل اى الفاظ تدل على اشخاص دون المساس بمضمون الموضوع
والحوار فى حد ذاته افضل واهم اسلوب جذب للقارىء
وشخصية المحاور والمتمثلة فى قيادته للحوار وانتقاءه للاسئلة
وشخصية الضيف ومدى قوته وتاثيرة عل القارىء بموضوعية ردوده
تؤثر على الحوار بشكل كبير

وأرى نجاح المحاور والضيف فى الخروج لنا بصورة جيدة لحوار بناء
وهادف فعلا

وياريت الزمان يرجع لزمان

**omar20hatem** · من طرف **omar20hatem** في الأربعاء 15 أبريل 2009, 6:22 pm

وننتظر المزيد من الحوارات الممتعة

شكرا للأدارة الذكية على التعديل وشكرا لمجرى الحوار البناء

**سميرالسيد**

حوار جميل
وان كنت لا تعلم هل هو مضحك او مبكى
احب اعرفك انة مبكى
_
لان فعلا بعض الناس تخرج لله الشىء اللى أكل الزمن علية وشرب

أشرف 00000000(يتحدث)

أشرف 00000000(يتحدث)

رد: أشرف 00000000(يتحدث)

رد: أشرف 00000000(يتحدث)

رد: أشرف 00000000(يتحدث)

رد: أشرف 00000000(يتحدث)

رد: أشرف 00000000(يتحدث)

رد: أشرف 00000000(يتحدث)