نقد بناء للزملكاوية

من طرف **omar20hatem** الإثنين 28 أبريل 2008, 6:11 am

أحب أبتدأ الحكاية
هذا الموضوع للزملكاوية وللمعتدلين من الجمهور الآخر
ولا للكلمات الصفراء أى خارج النقد البناء
.................

فى الآونة الأخيرة يتضح جليا
هبوط شديد فى مستوى جميع اللاعبين بلا استثناء
فى الشوط الثانى تحديدا
ما عدا قلبى الدفاع وأحمد مجدى الليبرو وحارس المرمى
ويعانى الزمالك الكثير فى الشوط الثانى باختلاف المنافس
.......................
قيم هذه الظاهرة واوجد الحل المناسب من وجهة نظرك
............

من طرف **128** الإثنين 28 أبريل 2008, 1:31 pm

الحقيقة يا باشمهندس انت عارف انى متعصب

لكن انا هقول رايى وبجد بحياد

الاول لازم لاعبى الزمالك يعترفو ان فى مشكلة اسمها الشوط الثانى لان فى بعضهم انا سمعته وهو جمال حمزة

قال احنا بناخد اللى عايزينه من الماتش وبنلعب الشوطين زى بعض وهو اول واحد أدائه بينزل فى الشوط الثانى

انا شايف ان مافيش ضعف لياقة لان فى لعيبة فى الزمالك لياقتها كويسة لحد اخر الماتش

انما المسالة هى مسالة رغبة عند اللاعب فى الاداء

اللاعب عمل اللى عايزه فى الشوط الاول ليه يجهد نفسه فى الثانى

اعتقد ان المشكلة فى لاعبى الزمالك انفسهم

لو بيحبوا النادى وبيحبوا بعض النادى هيرجع كبير تانى

ومافيش حد يحكم على الزمالك ان مستواه زاد دلوقتى غير لما يكسب على الاقل 4 او 5 فرق قوية على نفس مستواه

لما يكون فى تنظيم فى الملعب وانضباط وتختفى الكعوب والكبارى والخناقات اللى فى الملعب وفى التمرين

وان كل لاعب يسخر امكانياته لصالح الفريق مش لصالح نفسه

الزمالك يا باشمهندس غير مدربين كتير منهم الكويس ومنهم الوحش والاداء يوم فى الطالع ومع اول هزيمة ينزل 10 ايام

الناس يا باشمهندس لازم تحب النادى

الادارة والجهاز واللعيبة حتى الجمهور لازم اللاعب المخطئ الجمهور مايبكيش عليه واول واحد ينادى انه يخرج من النادى

انت بتشوف لاعب يبقى عامل مشكلة ومعاقب لكن الجمهور ينادى عليه تانى ماتش وكانه بطل قومى

كل ده لازم يتغير وبعدها كل المشاكل تتحل مش بس مشكلة الشوط الثانى

من طرف **omar20hatem** الإثنين 28 أبريل 2008, 5:20 pm

احييك على رأيك الموضوعى
وشكرا جزيلا لك
فصوتك صوت العقل

من طرف **gaser11** الإثنين 28 أبريل 2008, 5:58 pm

احييك اولا على اسلوبك في الحوار وعلى ردودك اللى دايما بتظهر علو اخلاقك احييك مرة اخرى.
اما بالنسبه للمشكله اللى طرحتها انا شايف ان الزمالك بيلعب مباراه كل 3 ايام منذ انتهاء بطوله افريقيا غانا 2008 وده شئ مؤثر بجانب ان كل مباراه هتلاقى اما ايقافات او اصابات تجعل التشكيل متغير دائما وده طبعا مش سبب كبير للمشكله دى بس على العموم احنا كنا فين وبقينا فين.

