عيل ضرب ابنك

الحل من وجهة نظرى
إنى أجيب الولدين وأسمع منهم المشكلة وبعدين أقول لهم إنتم أصحاب أوزملاء
ويسلموا على بعض ويسامحوا بعض
والطفل بينسى بسرعة
لاكن لو قلت له اللى يضربك إضربه ده هايضر الإبن قبل مايضر الغير
لأنه هايضرب إخواته أولا ويصبح طفل عدوانى والغير ثانيا
وده طبعا من وجهة نظرى أنا

وماذا لو أننا عندما جمعنا الولدين للتعرف على المشكلة وحلها
ووجدت الولد الآخر يقول لك والدى قال لى اللى يضربك اضربه
وهناك فرض آخر هو عدم وجودك ساعة المشكلة
وسألك ابنك
ماذا أفعل ساعة ضربنى صديقى
فى الشارع فى البيت فى المدرسة
فى الحديقة فى باص المدرسة

أنا شخصيا هاقول لإبني لو ضربك واحد صاحبك
ابعد عنه وروح اشتكيه للمشرف أو للمدرس في الفصل
ولو ما المشرف أو المدرس ما عملش حاجة ..حاول انك
تتجنب الولد ده خالص وابتعد عنه وحتي ما تسلمش عليه
ولو طلب حاجة منك ما تعطيهالوش لغاية ما يصلحك
ولو الموضوع اتكرر من الولد وضربك تاني ..تعالي بلغني
وفي الحالة دي لازم أروح المدرسة وأقابل المسؤل واثير المشكلة
بس المهم إن في جميع الحالات إن يكون رد فعل الولد دايما هو تجنب الصراع
وعدم الرد بنفس الاسلوب .. لأن ده بيعلم الطفل انه يكون أهدي
ويحاول يحل مشاكله من غير عنف


بالمناسبة .. انت تعرف اني عمري ما اتخنقت ابدا ..
ولما حصل وواحد زميلي ضربني وانا صغير ..روحت لعمي
الدكتور عبد الوهاب قولتلوا قالي .. عايز تاخد حقك يبقي تأخدوا
بدماغك .. مش بدراعك .. ومن بعدها عرفت ازاي إن العنف
وسيلة الشخص الضعيف ( الحكاية دي حصلت وأنا عمري
8 سنوات ) والشخص اللي ضربني ده بقي صاحبي ولغاية دلوقتي
لما بفكره باللي عملته فيه يقولي يا ريتك كنت ضربتني ..كان يبقي أرحم

شكرا لأبو ربيع ورحم الله الدكتور عبدالوهاب ربيع
ونريد استكمالا كلافة الحالات لشمولية الحل
فى الشارع فى البيت
ردود الاطفال الأخرى كما هو عاليه أبويا قال لى اضرب اللى ضربك

على فكرة انا مع كل اللى اتقال فى تضاد العنف وبكل الطرق ومع ابو ربيع وحضرتك فى ضرورة مقابلة الولد لانه اكيد متعامل بقسوة علشان كدة عنفوى وعنده مشاكل نفسية المهم انك ما تحسسوش بدة وحاول تصاحبه انت قبل ما تخلى الاولاد اصحاب

لازم الولد ياخد حقه بايده
ولو الوالد خوفه صدقوني مش هيعرف يتعامل مع زمائله تاني

والموقف ده حصل قدامي وعجبني قوي

رأي الشخصي
ارى ان بعض الأراء رأي جبان جدا انت لما تعلم طفل كيف يبني شخصيته تعلمه ازاي يأخذ حقه من اي كان
فلما طفل بيضرب طفل وعملوا خناقه ده بيكون كويس دلاله على ان الطفلين راح يكونوا شجعان
علم طفلك ازاي يكون شجاع وهذه من صفات الشخصيات القويه
وقبل مايكون اخذ الحق باليد يكون بالعقل اولا

الاستاذ ابوربيع
رأيك جميل جدا
وهو الرأي الصحيح من وجهة نظري وليس العنف من أسباب بناء الشخصيه القويه
أؤيد رأي الاستاذ الفاضل / أبو ربيع

اويد رأى الحريف
وبصو معايا لو كان فى ولد سلوكه مش كويس وبيضرب زميله على طول
وجاء سيادتكم كلكم واقنعتو الولد بأنه مبيضربش حد
لكن ولا كانك قلت حاجه ورجع تانى بيضرب زميله
اوكد لكم انكم اول حاجه هتقولها لابنك اضربه زى ما بيضربك



ليه أخلى ابنى جبان
لازم اعلمه يكون اقوى وبيقف قدام اى شخص بيغلط فيه

والدين بيقوللك العين بالعين

ده وجه نظرى

الموضوع بسيط انا لازم اعلم ابنى السياسة
يعنى لما يشوف زميل لة اقوى منة يعمل معاة حلف او ميحاولشى يتخانق معاة
علشان ميضربوش
لان الضعيف هو الى بيخسر على طول
هى ديت السياسة الى فى البلد والى فى مجتمعنا
والى بتتعامل بيها الدول حتى مع بعضها

انا مع ابوبيع مش علشان ابن عمى لالالالالالا
انالى راى ان الشجاعه مش بالدراع ولا مين يقدريضرب مين الاهم مين حلو ومين وحش لو قلت الايضربك اضربه دى تبقى قلة ادب ونبقى عودنا اولادنا على العنف وينشى جيل لايعرف التفاهم ونبقى عيشين فى غابه
كل واحد ياخد حقه بايده
ام لوكان الطفل متعود يضرب زملائه يبقى نضربه هو وابوه
وبعد كده نصالحه ونعفو عنه

الشيخ محمود كتب:انا مع ابوبيع مش علشان ابن عمى لالالالالالا

لقد تكرر هذا الرد كثيرا منك ياعزيزى الشيخ
ولكن دعنى أعرض عليك ردا جميلا

abu rabia كتب:

ولما حصل وواحد زميلي ضربني وانا صغير ..روحت لعمي الدكتور عبد الوهاب قولتلوا قالي .. عايز تاخد حقك يبقي تأخدوا بدماغك .. مش بدراعك

رحم الله والدك الغالى علينا جميعا
فاولى لك ان ترد الفضل لصاحبة
واعذرنى يا أبوربيع حتى أنت نسيت أن ترد الفضل لأصحابة
والأن نعود لاستكمال الردود
ونركز عليها ثانية

انا لم اقصد شىء الا الاتفاق فى الراى مع ابوربيع وان كنت اتفق فى الراى فاكيد اتفق مع
ما ساقه عن والدنا رحمه الله ولا انكر فضله
لان ابوربيع استدل بما حدث معه وما فعله الدكتور عبدالوهاب