المسابقة الأولي

يعلن باب الإبداع الحر عن مسابقة بعنوان


وشروط المسابقة بسيطة جدا :-
أولا :- أن تكون الصور المنتقاه للدخول في المسابقة لم يتم عرضها قبل ذلك في المنتدي.
ثانيا :- أن تكون الصور واضحة وغير مهذوذة
ثالثا :- لكل مشترك الحق في الاشتراك بصورة واحدة .
رابعا :- لكل مشترك الحق في تعديل الصورة أو تغييرها طول مدة المسابقة
خامسا :- يفضل أن تكون الصورة ديجيتال وليست بالماسح الضوئي ( سكنر )
سادسا :- يسمح بالصور الشخصية بشرط إكتمال عناصر التصوير من إضاءة وزوايا وخلفيات
سابعا :- آخر موعد للاشتراك في المسابقة هو يوم الجمعة 15/2/2008
ويتم إعلان العضو الفائز في موعد أقصاه يوم الأحد 17 /2/2008


جوائز كتيرة قوي (بس أنا بصراحة مش عارف ايه هي لغاية دلوقتي )
وعلي العموم أكيد طبعا الصورة الفائزة سيتم عرضها مع الموضوع المميز في صدر المنتدي
بس طبعا بعد رأي المشرفين علي المنتدي

جميل جدا سوف ارسل صوره طبيعيه ميه في الميه وعلي فكره ياجماعه والله الصوره موجوده من فتره
وهتشوفو فيها حاجه غريبه انتظرونا

وسوف ارسل لك مقطوعة فيديو (محصلتش)وخصوصا انى انا اللى
مصورها بنفسى
بس ياريت تصدقو كدة
لان محدش مصدق انى اللى مصورها؟؟؟؟؟؟؟؟؟
واسأل مختار

جميل

فية اقتراح بالنسبة للجوائز
وهو أنها تكون فيها شىء من المادية يعنى فلوس؟؟؟
اية رايكم؟

اذاى وكيف
هو دة الابداع انك تجعل هناك شىء ملموس
انا عندى الحل بس نشوف رأى الناس؟؟؟؟؟
وممكن احدد الجايزة وانا اللى أوصلها فى نفس اللحظة ومن على المنتدى الغالى
يعنى تلاقى الجائزة فى جيبك وانت جالس فورآ عالنت؟
اعتقد دة ابداع فى حد ذاتة
والا اية رايكم؟
طبعا لو وافق المشرف بعد ازنة

أنا هاحاول أفكر في موضوع الجوائز المادية إن شاء الله
وعلشان نختبر فكرتك يا سمير بك .. إفترض مثلا مثلا إن أنا اللي كسبت
يالله بقي ابعتلي الجايزة ... ( أوعي تفهمني غلط أنا بس باختبر الفكرة )
وإنت عارف إن أنا نزيه وإيدي نظيفة وعمري ما استغلت منصبي للربح
وأوعي تفكر إن الكرسي غيرني ...لالالالالا .. أنا والحمد لله زي ما أنا

( ها ...هتبعت كام ؟؟؟ علي العموم مش مهم بس خد بالك إن أنا المشرف وأنا اللي هحدد الفائز )

نتكلم جد شوية ... يا ريت كل عضو يبعت مشاركاته في موضوع مستقل
وسيتم غلق الردود علي الموضوع حتي لا نتأثر بآراء الآخرين
ويا ريت كمان إختيار عنوان للموضوع يكون معبر عن الموضوع
( وإختيار العنوان ومدي تعبيره عن الصورة هيكون عامل أساسي في المسابقة )

ماشى
هنحدد الجائزة المادية على حسب اللى هيدفع ولو عشرة جنية
بس المهم انها تكون جائزة ملموسة
وتوصيل الهدية هيكون فيها زكاء وابداع
وعشان متعبكوش
هنجعلها
كرت تلفون ب10جنية
وتستطيع ان ترسلة للفائز على الخاص
لانة هيكون رقم
وبقدرة قادر يتحول الى فلوس طبعا
اية رايك؟؟؟

برضه لازم نجرب ...
ابعتلي كده ...ولو خمسين جنيه اما شوف هينفع ولا لأ ........

