اضائه مميزه لغرف الاطفال

ايه الجمال والحلاوة دي ...
بصراحة كلهم جمال ... بس الأجمل ذوقك العالي
والأهم هو مشاركتك معانا في زاوية الابداع الحر ..
أهلا بيك بين المبدعين المبتدئين
ومستنين مواضيع أكثر

جميله يامحمد بيك
الله ينور عليك

شكرا على المجامله من ابو ربيع ومختار بس مافيش حد رد على السؤال

يارترى الاشكال دى ممكن تتناسب مع الزوق الدملاوى

أولا : إنت تقصد " الذوق " مش " الزوق "
ثانيا : أنا أعتقد إن الذوق ده مسألة نسبية ملهاش دعوة بدملو أوغيرها
صحيح البيئة الموجود فيها الإنسان وتربيته بتفرق في تشكيل أحاسيسه
ورؤيته للأشياء ...لكن في النهاية الأشياء الجميلة محدش يختلف عليها ..
والإنسان لما بيشوف شئ جميل بيأثر فيه علي طول ..لكنه بينساه مع الوقت ..
...لكن معروف إن الذاكرة الإنفعالية للإنسان بتخزن كل الصور اللي بتمر عليه
وفي وقت معين ..تلاقيه بيستدعي الصور دي لا إراديا
فمثلا : أنا من سنتين شوفت صورة جاكت رجالي جميل جدا لكن قولت لنفسي ده مش هيتناسب معايه ونسيته ..والسنة دي
نزلت أشتري جاكت .. قعدت أدور كتير وبصراحة مش كنت عارف أنا بدور علي ايه
وفجأة لاقيت جاكت قدامي عاجبني جدا فاشتريته وبعد ما روحت ولبسته افتكرت انه نفس
الجاكت اللي شوفت صورته من سنتين
وقصدي من الحكاية دي إني أوضح لك إن ذوقك نسبي ولحظي وممكن يتغير بمرور الوقت أو بتغير الظروف .... وبيتهيألي كده رديت علي سؤالك


وبالمناسبة أنا في ردي الأول مكنتش بجاملك ولا حاجة لأن الموضوع جميل بجد
واحنا هنا في زاوية الإبداع الحر عايزين نعرض كل شئ جميل من وجهة نظر صاحب الموضوع
حتي لو اختلفنا معاه في الرأي




ــــــــــــــــــــــــــــــــــــــــــــــــــــــــــــــــــــــــــــــــــــــ

الله ينور

حلوة خالص