من طرف **omar20hatem** الإثنين 28 أبريل 2008, 7:20 pm

مما لاشك فيه ان الصورة اتغيرت للأفضل
واسمح لى أن أختلف معك فالصورة تغيرت للأفضل
بسبب ثبات التشكيل الرئيسى فى الخمس مباريات الأخيرة
أما موضوع الإجهاد عندك حق فيه
مع اتفاقى مع العضو 128 على كثير مما قال

من طرف **قرقشندي** الإثنين 28 أبريل 2008, 8:49 pm

اعتقد ان الزمالك مستواه بيرتفع كما قال الباشمهندس بسبب ثبات التشكيل في المباريات الأخيرة اما بال نسبة لما يحدث في الشوط الثاني فهو بسبب نقص اللياقة الذهنية لبعض اللاعبين خصوصا في خط الوسط لانهم ليسو على المستوى المطلوب

من طرف **128** الثلاثاء 29 أبريل 2008, 12:22 am

شكرا ليك يا باشمهندس

واكيد الزمالك لما يرجع ده فى صالح الكورة المصرية

بس لازم كمان يكون فى نظام فى عملية تنظيم المسابقات ومعسكرات المنتخب

الراحة السلبية مهمة جدا للاعبين زى ما احنا بنشوف فى اوربا

النقاد دايما بيقارنونا باوروبا وبيقولو ان هناك بيلعبوا كل 3 ايام ماتش

ده كلام صحيح ومش صحيح

اللعب فى اوروبا بنظام من 3 ل 5 اندية مشتركة فى بطولات من كل دولة ومواعيد مباريات البطولة القارية مش كل اسبوع

زى ما الناس فاكرة انهم بيلعبوا كل اسبوع ماتشين طول الموسم

هناك بيلعبوا السبت والاحد ولو فى مباراة قارية بتبقى اثلاثاء والاربعاء

فى هناك العطلة الشتوية واللى الدورى بيتوقف فيها فى معظم الدول وكمان اعياد الكريسماس

الموسم بينتهى فى مايو ويبدا فى اغسطس

اللاعب هناك بياخد راحة سلبية لمدة شهر تقريبا يبعد عن كل شئ متعلق بالكورة وبعدين يدخل معسكر يسافر فى مثلا اسيا فى جولة لاداء بعض المباريات الودية

احنا هنا يا باشمهندس بنلعب حتى يوم وقفة عرفات وعيد الفطروعيد الاضحى

تفتكر الاجهاد الذهنى للاعب اللى عايز يشوف اسرته ويقضى معاها الاجازة مش مؤثر فى المستوى

واكيد النادى الاهلى مثال واضح لسوء التنظيم فى مصر وعايزينه هو اللى يحل المشكلة ويلاعب ال30 لاعب اللى فى القايمة

فى نادى فى الدنيا بيعمل كده احنا حفظنا معظم لاعبى اوروبا من ثبات التشكيل فى فرقهم

لازم المنظومة كلها تتظبط

الزمالك يحل مشاكله لانه لما يحل مشاكله هيلاقى مشكلة تلاحم المواسم مقابلاه

الاتحاد يراعى نظام المسابقات والراحات الامر اللى هينعكس بالايجاب على المنتخب

من طرف **128** الثلاثاء 29 أبريل 2008, 12:31 am

ثبات التشكيل قطعا شئ مهم للزمالك لانه هايخلى فى انسجام فى الملعب وثنائيات كتيرة فى اللعب

كمان اللاعبين اللى خارج التشكيل لازم يشجعوا اللى فى الملعب علشان الزمالك وبس ويبتعدوا عن اثارة المشاكل

الجمهور كمان زى ما قلت يشجع اللى فى الملعب مش عايزين نلاقى واحد بيلعب مكان واحد ومش موفق مثلا

نلاقى الجمهور بينده على اللى مابيلعبش ده هايخلى مستوى اللى فى الملعب وحش

وانا عارف ان الجمهور استحمل كتير علشان الزمالك بس ياريت اللعيبة تقدر ده

من طرف **santos** الثلاثاء 29 أبريل 2008, 2:16 am

بسم الله الرحمن الرحيم

أنا من رأيك يـــــــــا 128 بس لازم الجمهور يصبر ويستحمل ؛
أولا : من قبل بكسر القاف الإداره .
ثانيا : من قبل الجمهور والوقوف بجانبه وشد أذره .

أنا يا جماعه أهلاوى بس العيله كلها زمالكاويه وأنا مش بقول كده عشان مش بحب الزمالك ولله أنا بحتروموا جدا وبحب فيه لاعيبه كتير
وأكيد زى مقال 128 والبشمهندس حاتم و gaser11
دا بيصب فى المرحله النهائيه لمصلحه مصر عامه
وأنتمنى من الجميع بذلك

نقد بناء للزملكاوية

نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية

رد: نقد بناء للزملكاوية