أة والنبى
مينشفش دماغة
انا بقول الجايزة 10جنية يقول ابعت 50تجربة؟
عموما
بعد أذن المشرف...خلى الجايزة عليا المرة دى.....
خلاص قيمة الجائزة 20جنية
وهتكون للفائز اللى الناس هتختارة
ولما نبعتها أكيد مش هيكون فية وقت لاحد يتلصص على الخاص
لانة اكيد هيشحن ولو مشحنش هينقل الرقم ويمسح الرسالة
(وطبعا شكرا للباشمهندس حاتم على المعلومة)
وأتمنى ان محدش يظن فيا ظن سوء(انى عامل فيها واد خير وكريم و؟؟؟)
20جنية شىء بسيط لكن المهم الاحساس والتواصل
وأكيد المسابقة القادمة هيتقدم آخر
لكن اتمنى ان لاتزيد المكافئة عن 20ج
عشان اللى عايز يتقدم منجبروش على شىء
وشكرا

طب أعمل ايه بس يا عم حاتم علشان تكسب ..
علي العموم أنا لاقيت حل كويس علشان نخلي فرصتك في الفوز كبيرة
هانحط في شروط المسابقة شرط مهم جدا وهو : أن يكون المتسابق اسمه حاتم وأن يكون مهندس
وأن يكون عنده 38 سنه وأن يكون لديه 3 أبناء ... أظن كده ممكن تكسب ؟؟

هي فين المشاركات يا عالم ... المسابقة هتخلص ومحدش اشترك
فين الصور والمواضيع ...
طب أي حد يبعت أي صورة .. بس حد يفتح الباب
أنا كده هاضطر إني اشترك .. وطبعا أنا الحكم ..يبقي أكيد هاكسب

بعد إذن المشرف خلى المسابقة إلى تاريخ الجمعة 15 فبراير
علشان الناس تأخذ وقتها اللى معندوش حاجة جاهزة يجهز
وما تنساش تحط فى شروط المسابقة ثلاثة ابناء ولد وبنتين وتحط أسما ء الأولاد وأمهم لتصادف تنطبق على حد تانى ويكسب هوه
وانا مجهز مفاجاه
علشان لما آخذ الجايزه ما حدش يقول كوسة
دا حتى تلاقيها غليت

علي فكرة ياجماعه السلام عليكم اولا انا أخوكم عبداللة زكربا بعضكم يعرفني والكثير لا اولا سلامي اليكم جميعا وانا نفسي اشارك معاكم بس للاسف مش عارف اشارك ازاي بعني مثلا عايز اكتب في موضوع معين اكتبة فين او عايز اشارك في المسابقة انزل الصورة فين وازاي انا أسف اعذرو جهلي بالمنتدي الجميل لوحد يتفضل يشرحلي طريقة عمل امنتدي اكون شاكر جدا وده الاميل بتاعي zeco333yahoo.com وشكرا

منور ياخ ذكريا
فية اعلى صفحة كل موضوع على اليسار
مربعين
اللى على اليمين لةو ضغط علية هيعمل موضوع جديد (تحددالعنوان والموضوع ) والاعضاء يردو عليك
والصور
ربنا يسهل
انا لسة مرفقتش صور فالمواضيع

يا جماعه عايز اشارك
احط الصوره فين
حد يقوللي
ابوس ايديكم
كده هتضيعوا الفوز مني
الله يسامحكم

الأخ ابراهيم باشا ..
قم بعرض مشاركتك كموضوع مستقل
في باب الإبداع الحر ..بالعنوان الذي تريده
وعلق علي الصورة بأنها مشاركتك في المسابقة

تم مد ميعاد المسابقة لمدة يوم واحد
غدا إعلان النتيجة النهائية للمسابقة الأولي


( كل مشاركات الأعضاء جميلة ... يا تري مين وراهم ؟؟)