رد: كرسى الاعتراف مه المهندس حاتم ابوالعزم

**mohammed** · من طرف **mohammed** في الأحد 23 ديسمبر 2007, 1:48 pm

اول سؤال :
س 1 لو سمحت يا هندسة انت كنت جايب مجموع كام في الثانوية العامة ؟( بالدرجات )

**سميرالسيد** · من طرف **سميرالسيد** في الأحد 23 ديسمبر 2007, 1:56 pm

س2
عشان ميطولش فى اجابة سؤال واحد ونختصر الوقت؟؟؟
أمتى أخر مرة ضربت الشيخ(عمر)ابنك؟؟وأمتا أخر مرة جبت لة هدية؟؟

**omar20hatem** · من طرف **omar20hatem** في الأحد 23 ديسمبر 2007, 2:01 pm

الإجابة الأولى 344.50 من 400 وعمر عاهدت نفسى أمام الله منذ شهر بأن لا أضربه بسبب المذاكرة وإنما يضرب لأسباب اخرى تتعلق بالأخلاق إن أخطأ وأخر مره ضرب فيها عمر بمعنى الضرب كانت منذ شهرين وإنما الان اسمها لطشة خبطه وليست علقة من بتوع زمان وأما أخر مرة جبت له هدية كانت أول أمس عيد ميلاده يعنى أنا برده نفدت يا أبوسمره علشان ربنا بيحبنى وما تنساش أسئلتكم خلصت يعنى ما ينفعش أنتم الإثنين تسألوا تانى تمام يا شاعر

mokhtar · من طرف mokhtar في الأحد 23 ديسمبر 2007, 6:10 pm

معلشي بقي ياهندسه سؤال يودي ورا الشمس
اول مره حبيت كان عمرك كم سنه وكم مره مريت بتجربت الحب؟؟؟؟؟؟؟؟ affraid

**omar20hatem** · من طرف **omar20hatem** في الأحد 23 ديسمبر 2007, 6:37 pm

أول مرة حبيت فيها كنت فى خامس ابتدائى وبعت لها جواب والناظر عرف واتمديت على رجلى والحمد لله وكان الوكيل ساعتها الاستاذ أمين رضوان وحبيت يا سيدى 24 مره وكنت كل مره أقصد بها وجه الله فى اختيار زوجتى ولم اغضب الله والحمد لله وزوجتى معاها اللسته كاملة من أول يوم عرفتها فيها يعنى برده نقبك طلع على شونة والصراحة راحه ياسيدى فالصدق نجاه

mokhtar · من طرف mokhtar في الأحد 23 ديسمبر 2007, 7:11 pm

حظك حلو انك كتبت اللسته قبل ما اقول السؤال
عديت منها بس في غيرك مش هيعدو

**محمد شعلان**

استعد يا باشمهندس
من هو الصديق الوفي لك في دملو مع ذكر واحد فقط وهو اقرب صديق اليك

**omar20hatem** · من طرف **omar20hatem** في الأحد 23 ديسمبر 2007, 9:57 pm

والله قد ضيقت واسعا يامحمد باشا شعلان ولهذا ولهذا سامحنى فقد أقسمت على الحق ولو ذكرت واحدا مخلصا لى فقد قصرت فى حق الكثير وأعتقد ان الإخلاص لى ليس بيدى ولكن بيد الآخرين وأنا كده ماهربتش على فكرة ياأبوعلى

**محمد شعلان**

انا مبسوط من ردك ياباشمهندس
لكني اعتقد ان لي الحق في طرح سؤال اخر اوبمعني اخر تبديل السؤال
الحب عندك قبل الزواج افضل ام بعد الزواج

**omar20hatem** · من طرف **omar20hatem** في الأحد 23 ديسمبر 2007, 10:25 pm

طبعا الحب عندى شعلة لا تنطفىء وخصوصا إذا كنت متزوجا من ملاك اسمه أم عمـــــــــــــر وطبعا مش كل شوية أذكركم بأننى أقسمت

**Ibrahim Elsokkary**

اما سؤالي لابو عمر بسيط خالص علشان هو حبيبي
ما هو الشئ الذي فعلته ثم ندمت عليه بعد ذلك
واريدك ان تقيم تجربة ترشيحك لرئاسة مركز الشباب

ملحوظه
السؤالين ليس لهم علاقه ببعض اطلاقا

من طرف زائر في الإثنين 24 ديسمبر 2007, 4:21 pm

ممكن اسألك سؤال مركب ؟
وترد زي ما تحب
السؤال بيقول...... إيه السؤال اللي ما خايف حد يسألهولك؟
ويا تري لو حد سألهولك ردك هيبقي أيه؟؟؟؟؟؟؟؟؟

