حاجه تحرق الدم

اقرأ الموضوع للاخر وقول رئيك بصراحه
كان في مره راجل وزوجته عايش في الريف زوجته قامت تعملو بيضه يتعشي بيها
لقت في البيضه ايه
كتــــــــكوت
راحت لجوزها قالتلو انا لقيت كتكوت في البيضه اعمل في ايه
قالها هاتيه نربيه اهو ينفع
المهم خد الكتكوت واعد يأكلو لحد ما كبر وبقي ديق حلو كده ينفع يتاكل
مراتو شافت الكتكوت بعد ما كبر قالتلو ايه رئيك ندبحو قالها لاء سبيه يكبر كمان شويه
المهم ان الكتكوت كبر وبقي حلو كده
مراتو قالتلو الكتكوت لو كبر اكتر من كده مش هينفع يندبح
قالها لاء سبيه يكبر سعتها نقدر نستفاد منو اكتر
المهم الكتكوت كبر الرجل قال لابنو هات الكتكوت يسعدنا في شغل الغيط
خد الكتكوت وشيلو علي ظهرو نقلت ردم وبعديها روح عليه اكل للبهايم المهم الكتكوت ضهرو اتعود
ابن الراجل حط علي التعوير شويت طراب
الرجل اعد بياكل بلحه رم الناويه الكتكوت اكلها
بعد يومين لقو حاجه خضره علي ضهر الكتكوت سابوها
يوم ورا التاني بدئت تكبر تكبر
لحد ما بقت نخله
المهم النخله كبرت
كده النخله بقت علي ضهر الكتكوت الي كان في الاصل بيضه
المهم النخله طرحت بلح
الي رايح والي جاي عمال يزقل في النخله علشان البلح الطوب كتر فوق ضهر الكتكوت مبقاش قادر يمشي
ابن الرجل قال لابوه انا هطلع النخله الي فوق ضهر الكتكوت اشوف ايه الي متقلها
مخليه مش قادر يمشي
الولد طلع فوق النخله لقي الصوب كون قطعة ارض كبيره قالك بس انا اعد هنا واستصلح الارض دي وازرعها بطيخ
المهم الواد استصلح الارض الي فوق النخله الي علي ضهر الكتكوت وزرع بطيخ
لحد ما البطيخ كبر الولد جه يفتح بطيخه وقع فيها
تنا يعوم يعوم يعوم لحد ما لقي مركبي
قالو ياعم ياعم احنا فينا
قالو انت في مديق جبل طارق
قال ياه انا بعدت اوي
ارجع تاني
اعد يرجع عوم لحد ما لقي جزيره قال بس
انا استصلح الجزيره دي وزرعها
زرع الجزيره عسليه بالسمسم
العسليه طلعت لوحدها والسمسم طلع لوحدو
قال يادي البخت انا اعدي البر التاني
عدي البر التاني
لقي عربيات ومتسكلات وعجل ومرجيح ومفيش ناس خالص
اعد يوم والتاني مش لاقي حد يأجر منو
قال اتمشي شويه انا زهقت
لقي راجل عجوز قاعد علي القهوه
قال للرجل انت لسه قاعد هنا والبلد كلها فاضيه
قالو هما رحو فين
قالو راحو الاوبره
ههههههههههه
حاجه تحرق الدم

لا حاجة فعلا تحرق الدم بس حلوة

طب وايه اخبار الكتكوت

هو ده بقى كتكوت دملو؟

خخخخخخخخخخخ
خخخخخخخخخخخخخخخخخخخخ


خخخخخخخخخخخخخخخ
خخخخخخخخخخخخخخخخخخخخخ

لا كتكوت دملو حاجه تانيه
ممكن احكيلك عنو لو عايز
بس فضي نفسك يوم جمعه
لو عايز يعني

والله ياواد يامختار انت عسل والموضوع ده زى العسل النحل
انا مش عارف الناس متضايقة ليه
ياجماعة احنا فى باب الفكاهة
واللى قريته خلانى مبسوط وسعيد جدا بالقصة الظريفة دى
وحاول تقرأ الفكاهة بمتعة ومرح
علشن توصل لك المتعة فعلا
وشكرا ليك يامختار
وما تنساش تحجز لى خمسة فدان من للى على النخلة بس يكون جنب المية علشان نوبة الرى
ونزرع المرة دى
قرع عسلى
وابقى خلى القرع يطلع لوحده والعسل لوحدة بقى