قانون المرور

من طرف **mohammed** الثلاثاء 12 أغسطس 2008, 8:44 am

أربط سرجك *** شد لجامك
اقفل بابك *** شد حزامك
شخشخ جيبك *** هز قوامك
بص كويس *** إيه قدامك
آدي إشارة *** وراها إشارة
والعربية *** عليك بخسارة
إشي مخالفة *** ولا غرامة
والله لابيعها *** وأجيبلي حمارة
وبعد شوية *** تلاقي اللجنة
وشوارع معجونة *** حتة عجنة
ولو مشوارك *** في دقيقتين
يبقى هياخد *** ييجي ساعتين
وابقى قابلني *** ان كنت هتوصل
قبل ما تغرم *** ييجي الفين
أو مشوارك *** يمكن يكمل
جوة السجن *** يا نور العين
والله انا خايف *** اركب طيارة
فجأة الاقيني *** واقف في اشارة
والعسكور بيقوللي *** الرخصة يا بيه
انت فاكرها *** تبقى شطارة
لما تروح *** تركب طيارة
اربط سرجك *** شد لجامك
اقفل بابك *** شد حزامك

من طرف **هانى نشأت** الثلاثاء 12 أغسطس 2008, 10:56 am

أبدعت ياأستاذ محمد
فى تصويرك لسلبيات القانون الجديد
بس انا عايز اقول ان القانون له جوانب ايجابيه
بس سلبياته أكتر
وربنا يسترها علينا

من طرف **mohammed** الثلاثاء 12 أغسطس 2008, 12:48 pm

اكتب انت يا هاني عن الايجابيات
ونبقى نعمل مقارنة بعد كدة
على العموم مشكور على المرور الكريم يا هاني

من طرف **الحريف** الأربعاء 13 أغسطس 2008, 12:49 am

بيييييييييييييييييييييييب

ماتوسع ياعم

جميله القصيدة

من طرف **mohammed** الأربعاء 13 أغسطس 2008, 9:20 am

انت الاجمل يا ساحر
بيييييييييييييييييييييييييييييب
عدي يا عم

من طرف **sameh ahmed** الأربعاء 13 أغسطس 2008, 3:39 pm

تييييييييييييييييييييييت

يمينك نزلنى يا هندسة

أبارك للشاعر على القصيدة الجميلة المعبرة

من طرف **santos** الأربعاء 13 أغسطس 2008, 3:57 pm

الله عليك يا شاعر
والله 100 100

من طرف **mohammed** الخميس 14 أغسطس 2008, 9:45 am

sameh ahmed كتب:تييييييييييييييييييييييت

يمينك نزلنى يا هندسة

أبارك للشاعر على القصيدة الجميلة المعبرة

انزلك فين انت عاوزني اخد مخالفة
الغرامات فورية دلوقتي يا باشا
واللي ما يدفعش على القسم عدل
الله يباركلك يا حج سامح

من طرف **mohammed** الخميس 14 أغسطس 2008, 9:47 am

santos كتب:الله عليك يا شاعر
والله 100 100

ماشي يا حج سانتوس
ما القصيدة جات على مزاجك
انت دفعت كام لحد دلوقتي
على العموم نبقى نلملك في المنتدي

من طرف **الشيخ محمود** الخميس 14 أغسطس 2008, 9:50 am

رخص رخص
مخالفه للشاعر
على هذا الابداع والجمال
بيبيبيبييب
احترس الشا عر يتقدم

من طرف **mohammed** الخميس 14 أغسطس 2008, 9:56 am

آدي اللي احنا بنكسبه
مخالفة كمان يا سيدي
على العموم احنا فدى الحكومة
يمكن عاوزين يشتروا كام عربية جديدة للوزرا الغلابة ولا حاجة
ندفع يا سيدي وامرنا لله ما هي حكومتنا برده
واللي مالوش خير في حكومته ما لوش خير في حد

من طرف **mohammed** الأحد 17 أغسطس 2008, 11:10 am

فين التعليقات

والله لابيعها *** وأجيبلي حمارة
يعنى هيه الحكومه السهيه الكتومه
هتسبنا فحلنا ولا حتسبب حمارنا
بكره ترخصو..أوينكن تخصخصو..
وساعتها مين حيخلصو
وكل شىء هنا جايز
بس تسلم ايدك وربنا يزيدك

من طرف **mohammed** الأربعاء 20 أغسطس 2008, 9:53 am

تسلم انت يا سيدي
على الرد الجميل
وشرفتنا في باب شعر دملاوي
واظن هنا هتلاقي متسع من الحرية لعرض ابداعاتك الشعرية
ومنور المنتدي يا بسام

قانون المرور

قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور

رد: قانون المرور