أرجو الصراحة

من طرف زائر في الإثنين 24 ديسمبر 2007, 4:22 pm

معلش خطأ كتابي
قصدي ايه السؤال اللي خايف حد يسألهولك؟

**omar20hatem** · من طرف **omar20hatem** في الإثنين 24 ديسمبر 2007, 6:32 pm

الشىء الذى فعلته ثم ندمت عليه هو إهمالى واجباتى الدراسية فى الكلية لأنى كنت عارف ازاى أنجح وكنت بنجح بأقل مجهود ممكن وبعدين ندمت لما خرجت للعمل ولقيت زمايلى جايبين تقدير أفضل منى مع إنهم.............. بس طلعوا أمام المجتمع وسوق العمل أفضل منى

أما بخصوص تجربتى فى انتخابات الرئاسة لمجلس الإدارة والله يعلم جيدا بنواياى وبقسمى أننى إن لم أدخل هذه الانتخابات لكانت انتهت بالتزكية وهذا الأمر الذى أرفضه تمام حيث لم تجرى انتخابات فى مركز الشباب منذ عام 1988 تقريبا وكانت الناس مرعوبة من فكرة الانتخابات وبتصميمى ورفضى لكل الضغوط التى سعت لتنازلى قامت الإنتخابات وتعلمت منها الكثير أن العصبيات تطغى على أى شىء وتلغى أى عقل على الإطلاق وموقف زملائى الاعزاء أصدقاء الدراسة والطريق وعدم إعطائى أصواتهم ومنهم سعادتك يابشمهندس طبعا ولك مطلق الحرية فى ذلك ولا أعاتبك إطلاقا فهذه حريتك ولكن فقط أنا حزين لكونى ذهبت بعيدا بأحلامى وهذا حقى أيضا ولكن عندها تعلمت الكثير والكثير وقد اعطيت لمركز الشباب الفرصة لأصبح رئيسا له وقد أبى المجلس فى صورة أعضاءه وأعتقد أنها فرصة لن تعود أيضا وبالمناسبة والدى لم يعطينى صوته ولكن والدتى أعطتنى الله يرحمها

**omar20hatem** · من طرف **omar20hatem** في الإثنين 24 ديسمبر 2007, 6:35 pm

لم يرد فى ذهنى أى شىء أخاف منه يا أبو ربيع وما تخافش انت واسأل

**so close** · من طرف **so close** في الإثنين 24 ديسمبر 2007, 11:37 pm

هههههههههههههههههههههههههه

موضوع جامد والله

جامد اوى بجد

بس انا اقترح مايكونشى فيها سؤال من انت؟

يعنى لو حد هيسال

ميسالشى واحد مش عايز حجد يعرفه اسمك ايه
هههههههههههههههه

سؤالى لبشمهندس حاتم

امتى اخر مره كدبت فيها؟ وكان عشان تهرب من ايه؟!!!!

**أبو اياد**

موافق وفكرة جريئة وقيمة

**أبو سلامه**

فكرة جديدة بالنسبة للمنتدى ولكن يا حمادة هى فكرة قديمة قدم الأزل ولكن معنديش مانع على العموم من فات قديمه تاه
والفكرة رغم قدمها الا انها تستحق المحاولة
وانا اقترح ان أول واحد يقعد على الكرسى الباشمهندس حاتم ابو العزم سدد الله خطاه
وبعدين انا مرشحتش الباشمهندس حاتم لأنه قريبى أو كنا بنلعب كورة سوا أو فى الشارع بتاعنا ولكن لأنه بالفعل رجل الأخلاق الحميدة
حبيبى يا باشمهندى
واللى يقول يقول

**omar20hatem** · من طرف **omar20hatem** في الثلاثاء 25 ديسمبر 2007, 7:26 am

هموتكم من الضحك لكن دى مش آخر كدبة لكنها كدبة مش ممكن أنساها
كنت أنا وعمر ابنى قاعدين على السرير وبنلعب سوى كان عمره 3 سنوات وفجأه لقيت أبويا بينده على ويقول ياحاتم
فقمت مباشرة وبدون تفكير نازل تحت اللحاف أنا وعمر وقلت له اعمل انك نايم وما تردش
واحنا تحت اللحاف أبويا دخل علينا الحجرة ونده تانى ياحاتم
عمر طلع من تحت اللحاف وأنا عامل فيها نايم
عمر من تلقاء نفسه قال بابا بيقول لى اعمل انك نايم فصحيت طبعا
وكنت فى غاية الخجل
أبويا قال كلمة واحدة العيال الصغيرة ما بيعرفوش يكذبوا
وطبعا عملت فيها نايم علشان ماأقومش أعمل مصلحة وقمت عملتها وأنا فى غاية الخجل والخزى
فعلا الكذب مالوش رجلين
هل هذا يكفى يا سوكلوز أم ان لا ترضى بهذه الإجابة

