تعرف أنك فى مصر منين؟

حاجات كتير بتتميز بيها بلدنا .. منها اللي يزعل ومنها اللي يقهر ..
ومنها اللي يشرح القلب .. وتشتاقله لو روحت فين .. زي طبق الفوووول
المعمر اللي لازم أي بلد يحل فيها المصريين .. يحل معهم هذا الحارس
الخاص وهذا المضاد الحيوي .. وتفتح المحلات والمطاعم لتلبية طلب
المصريين في لندن والسعودية وأمريكا وبلاد الفرنجة فرنسا حاليا ..
وإليكم بعض هذه المشاهد الحصرية.

لم يذكر السجن في القران الكريم إلا في مصر (في سورة يوسف )
في مصر فقط .. الأموات ينفقون علي الأحياء "الفراعنة والأهرامات
والذي منه"

في مصر فقط .. تجد شخصا أقل منك في المستوي العلمي وحصل علي 50% فقط
في الثانوية العامة .. ولكنه يتنطط عليك أو بالبلدي يركب ويدلل رجليه
لأنه ببساطة دخل بيهم شرطة .. اللي في خدمة قفا الشعب.

في مصر فقط .. ينمو نبات البردي وورد النيل والجرجير والخبيزة والليف
حتة ثقافة -

في مصر فقط .. توجد السلعوة وهي "مسخ" ناتج عن تزاوج الكلاب الضالة
في جو العاصمة الملوث - حتة جيولوجيا -

في مصر فقط .. تأكل الحواوشي والشكشوكة والكشك الأسيوطي والملوخية
بالأرانب والمسقعة والكشري ومحشي الكرنب وطاجن العكاوي والكبدة
الاسكندراني .. آه نسيت .. والفووووووووووووووووول اللي مش سوداني.

في مصر فقط .. تعبر الكلاب الشوارع بطريقة أشبه بالتي يعبر بها
الآدميون .. تقف الكلاب علي جانب الطريق تنظر يمينا ويسارا حتى تعبر
في أمان .. وليت البشر عندنا يعبرون بالطريقة نفسها ينجون مثل الكلاب
ولكن المواطن المصري والمصري فقط يجب أن يعبر الشارع كطائر البطريق
أو البط البلدي.

في مصر فقط .. يمتلك المواطن بالوقت والممارسة مهارات خاصة في ركوب
الأتوبيسات المسرعة والتسلل إلي العمق أو الوقوف بأطراف أصابع القدم
علي أخر درجة في السلم "اطلع من علي الباب يا فندي العربية فاضية
أدام" .. طبعا ربنا ما يوريك بقى لو كانت مليانه.

في مصر فقط .. تنشب الصداقة سريعا وفي اقل من ثوان في إشارة المرور
أو في مصلحة حكومية أو في الأسانسير أو حتى في طابور العيش.

في مصر فقط .. تجد منطقة سكنية بكاملها (سارقة كهربا ) مثل عزبة
الهجانة - حتة تعداد سكاني -

في مصر فقط .. ملك فرعوني بني لنفسه تمثالا ضخما لا تشرق الشمس علي
وجهه إلا مرتين في السنة مرة يوم عيد تتويجه ملكا ومرة يوم عيد ميلاده
هو شخصيا .. "صبح .. صبح .. يا عم الحاج"

في مصر فقط .. وزير ( يسرطن ) الشعب ثم يرشحه الحزب الحاكم في
انتخابات مجلس الشعب .. بس مش أي شعب .. ده شعب على أبوه.
في مصر فقط .. ينادي وزير التعليم بإلغاء مجانية التعليم.

في مصر فقط .. يتم إنفاق ملايين الجنيهات من أجل الحصول علي "صفر
كبير" أمام العالم .. كانوا خايفين ياخدوا درجة بالسالب .. بجد الصفر
أرحم.

في مصر فقط .. يقدم الكشري ساخنا في أكياس بلاستيكية شفافة.

في مصر فقط .. ادفع وبعدين اشتكي - لتحصيل أولا -

في مصر فقط .. الاختيارات السياسية المتاحة أمام المواطن هي التصويت
بـ "نعم " او "لا"

في مصر فقط .. تم القضاء نهائيا علي ظاهرة "إدمان الهيروين" بعد أن
أصبح "البانجو" في متناول الجميع .. ولم يعد لكوكو الضعيف (السجائر
الغير محشية) الشعبية السابقة بين الناس.

في مصر فقط .. رئيس حزب لازال مرتديا الطربوش حتى الآن.
في مصر فقط .. لا يتم وضع الملصقات إلا تحت لافتة "ممنوع لصق
الإعلانات"

في مصر فقط .. لا يمتلك المواطنون زيا رسميا موحدا ويصعب أن تعرف
المصري من مجرد ملابسه ( إلا لو كان لابس تي شيرت مكتوب عليه بالأخضر
فكر جديد")

في مصر فقط .. يوجد نوع من المسكنات علي هيئة مصطلحات يتم تقديمها
للشعب بجرعات مكثفة مثل ( الشفافية) ,( التمثيل المشرف) , ( إشادة
البنك الدولي بمصر),( أهمية الدور الذي يلعبه شباب النيل .. جيل
المستقبل).

أخيرا فإن ما يوجد في مصر فقط وحصريا على أرض الواقع أكثر بكثير مما
نستطيع حصره في مجرد سطور .. ولكننا نقولها وبكل شاعرية ودراماتيكية
وحنية: عظيمة يا مصر يا أرض النعم

يبقي انتا اكيد اكيد في مصر
لمل تتغرب وتقبض بالدولار وتكون عيشتك كويسه وزي الفل
بس صدقني هيجي اليوم اللي تتمني فيه ترجع مصر وتبوس ترابها
مش علشا ن انت بتحبها
لكن علشان هي مصر

ولو بحبك يا مصر
مهما قالوا عنك هافضل احبك يا مصر

بدون مجاملات خلينا نعيش الواقع شويه

احنا عارفين ان فى النشيد الوطنى ان مصر ام الدنيا

الواقع يقول كده بصراحه

موضوع جامد بس فعلا مصر بلد للسياحه فقط

وكما قال الشاعر

على اسم مصر التاريخ يقول ما شاء

انا مصر عندي احب واجمل الأشياء


مصــــــــــــــــــــــــــــــــر فعلا تحس فيها بالأمان رغم القسوة اللي الناس عيشه فيها رغم كده لازم تكون في مصر

يا عم اشرف بلاش كده
انت ليه متشائم
قول يارب
بلادك في القران
ودعالها خير الانام
وزرها الرسول الكرام
مصر حمايه
مصر امان مهما كان فيها على مر العصور والازمان
مش كده ولا اه

خليك متفاءل
ok

لو عايز تعرف انك في مصر ولا لا خد معاك واحد يكون ابوه رتبه وهو ملوش لازمه وانت راجل متعلم وكويس
وخوش علي اقرب كمين هو مروح وانت بايت فب القسم يامعلم