الصداقة

ما هو رايك فى الصداقة
وما هو اصعب موقف حصل مبينك ومبين حد من صحابك
وما هى اطول فترة حافظت فيها على صداقتك

الصداقه اسمى شئ فى الوجود بدون الصديق الوفى تصبح الدنيا بلا طعم وبالنسبه لاصعب المواقف الحمد لله لم تمر على انا واصدقائى مواقف عادائيه تزكر اما مدة الصداقة فهى والحمد لله تابيده لانى الناس اللى اعرفهم انا عارفهم من كتاب سيدنا ابوعبده لحد دلوقت وربنا يستر

محدش عندة اصدقاء ولا اية

الصداقة شئ جميل
وبالنسبة لي أنا قضيت وقت كبير من حياتي مع أصدقائي أكتر من اللي قضيته مع اخواتي
بس للأسف ده كان زمان ، قبل الارتباطات ما تكتر والكل ينشغل في هموم الدنيا
بس اكتشفت ان فيه أصدقاء كتير الواحد غلط في معرفتهم
بس أهه الواحد ما بيتعلمش ببلاش

وعلى النقيد لي أصدقاء من خارج البلد لن تتعدى مدة إقامتي معاهم أكثر من ثلاثة أشهر
ومع ذلك فدرجة الصداقة بيننا أكثر من ناس كتير قضيت معاهم كل عمري

الصديق هو الأخ أو الأخت اللى لم تلده أمك وهو أحيانا أقرب لك من الأخ بحكم الظروف

أصعب موقف هو فقد أحد الأصدقاء المخلصين سواء بالوفاة أو بانقطاع العلاقة في زحام وتشتت الحياة

وأطول فترة حافظت فيها على الصداقة مدة 30 سنة وهي طول فترة صداقتي لصديق لي من أيام التوفيقية الثانوية ثم هنسة عين شمس وحتى الآن...وربنا يديمها إن شاء الله

انا مريت بمواقف كتير اكدت لي ان ما فيش حاجة اسمها صداقة

يا مرحبا يا مرحبا
كفاره يا اخت لولا
وايه التشاؤم اللي من اولها ده
خليكي كول

بسم الله الرحمن الرحيم

الصداقة كنز نادر افتقدناه فى عصر العولمة نعم نريد الصداقة ولكن لن نجدها الان الا مارحم ربى

اصبحت لغة المصالح المشتركة هى السائدة وسيطرت المادة على كل العقول بل وقضت المادة والحالة

الاقتصادية على الصداقة 0

ولكن هل نترك انفسنا لهذا التيار الجارف يجب ان تكون الاجابة لا ويجب علينا التمسك بعادتنا

واصولنا وصاقتنا ورب صديق ينفعك عن اخوك ولكن صعب جدا انتقاء الاصدقاء الحقيقيين

ويجب عمل اختبارات عديدة وعديدة على من نصادق واصبح الامر فعلا صعب ولكن لابد

من خوض التجربة مرات لأن الانسان لا يستطيع العيش بمفردة بل حاجته الاساسية هى

الاحتياجات الاجتماعية 0
محاسب/ محمد عبد الرشيد
الموقع الالكترونى على الياهو wwwreshed-net

الصداقه الصادقه اسمي ما في الوجود
وانا والحمد لله اعيشها

الصديق هو الشخص الذى يقف بجوارك
بنفسة ومكالمتة التلفونية حتى بالرنة(التى تقول انة يتذكرك)
واللى مطنشك دة هو (انسان)مثل باقى (الانسننات)لكنة مش صديقق
هههه

انا شايفة ان الصداقة اهم حاجة في الدنيا وان الصديق هو اول واحد هايقف جامبك اول ما يحس انك محتاج لة بس المشكلة هي انك تلاقي الصديق دة واليومين دول والحمد للة صعب انك تلاقية

الصداقة حاجة كويسة جدا بس صداقة كويسة محترمة والصديق الصح هو الى يقف جنبك فى كل حاجة حلوة وحشة

مجتمعنا الشرقى يجب ان يتمسك بالتقاليد العربية ولا يتامرك كلنا نحتاج الى بعضنا

ويجب ان نعود الى الصداقة الجادة

كل الى انت كتبتة جميل
بس صعب يتحقق

ليس صعبا ياfolladona
فانا الحمد لله وجدت أصدقاءا حقيقين وينطبق عليهم هذا الكلام

شكرا قوي يا كوماندر
ان شاء الله اكون عند حسن الظن

مش يقصدك انت يا احمد
يقصدني انا
هو لسة قايللي
وبعدين احنا قرايب اصلا
يعني الاقربون اولى بالصداقة
مش كدة ولا ايه يا كوماندور

الصداقه اسمي شئ موجود في الحياااااه يعني الوفاء والاخلاص حد تحبه من قلبك بجد من غير مصلحه وعلي فكره مش اي حد نخرج معاه او نضحك معاه بقي هو ده صديقنا الصداقه بتبان في المواقف الصعبه مش في الضحك والهزار بس وعلي فكره انا عندي واحده صاحبتي من اولي ابتدائي مش بنفارق بعض يعني معني كده ان في فعلا حاجه اسمها صداقه وحقيقيه كمان