تجربة زواجى..سمير

من طرف **سميرالسيد** السبت 05 أبريل 2008, 3:30 pm

هناك موقف اود ان احكية
وهو
بعد ما ربنا تمم بخير وبعد مرور يوم بعد الفرح
ارسلت محمد ابراهيم ابن اختى ..عشان يجيب صور الفرح
فجاء وقالى الصور اتحرقت
وبيضحك؟؟؟
قولت ماشى ياعم يعنى مروحتش
عموما انا هبعت عبد الفتاح ومش عايز منك شىء باين عليك كسلان
ياعبو روح هات الصور وخد الوصل معاك من محمد؟
بعد شوية عبو قالى ياسمير الصور اتحرقت بجد
!!!!!!!!!!!
جالى صدمة
اية العمل ؟؟
وياترى الذكرى الجميلة دى تضيع كدة؟؟
وهقول للعروسة اية ؟؟؟
وياترى هقدر اخفف الصدمة؟؟
عنها ..وانا عايز احد يخفف عنى اصلا الصدمة؟
هذا ماسنعرفة فى الحلقة القادمة
او بعد الفاصل
-
-
بس اللى عندة حل يقولة الان (فى حل المشكلة دى)
على مارجع لكم

من طرف **Abo Dina** السبت 05 أبريل 2008, 4:16 pm

بتهيألي يا أبو سمرة الذكريات دي بتكون محفورة في الذاكرة
ومش محتاجة صورة على الأقل بالنسبة لصاحبها
ولا انت محتاج صور تفكرك بالمناسبة السعيدة دي

قول الحمد لله إنها جات في الصور
وعقبال فاطمة يا أبو فاطمة

من طرف **cabo** السبت 05 أبريل 2008, 6:48 pm

ان بيتهيألى ان الموضوع دة ملوش حل
؟
ويابودينا بصراحة بردو اكيد لازم صور
انا لو مكان العروسة فالظروف دى هخنق المصور

من طرف **omar20hatem** السبت 05 أبريل 2008, 7:02 pm

لو ايامك كان فيها فيديو تبقى بسيطة
نطلع م الفيديو صور
ولو ما فيهاش فيديوا
أنا هنبسط على الاقل هأخذ ثمن الوصل تانى
ههههههههههههه

من طرف **Abo Dina** الأحد 06 أبريل 2008, 2:24 am

cabo كتب:

ويابودينا بصراحة بردو اكيد لازم صور
انا لو مكان العروسة فالظروف دى هخنق المصور

يا عم تخنق المصور دي مش مشكلة
إنما شكل أبو فاطمة كده كان خايف هو اللي ............. ربنا يستر
هنشوف في الحلقات القادمة

من طرف **mohammed** الأحد 06 أبريل 2008, 9:15 am

بسيطة يا ابو سمرة
البسوا تاني وروحوا اعملوا صور جديدة
بس خاللي بالك المرة دي وخد وصل امانة على المصوراتي
يعني حاجة كدة زي تنازل عن المحل لو الصور اتحرقت تاني
بس لو عملت كدة واتحرقت تاني يبقى العيب مش في المصور

من طرف **سميرالسيد** الأحد 06 أبريل 2008, 5:12 pm

وصلنا بالسلامة للتكملة

بعد كدة زهبت الى الاستديو عشان اعرف فية اية بالضبط وعشان اتخانق معاهم كمان

ومهما يكون قولت هكسر لهم الاستديو باللى فية حتى لو هتسجن

وعندما وصلت من قابلنى ؟؟؟

قابلنى رجل كبير فى السن وطلع هو صاحب المحل (او العامل المسؤل فية)

وطبعا دة محل مشهور فى بنها ولا اريد زكر اسمة (عشان سوقة ميقفش واكون انا السبب)

المهم

قولت لة اية اللى حصل بقى

قاللى

والله يابنى غصب عننا كلنا؟الكمبيوتر جالة (فيرث)

وضيع كل الصور اللى على الهرد مش صورك بس ..لا جميع من أتصور فى هذا اليوم

فقلت لة كلام جارح !!! وبعدها ندمت انى قولت الكلام دة لان فعلا الموضوع كان خارج عن ارادة المحل(لانة قضاء وقدر)

ومن ضمن كلامى لهم

انتو جايبين كمبيوتر لية ؟؟احنا كبرنا الكمير ام فيلم دى

ويوم ما هنتقدم ونستخدم الكمبيوتر هنخرب الدنيا

فقال لى الرجل ياسيدى والله احنا ودينا الهرد لمهندس فى اسكندرية وهيحاول يطلع اى صور منة ان شاء الله

ولو عايز تتصور تانى ماشى التصوير على حسابى والكوفير والفستان على حسابى فقررت ان نتصور تانى ؟

