الدنيا (شعر )

من طرف **mohammed** الأحد 24 أغسطس 2008, 3:28 pm

الدنيا ست كبيرة ولابسة نظارة
ساكنة لوحدها فوق سطح عمارة
لابسة بالطو قديم وف بقها سيجارة
تاخد نفس تحبسه وتطلعه بحرارة
بتقوللي اوعى تبيع الغالي بخسارة
وتجيب رخيص وتقوللي دي شطارة
وشغلك تمللي يبقى من ورا ستارة
دي اكبر نار كان اصلها شرارة
والحب لو كبير اوله إشارة
والهرم لو عالي برده اصله حجارة
ووالله زمان بتقولها بمرارة
*********
الدنيا دي مدرسة وفيها نتعلم
وبأعلى صوت وفي السر نتكلم
ولو يوم تعيد الدرس من تاني
بإيه يفيد اللي طول عمره مبلم
********
اسمع كلام م الدنيا غيره مفيش
يابن ادم فعلك كله طيش
بامر ربك في الارض عيش
ولو يوم ينتهي عمرك
تبقى الدنيا بعدك ما تنتهيش
********
لو بتحب الحياة
تبقى فاهمها غلط
عمال تقول في كلام
كله عبط في عبط
الدنيا يابني للسباع والنمور
والفتات يبقى للكلاب والقطط
ولو ميزان الدنيا يوم انظبط
تلقى العيال بيحدفوك بالظلط
*******

تمام يا كبير

من طرف **mohammed** الأربعاء 27 أغسطس 2008, 7:56 am

تمام يا معلم

من طرف **mohammed** الإثنين 01 سبتمبر 2008, 9:27 am

ايه يا جماعة
الشعر مش عاجبكم ولا ايه؟
فين الردود ؟

من طرف **قرقشندي** السبت 06 سبتمبر 2008, 11:42 am

انا قولت اجبر بخاطرك حلوه يا ابو بهاق علشان متعلش بس انت بتفكرهم بيوسف شاهين
وحشني[b]

من طرف **mohammed** الأحد 07 سبتمبر 2008, 9:37 am

متشكرين على الزيارة الكريمة يا احمد باشا
يا جابر بخاطري ربنا يجبر بخاطرك
ولا يحطك مكاني قادر يا كريم
ورمضان كريم يا ابو فرح
وكل عام وانت بخير

من طرف **قرقشندي** الأحد 07 سبتمبر 2008, 3:58 pm

[b]مرة كمان وتكسب 75 قرش
متخلنيش اتغرغر بقه

أيه يا عم محمد الوصف ده
بجد كلام متقن ومرتب
طبعا مش كلام شاعر البلد

من طرف **mohammed** الخميس 11 سبتمبر 2008, 10:38 am

مرحبا بالحاج سمير باشا
والله اذا كنت بتعتبرني شاعر البلد
فطبعا دي كلماتي
واذا كنت تقصد حد تاني فلا
هذه القصيدة من مؤلفاتي
وانا هنا لا انشر الا قصائدي اما المنقول فله باب خاص به
وشكرا على الزيارة الكريمة يا سمير باشا

من طرف **الحريف** الأحد 14 سبتمبر 2008, 11:37 am

حلو الكلام
مع اني لم افهم لكون
بالمصري بحت

من طرف **mohammed** الإثنين 15 سبتمبر 2008, 9:35 am

مرحبا بالحريف
نورت القصيدة
لو تحب اشرحهالك
او ممكن تسال عنها الباشمهندس حاتم

من طرف **AkRaM MaZaKoNy.Net** الجمعة 10 أكتوبر 2008, 5:13 pm

من طرف **هانى نشأت** الأربعاء 15 أكتوبر 2008, 6:27 pm

مشكووووووووووووور

من طرف **mohammed** الثلاثاء 21 أكتوبر 2008, 1:07 pm

شكرا يا اكرم على التعليق
وشكرا يا هاني على نقل تعليق اكرم

ومشكوووووووووووووور يا هادي على المرور الكريم

من طرف **الحريف** الخميس 23 أكتوبر 2008, 2:12 am

اول الأبيات مفهومه راح اسأل حاتم عن الباقي

تمام ياريس

من طرف **mohammed** الخميس 23 أكتوبر 2008, 8:16 am

تمام يا معلم

الدنيا (شعر )

الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )

رد: الدنيا (شعر )