زهقنا من قولة بحبك يامصر

بحبك بحبك بحبك يا مصر
مش علشان هي بلدي ولكن علشان هي مصر
بحبك وهفضل احبك
واتمني يجي اليوم اللي اموت فيه فداكي
بحبك بحبك بحبك يا مصر

يا جماعة بالراحة شوية على الولد ...

اولاً يا ARMAAAR الابيات جميلة جداااا
بالنسبة لشخص في عمرك 13 سنة انه يكتبها ...

بس لازم تنمي الموهبة دية بكثرة القراءة والاطلاع .. والاهتمام بنصائح الاكبر منك في السن والخبرة
ماشي .. !!

...............

بالنسبة لموضوع العمل ... وهو تقريباً الاتجاه الشائع اليومين دول في معظم الاشعار اللي بقرأها
اللي هو الاتجاه السياســـــي .... بسبب الكبس والضغط المعيشي اللي الشعب كله بيعاني منه

الفكرة جيدة وبتحاكي الواقع ... بالذات مع عرض اكياس العيش والاكل ..حديث الساعة هذه الايام

يمكن طريقة العرض جائت مستفزة بعض الشيء للقاريء ..
بالذات مع جملة ( زهقنا من قولة بحبك يا مصر ) .. اللي ممكن تخلي القاريء يقــع في فخ بروتوكولات المظاهرالفارغة التي نقدسها ...
قبل الوصول لحقيقة المعنى حتى يعالج الامور بشكل متوازن ...
وقبل رفع حد السيف معلناً عدم شرعية الكلمات لانها تمس بقدسية الشعارات التي نهلل لها جميعاً

ولن ادخل في جدلية معنى الانتماء والوطنية ..
والموقع الجغرافي لتلك الكلمات ما بين الكلام و العمــــــل

يكفينا علماً بان اكبر رؤس الفساد بالبلد تعمل تحت شعار - بنحبك يا مصر - ... فهل تبرر لهم الكلمات اعمالهم ؟؟؟
وعلى فكرة ممكن يكونوا صدقين فعلاً في مشاعرهم اتجاه البلد !!!
وهل يبرر لنا اعتناقنا لهذه الكلمة وتشبثنا بها ... الشلل الرباعي الذي يعاني منه الجميع في خدمة البلد ؟؟

بتحب حد ... اثبت هذا الحب على ارض الواقع .. الكلام الكتير احياناً يفقد الكلمات معناها الحقيقي !!!
......................

للتوضيح كلامي مجرد نقاش للعمـــــــــل
وليس رد او احتجاج على اي من الردود السابقة .. بالعكس انا باحترمها جداً .. وفاهمة مغزاها كويس

...................

وبس خلاص
اهتم بموهبتك يا ARMAAAR ولا تهملها
وان شاء الله اقرأ لك حاجات اجمل المرة الجاية

اعتقد ان الثورة التي تحملها كلمات ARMAAR ناتجة عن معاناة شخصية ومعاناة عامة يعاني منها غالبية الشعب المصري
ولكن ذلك لا يبرر تلك الكلمة " زهقنا من كلمة بحبك يا مصر "
فهذا الحب ليس كلمة تقال حين نريد ولا تكون تابعة لموقف رغد الحياة دون ضائقتها
فحبك لوالدتك ليس لكونها امراة جميلة او غنية او اي صفة اخرى
لان كل لك الصفات معرضة للزوال وتبقى الصفة الاهم والعلاقة الوطيدة وهي انها امك
ولهذا لا يرتبط كلمة او معنى او الشعور بحب البلد بوسائل الترفيه او رغد الحياة بتلك البلد
والا لكان كل منا يبحث عن دولة ذات صيت ومال ويترك اهله واقاربه واصدقائة وينتمي لتلك الدولة
لذا ينبغي ان نراعي وان ننتقي كلماتنا خاصة اذا صيغت في اشكال ادبية لان هذا الشكل يعطيها معنى اعمق
وللجميع اجمل تحياتي

يا جماعة أنا أصدي زي مقالت sondos بالظبط
أنا في القصيدة بعبر من نحية عن مشاكل البلد
و من نحية تانية بستهزء من الشعارات المنتشرة اليومين دول
أهو كلام قدام الناس نحسسهم إن إحنا عايشين في قصر
بس ده مش معناه إن أنا مبحبش مصر
بس أنا بستهزء بالشعارات اللي إنتشرت و زهقنا منها

و شكرا علىكل الردود
و أنا عن نفسي عايزكم تقولوا رأيكم بصراحة
و عايزين نتناقش في الموضوع
بشكل جدي مش كسخرية عن البلد
و أنا أتمنى وجهة نظري تكون وصلت

بحبك يا مصر
بحبك يا مصر
بحبك يا مصر

وجهة نظري أتمنى تكون وصلت
مع إنهاا شكلها موصلتش
أنا كاتب القصيدة دي علشان أنا بحب مصر
و هي دي اللي إسمها المعاني الخفية للكلام
و على العموم أنا سعيد لتفاعل الأعضاء معانا
و كنت أتمنى أسمع رأي متخصص في القصيدة نفسها

و شكرا

بظبط
حاجة زي كدة

Armaaar

ياراجل حرام عليك
انت لسه عندك 13 سنه وزهقت من كلمة بحبك يا مصر

امال لما يبقي عندك خمسين سنه ولا ستين
هتعمل ايه؟؟؟؟؟؟

علي فكره
مصر دي احلي بلد في الدنيا

ممكن الواحد يكره اشخاص افعال سلوك

لكن مش ممكن يكره مصر

كلامك صح ياشيخ محمود وانا مع الكاتب فى رأيه وفكرتك وصلت لينا
كلنا واكيد كلنا بنحب مصر حتى اللى بيقول مش بحبها
اكيد بيحبها لكن مش حاسس من ضغط الحياة اليومية والروتين

وما شبه ذلك




وكلنا بنحبك يا مــــــــــــصـــــــــــــــــــــــر

إن شاء الله
وترقبو قصيدة جديدة أنا كتبتها هتبين كل المقصود في القصيدة دي بطريقة أوضح
و شكرا على المشاركة الإيجابية اللي بدءت تظهر
و أتمنا مشاركات أكتر
يمكن نعمل إستفتاء على الموضوع
و شكرا لكل اللي رد

ممكن نرجع بالذاكرة
إلى اللقطة من فيلم تقريبا مافيا
وكلمات الفنان حسين فهمى
للممثل أحمد السقا
وهذا هو بيت القصيد
وإذا رجعنا للقصيدة والشاعر
فإنها تجربة جريئة وقوية جدا لشاعر صغير فى مثل سنك
ورأيى أن تكتب ما تشاء وكيف تشاء
وغدا فى القريب العاجل
عندما تحترف الشعر
يمكنك أن تعيد صياغتها بطريقة سليمة وجذابة
فقط اكتب ولا تتوقف
هذه نصيحتى لك
فعندما تحترف الشعر ستهرب منك الاحاسيس والمعانى الحقيقية
وشكرا لك