أحمد فؤاد نجم كمان - عشان انت مصري

هذا الشعر وصلني على بريدي الالكتروني منقول عن الشاعر أحمد فؤاد نجم

ارجو ان ينال ابتسامتكم

مع تحياتي

عبدالله حسن

عشان انت مصرى
عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك د ه تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

مشكوريا منوفى

سؤال بسيط جدا ومحتاجك ياباشمهندس انك ترد عليه
اختار لك جنسية تانية وبالأمانة لازم ترد
اما لو اخترت انك تبقى مصرى
للأسف راجع السطر الأخير
لأنى وبكل فخر مصــــــــــــــــــــــــــــــــــــــــــــــــــــــرى

أخي الحبيب م. حاتم

أنا مصري بن مصري حتى تاسع جد والحمد لله ويشرفني هذا ولكن أحمد فؤاد نجم يرثى لحالنا والقرف اللي جالنا وربنا يجعل لنا من كل ضيق مخرجا ومن هم فرجا ومن كل قرف واحد يخفف عنا زي المهندس حاتم وبارك الله فيك

عبدالله

لو لم تكن مصر العريقة
موطنى
لغرست بين ترابها
وجدانى
وسلكت درب الحب
مثل طيورها
وغدوت زهرا
فى ربا بستان
وجعلت من عطر الزمان
قلائدا
ونسجت بين قبابها ايمانى
فاروق جويده