لكن هناك مشكلة ؟ فكيف اقول للعروسة الخبر ؟

واخير زهبت لها وقولت لها اية رايك لو لبست انا البدلة تانى وانتى تلبسى الفستان تانى ونعيد الفرح لوحدنا ونتصور تانى ؟قالت ياريت والله انت بتتكلم جد؟

قولت طبعا جد وانا كمان اتفقت مع محل فساتين وجبلك الفستان اللى تقولى علية ويكون مختلف عن الاخر(النحس)

وفعلا اتفقت مع المحل ولبست البدلة وشيلت الجرفتة فة كيس صغير وزهبنا لمحل افساتين وجبنا الفستان فى كيس كبير وركبت عربية مخصوص لحد المصور

وعندما دخلنا جلسنا برهه ثم دخل المصور وقال معلش احنا اسفين (يقصد على الصور المحروقة)فقلت لة عادى مفيش مشاكل

فقالت العروسة أسفين لية؟؟

قولتلها مش احنا جالسين بقلنا شوية ومحدش قال عايزين اية؟قالت ياااة دا المحل دة حلو والناس هنا محترمين اوى!!

وفجأة جائت بنت شغالة فى المحل وقالت هتتصورو قولت اة... قالت فين الفلوس؟(حاكم الشعب المصرى ناصح اوى)هو انا هاخد الصور وأهرب يعنى؟

فردت الاخت الناصحة التانية وقالت اصل دول اللى صورهم اتحرقت؟؟

؟؟؟؟؟؟؟؟؟

؟؟

؟

من طرف **omar20hatem** الأحد 06 أبريل 2008, 5:31 pm

هههههههههههههههه
عسل يا ابوسمرة يا سكرة
الكذب مالوش رجلين
ههههههههههههههههه

من طرف **سميرالسيد** الأحد 06 أبريل 2008, 5:48 pm

رجعنا
-
كانت العروسة طالعة السلم عشان تتصور وفرحانة
وعندما سمعت كلام (البنت) وقفت واتمسمرت وقالت هى البنت دى بتقول اية
انا بنت بنت اية باين مبتكلمناش احنا!!
فنظرت ليا وقالت سمير الصور اتحرقت صح؟؟
وهى شايلة الورد
جاء فى بالى اغنية عبد الحليم؟
لرميت الورد طفيت الشمع ياحبيبى؟
فقلت لها؟
اسمعى الصور اتحرقت وخلاص
واحنا الان دقيقة واحدة ونعمل صور جديدة
هتزعلى وتبوظى كلاللى عملتة براحتك!!انا مش مستحمل شىء الان
وهو انا بردو مش زعلان يعنى
اطلعى خلينا ناخد صورتين وخلاص
طلعنا
ونتحيل ليها تضحك انها ((تضحك))ابدا!!
الى ان قال الراجل المصور البارد
اضحكى ياعروسة انتى زعلانة ؟ دانتى بتتصورى صور الفرح
بصت لة وقالتلو
انت مش عارف انا زعلانة لية انت اية مخ دة خلاص
فنظرت لها وضحكت لانها ادتهم لة فى جنابة؟
فلم ضحكت ضحكت..
قولت للمصور صور بقى ياعم وجعت قلبنا
هههههههه
صورنا 5صور 3مبتضحكش فيهم
و2
ضحكة صافرة
معزورة ياجماعة بردو
وبعد يومين
المهندس بتاع اسكندرية طلع3 صور من القدام من الهارد المقندل
فأصبح عندنا
3صور أصلى من الفرح نفسة
و5 من تانى يوم الفرح
وقولتلها
تصدقى ان صور تانى يوم احسن من صور اول يوم
تقول لالا ازاى صور اول يوم جميلة شوف ضحكتى صافية ومن القلب ازاى
وانا اقول اة وبتاعة تانى يوم فعلا فيها (غل )ازاى
وضحكنا
وبقى عندنا صورتين وفستانين
لفرح واحد
تمت بحمد الله

من طرف **Abo Dina** الأحد 06 أبريل 2008, 8:33 pm

ألف مبروك يا عم
وعقبال الصور الثالثة ، وتكون في فرح فاطمة ان شاء الله

من طرف **omar20hatem** الأحد 06 أبريل 2008, 9:12 pm

رايح فين يا ابوسمرة اسه بدرى
دور فى الدفاتر
هو دخول الحمام زى خروجه
شاطر تقول لى خلص ياعم حاتم
عايز احكى لكم قصصى
وتيجى تخلع
كمل يا عزيزى

