ما هو المستحيل في رأيك ؟

أذكر موقف او حدث وصار فيه حاجه مستحيله

طب ياريت تبدأ انت بالموقف بتاعك علشان تشجع الناس

حصل معي موقف مستحيل يحدث بلا سبب لابد من وجود الأسباب اللي حصل كنت طالع بالسياره مسافر الى مسقط وبدون سبب توقفت السياره فجأة دون اي عطل انتظرت ساعتين وانا أحاول اعرف ايه العطل بالضبط بعد وبدون ما المس اي حاجه والوقوف الذي استمر كل هذه المده اشتغلت وكملت طريقي ولازلت الى الآن محتار من اللي حصل

اشوف وجهك على خير انا مروح البيت

انا كنت اشتريت عيش من الدكان ومكنش معايا فلوس وصاحب الدكان صاحبي
فقلت له هحضر لك الفلوس بكره ونسيت خالص موضوع الفلوس ده مع اني كنت دايما بروح اقعد معاه
وهو انحرج انه يقولي علي الفلوس دي
وبعد ما يزيد عن 3شهور
جاني في المنام شخص غريب وسالني هل اعطيت فلوس الخبز لصاحبك
استيقظت من النوم في قمه الدهشه والاستغراب وتوجهت الي صاحبي واعطيته حقه وشكرت له حسن خلقه لانه لم يريد ان يحرجني
والغريب الاكثر انني فعلا قليل الاحلام جدا
يمكن ان تفوت سنه كامله بدون ان اري حلم
وشكرا للاخ معتصم لانه ذكرني بهذا الموقف

ايوة صح انا شفت الشخص الغريب ده وهو داخل عندكم

انت طول عمرك ياحمد بتنسى الفلوس كده طبعا ياعم مانت شغال فى شركه بترول حد ادك

هو احمد شغال في شركة بترول !!!!!!!!!!!!!!!!!!
بيزرع ايه هناك ؟

انا شغال في شركه تغذيه
ومحمد عارف كده
وكمان ايه رايكم بجد في الموضوع ده

قالوا لنا واحنا طلبة من جد وجد

واما روحنا الجامعة جيب تقدير علشان تتعين

لاكن اما جيبنا التقدير

فين الوظيفة

هو ده المستحيل فى الزمن ده

المستحيل دائئما ان تحصل على كل ما تريد
فهكذا الدنيا لا تعطي كل شيئ
وايضا من المستحيلات ان تعمل في شركة بترول وانت خريج زراعة
مش كدة ولا ايه ؟

المستحيل فى رأى رجل يحب حماته

حلوة يا درش بس كدة انت قطعت على نفسك يا باشا
وبعدين محدش بيبقى صريح اوي كدة
داانت هتشوف ايام سودة
ابقى دور على واحدة يتيمة بقى

ياجماعه انا اسف اخر مره ونبى

مش هو بس اللي هيشوف ايام سوده
اصبر عليا يا محمد

يعنى ما عرفتش رأيك فى النماذج

فيمن عشق فعف


ولا هو كلام وخلا ص


وعايز اعرف رأيك يا شاعر

المسحيل انك تنام وتنام وتنام
بس يا خسرة مفيش احلام
مات الحلم هو ده المستحيل
ان تبطل تحلم وتحلم وتحلم
لازم يجي اليوم وتحققك الحلم حتى ولو كان بسيط
احلم واحلم مسير الحلم مسير الحلم تحقق
وسيبك من الهم ده مش حق
الحق انك تعلا وتعلا وتعلا
ولا في يوم تسيب الحق

علشان نعلى ونعلى ونعلى

لازم نطاتى نطاتى نطاتى

لالالا
بلاش نطاطي
ولا ننحني لكل خسيس وواطي
وان كنا في يوم مش هنعلا
الا لو بسنا الايادي
هندوس عليها وندوس كمان
على الروس احتياطي
وبرده عمري في يوم ما اطاطي

ياجماعه السؤال الأن هل حدثت معك حادثه يستحيل حدوثها

يعني زي مهندس بترول وحامل شهادة زراعيه كده

انا عندي اتنين مستحيل في الشغل
الاول : مدير عام المكتبات " بكالوريوس علوم قسم جيولوجيا "
الثاني : مدير ادارة المكتبة المركزية " بكالوريوس خدمة اجتماعية "
وعندي من المستحيلات دي كتييييييييييييييييييييييييييييييييير
بس دي عندنا في مصر بنسميها اعادة هيكلة
انا عن نفسي بسميها " احدى علامات يوم القيامة "
" ان يوسد الامر الى غير اهله "

ابو حلاوه انت خطير جدا احنا عندنا ده مابحصلش خالص امكن ابل 15سنه كدا حصلت واشكرك على خفت دمك

العفو يا باشا
بس ده فعلا اللي حصل
و امرنا لله
ربنا قادر يزيح عنا البلاء

الشكر واجب يا شاعر ابو حلاوه هناك الكثير من المستحلات والعجائب واقول
في هالزمن عجايب غير السبعه تعجب لها الأنظار وزادت تسعه
الثامنه حسنه والتاسعه فنه اللي منه اغار
الله يامحلى جماله يلفت الأنظار

دا مين ده يا حريف
اللي منه بتغار

علي فكره يا جماعه انا والله مش شغال في شركه بترول
انا شغال في شركه اغذيه متعاقده مع شركه حفر للعمل علي تغذيه العاملين بشركه الحفر
ولو كان علي المستحيلات فانا زميلي في الكليه اشتغل معيد في مركز البحوث
مع انه بقاله 7 سنين في الكليه وخرج منها بمادتين دور تاني
وانا متعينتش مع اني الاول علي قسمي

شوف يا اخي سبحان الله
طيب والعيب منك ولا منه
انا بهزر يا احمد

الموقف الي حصل معايه كان موقف ظريف وخدنا عقب مش ظريف خالص
كنت في الجيش وسهران مع زميلي واحد من زميلي نزل يجيب شاي لينا من تحت طبعا علي حسابو كان خسران في الكوتشينه
حظو كده حبينا نعمل فيه موقف واحد من الي اعدين نزل علشان يشيل هو الشاي منو خساره الشاي يوقع في الارض من الي هيحصل الباب كان ضرفتين واحد قفل الباب وحط فوق الباب نص جركن ميه الي هيفتح الباب الجركن هينزل فوق دماغو وهيستحما عقبال عندكم وعندي المهم قائد السريه هو الي كان منوب الكتيبه حب يطلع يبص علينا في العنبر وطلع وبيفتح الباب وكان الحما من نصيب قائد السريه وكان ليله ما يعلم بيها الا ربنا طبعا الكل عمل فيها نايم صح الكل وخد عاطل في باطل خلانا نجيب 10 جراكن ميه والكل قلع هدومو ونام وارش علينا العشر جراكن والشتا يامحلا وانت من غير هدوم وشويه وقالنا كفايه عليكو اطلعو ادفو بقي بس طبعا بعد ما موتنا من البرد

وهي دي الغلطه انك تعمل حاجه من غير متشوف ايه النتيجه بتعتها

نعيما يا شيخ مختار

الله ينعم عليك من سعتها بطلت اعمل مواقف في حد تووووووووووووووووووووووووبه

المستحيل في رايي ما هو الا الخيانة
ومن اعز الناس لديك

المستحيل هو ان تظن ان هناك مستحيل فكل شئ موجود لكن لابد من السعي لأدراكه

المستحيل ماهو الا رجوع الاتحاد فيما بيننا

المستحيل اني احب النادي الاهلي
وكمان المستحيل ان الزمالك ياخد الدوري