من طرف زائر في الثلاثاء 25 ديسمبر 2007, 4:45 pm

رغم إن أنا عارف إنك قاصد تتجاهل سؤالي ومغزاه هسألك سؤال بسيط تاني للمشاركة فقط ليس إلا
وعلي العموم أنا هستنا رد السؤال الأول

السؤال التاني هو يا تري عارف مقاسات المصطبة بتاعة شريف الهادي؟ وهي حمولة كام نفر؟وكم خطوة بين بيتكم وبين المصطبة؟
.......حاول تتأكد من الإجابة قبل ما ترد

**محمد السيد**

لا بجد سؤال وجيه ومن الممكن ان يكون فيه مشقه حيث انه لما يجى يحسب انها حمولة كام شخص هيقعد مره ويعلم بقلم رصاص وبعدين يقعد من بعد العلامه ويعمل علامه جديده والخ الخ لح ميوصل لنهاية المصطبه وبعدين يعد الخطوط ويحسب كام نفر
بس خد بالك هتختلف من حموله كبيرة ( مقاس كبير) وحموله صغيره(مقاص صغير )
ياه دنا عرقت على ما كتبت مبالكم هو اللى هينفز
هه ههه هه ههه هه ههه هه ههه هه ههه هه
ربنا يقويك

**محمد السيد**

ليا سؤال : ماذا تعنى لديك هذه الكلمات :.........مهم الرد
1- إمرأة
2- حب
3- الجمال
4- زواج
5- خطوبه
6- حياه
7- عمل
مهم اووووووووووى انك ترد على سؤالى ..............أوكى انا مستنى اهو

**so close** · من طرف **so close** في الأربعاء 26 ديسمبر 2007, 1:48 am

انا هقدر برده اقولك انها مش كافيه؟

كفايه انك رديت والله يا باشمهندس

بس حوار جامد صراحه

اللى هو حوار اعمل نفسك ميت
ههههههههههههههههههههههههههههه

**omar20hatem** · من طرف **omar20hatem** في الأربعاء 26 ديسمبر 2007, 7:22 am

إلى أبوربيع لاتتهمنى بالزور اما المقاسات لأأعرفها ولكن ممكن أجتهد
والأطوال بالمتر الطولى
عرض المصطبة 0.70م
طول المصطبة 4.00 م
المسافة من بوابة بيتنا إلى أول الشارع 105.00 متر
حمولة المصطبة 10 افراد جالسين لكن اللى واقفين ماتعدش
وطبعا ده بيبقى نتيجة ارتفاع مستوى الحوار على مصطبة شريف
لكن بذمتك المصطبة دى مش المفروض تبقى بإسمى
ودى إجتهادات طبعا لكنها أقرب إلى الصح

**omar20hatem** · من طرف **omar20hatem** في الأربعاء 26 ديسمبر 2007, 7:40 am

إلى محمد باشا السيد
طبعا وسبق وتعارفنا على بعض لكوننا شعراء
لكن اسمح لى بان أضيف ترتيبا لإجاباتى يختلف عن ترتيبك
لكى أصل بك إلى الحقيقة التى أقسمت على تحقيقها
المرأة هى أجمل شىء على وجه الأرض برغم وجود الذهب والزمرد والمرجان والياقوت
الحب هو ذلك الشىء الذى يدفعك نحو شخص معين او شىء معين دون أن تعرف كيف أو لماذا
الخطوبة هى من أجمل فترات حياتك العائلية لأنها البداية
الزواج راحة نفسية ومستقر لكل متاعب اليوم بشرط أن تحب زوجتك وتراعى فيها الله
الجمال هو أن ترى زوجتك على كل حالة من حالاتها اجمل من على وجه الارض
العمل شىء إن أحببته ارتفعت به لتناطح السحاب
الحياة قيمة كبيرة وسعادة بالغة إن كنت طيب القلب وإلا ...........
وطبعا يامحمد باشا هذه حقائق وليست فلسفة لسان ولعلمك لقد انتهيت من الإجابة على أسئلتك فى خلال 4 دقائق من قراءتها

**الحريف**

ياباش مهندس بتحب تاكل اكثر حاجه ايه

من طرف زائر في الأربعاء 26 ديسمبر 2007, 11:37 am

شكرا يا هندسة علي الرد وعلي العموم أنا سميت المصطبة باسمك من زمان وممكن أعملهالك مفاجأة وترجع تلاقيني حاطط يافطة كبيرة عليها مكتوب فيها...:
مصطبة المهندس حاتم أبو العزم
ونكتب تحتها عشان نحفظ حقوق الناس ...:
أنشأها وقام بتطويرها ورعايتها الاستاذ الهادي يس

**محمد السيد**

عند ردك على اسألتى وجدت شخصيه جميله صفة الجمال هى اساس الحياه والمرأه هى اسمى معنى بداخلة اما الزواج فهى له مقدسات واهمية
فلك تحياتى ولك احترامى
وقد استفدت كثيرا من ردودك