من طرف **mezo2010** الإثنين 07 أبريل 2008, 7:50 pm

جميله
وفعلا موقف غريب
واي حد مكانك كان اكيد هيتخانق مع الاستوديو
بس فكرة ان البس البدله والعروسه الفستان من تاني
جميله حلة الموقف
والاحلى الضحكه
صحيح هو اضحك له الوان
ليه بقول ضحكه صفرة
ومش بنقول ضحكه حضراء
او حتى حمراء

ما علينا
جميله القصه ويا ريت نسمع الباقي
يمكن يكون فيه جيد

وشكرا

من طرف **سميرالسيد** الإثنين 07 أبريل 2008, 8:29 pm

مأنا بقولك ياخ ميزو
احنا ملناش (الدجتال والهرد والكمبيوتر)
احنا افضل شىء لنا
الكميرا أم فلم
-
ههههه
وياهندسة
دى مواقف صعبة شوية
انت مش حاسس اصل اللى عالبر شاطر
صور الفرح (هنعلق اية فى البيت وهنفرج اولادنا على اية)
؟؟؟؟؟؟

من طرف **mezo2010** الإثنين 07 أبريل 2008, 9:43 pm

عندك حق

من طرف **mohammed** الثلاثاء 08 أبريل 2008, 12:28 pm

اذا كان عاللي هنفرجه لولادنا فما تشيلشي هم
هيتفرجوا على حاجات كتير
المشكلة ان الواحد فعلا لازم يعلق صورة الفرح في الصالة
علشان يعرف اذا كانت مراته لسة بتحبه ولا بطلت
هتقولولي ازاي
اقولكم
لو روحت يوم من الشغل وانت قاعد في الصالة بتخبط عينيك لفوق لقيت الصورة بتاع الفرح نضيفة يبقى مراتك لسة بتحبك
لوبقى لقيتها مليانة تراب يبقى الاجابة التانية
اعتقد ان دي اهم كتير من لنك تفرج الولاد عليكم وانتو بتتصوروا في الفرح
واهو تلاقي حاجة تزهق عليها وتعمل الشوية بتوعك وتاخد بعضك وتخرج بحجة انك زهقان من البيت
انا ما قلتش حاجة هه
حد سمع حاجة
ربنا يستر

من طرف **sondos** الثلاثاء 08 أبريل 2008, 1:19 pm

فنظرت ليا وقالت سمير الصور اتحرقت صح؟؟
وهى شايلة الورد
جاء فى بالى اغنية عبد الحليم؟
لرميت الورد طفيت الشمع ياحبيبى؟

........

مـــــــوقف غريب فعــــــلاً ...

يا ترى يا استـــــــاذ سمير لو رجعت بيك الايـــــــام كنت برده هتختار عدم اخبار العروس وتركها للصدف علشان تعرف اللي حصل لصـــــوارها .. ولا كنت هتقولها من البداية .. ؟؟؟

وفي انتظار المزيد من المواقف ...

بارك الله لك في اهل بيتك ورزقكم كل خير

...

من طرف **abu rabia** الثلاثاء 08 أبريل 2008, 1:38 pm

بجد يا سمير موقف في غاية الغرابة
وانا بحسدك علي برود اعصابك وتعاملك
مع الموقف بهدوء

علي العموم يا ريت المرة الجاية وانت بتتصور
مع العروسة التانية حاول تغير الاستوديو

من طرف **mezo2010** الأربعاء 09 أبريل 2008, 5:16 pm

انا عاوز ابو ربيع هو اللى يكتب تجربته

وبعدين يا ابو ربيع سيب الراجل في حاله

احنا هنا بنهدى النفوس وانت عارف

الشرع محلل اربعه

من طرف **سميرالسيد** الإثنين 14 أبريل 2008, 11:00 pm

هيتفرجو على اية ياشاعر ؟؟؟
طلاما الواحد ماشى على السراط المستقيم وبيسمع الكلام خلاص
انت فى الامان
ههههههههههه
الدكتورة سندس
الصراحة حلوة ومطلوبة وضرورية بين الذوجين!!
لكن؟؟؟؟؟؟
هناك ظروف تحتم على الرجل ان يصبر ويتصرف بحكمة(نوعا)الى
ان يشاء الله بالفرج
المهندس ابو ربيع
باين عليك مبسوط منى اوى
وعايزنى اعتزل الحياة السياسية والمدنية
واعيش مهدد فى الحياة

من طرف **sameh ahmed** الأربعاء 22 أكتوبر 2008, 11:25 am

رائـــعـــة
ربنا يديم عليكم الصور الجديدة
وتكون دايماً ذكرى سعيدة
وبارك لكما فى فـــاطــــمــــــة
ورزقكم برهــــا

ونرجو كتابة تجربة
أبــــــــــو ربيــــــــع
فوراً

متزعلش طالما السعادة موجودة ربنا يوفقك

تجربة زواجى..سمير

تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير

رد: تجربة زواجى..سمير