للرجال فقط .... ممنوع دخول البنات

من طرف **abu rabia** الأربعاء 12 نوفمبر 2008, 5:22 pm

بصراحة انا بقالي فترة غايب عن المنتدي ... ولما رجعت النهاردة لقيت المنتدي

بقي دمه تقيل كده ... والمواضيع كلها جد قوي .. مش عارف ليه ؟؟

قلت نخفف شوية حدة التوتر ..

والموضوع ده للرجال فقط ... يعني مش عايزين بنات تدخل ..

وباختصار الموضوع هو عبارة عن صحيفة كاريكاترية متجددة ... وسنحاول ان تكون

الصحيفة متخصصة قدر الامكان في موضوع واحد ..

وعلي بركة الله نبدأ ..............( وربك هو الستار )

من طرف **abu rabia** الأربعاء 12 نوفمبر 2008, 5:26 pm

من طرف **abu rabia** الأربعاء 12 نوفمبر 2008, 5:37 pm

من طرف **abu rabia** الأربعاء 12 نوفمبر 2008, 5:49 pm

من طرف **abu rabia** الأربعاء 12 نوفمبر 2008, 5:50 pm

انتظرونا في الحلقات القادمة وفي انتظار تعليقاتكم

من طرف **sameh ahmed** الأربعاء 12 نوفمبر 2008, 5:52 pm

الله الله الله

رائع رائع رائع

عودة مباركة بإذن الله

وعـــ أبوربيع ــــاد

والعود أحمد

من طرف **abu rabia** الأربعاء 12 نوفمبر 2008, 5:56 pm

الف شكر يا سامح باشا

شفت ردود الرجالة حلوة ازاي ؟؟

صحيح ........معرفة الرجالة كنوز

علق بقي علي الموضوع وما تخافشي

خلي قلبك جامد

من طرف **abu rabia** الأربعاء 12 نوفمبر 2008, 6:06 pm

إعلان حريمي

للرجال فقط .... ممنوع دخول البنات Thumb2190gg8

من طرف **abu rabia** الأربعاء 12 نوفمبر 2008, 6:22 pm

حجاب اليومين دول

للرجال فقط .... ممنوع دخول البنات Hegab4236869081tu1

من طرف **sameh ahmed** الخميس 13 نوفمبر 2008, 12:02 am

أعتقد يا عزيزى
أن التعليق غاية فى الصعوبة

لأ أوعى تفهمنى غلط
مش خوف ولا حاجة
مش برضه ممنوع دخول البنات ؟
الحمد لله نرد براحتنا

المشكلة أن الموضوع أوضح من أن يتم التعليق عليه

لكن لأجل عيون أبو ربيع نحاول

فمثلاً المجموعة الأولى : لكل زمان أحلام

والمجموعة الثانية : التطور الطبيعي للحب العادى

والمجموعة الثالثة : وأضعت منك صفات الأنثى

والمجموعة الرابعة : الحجاب المودرن قلته أكرم

موضوعات رائعة لخصت الحياة الاسرية باشارات بسيطة ولكن هى الحقيقة

وأخطرها المرحلة الاخيرة التى تصل الى الطلاق التى يعانى منها مجتمعات

كثيرة وارتفعت نسبتها

ولماذا لن يدخلوا النصف الحلو بالعكس نريد آراءهم

أما الموضوع الاخير وهو الحجاب فانه أصبح على الموضة وهذه ايضا مشكلة

يمكن تدخل رجل الدين بها والتحدث فيها 0

أما موضوع العنوسة فهو مشكلة تعانى منها معظم دول المغرب العربى والخليج

فهناك مشكلات ارتفاع المهور وخلافة

حمد لله على السلامة

باأبو حسين Crying or Very sad

من طرف **abu rabia** الخميس 13 نوفمبر 2008, 12:16 pm

واضح ان بقية الرجالة خايفين يردوا

مع انه موضوع للرجال فقط .. والبنات والستات

مش هيدخلوا ... بس تقريبا الرجالة بيطبقوا المثل

اللي بيقول اللي بيخاف من عفريت بيطلعله

علي العموم النهاردة معانا عدد جديد من مجلتنا الكاريكاترية

ويا رب تعجبكم ان شاء الله

من طرف **abu rabia** الخميس 13 نوفمبر 2008, 12:25 pm

من طرف **abu rabia** الخميس 13 نوفمبر 2008, 12:31 pm

صور معبرة
المشهد الاول يعبر عن مشكلة السمنة والاكل المفرط للنصف الحلو
المشهد الثانى يعبر عن الظروف الاقتصادية التى يمر بها الجميع
المشهد الثالث يعبر عن سيطرة المرأة على الرجل
المشهد الرابع يعبر على الشوق الى النصف الحلو قبل الزواج مباشرة
المشهد الخامس يعبر عن الهروب من الزوجة

وياريت الى جرى ماكان

مشكور ياابو حسين

من طرف **abu rabia** السبت 15 نوفمبر 2008, 12:23 pm

موعدنا اليوم مع عدد جديد من جريدتنا الكاريكاترية

اللي الناس خايفة تعلق عليها

المرأة عبر الكواكب

للرجال فقط .... ممنوع دخول البنات 1705misp35n35mv4

من طرف **الحريف** الأحد 16 نوفمبر 2008, 10:15 am

مفيييييييييييييش نوع تاني

من طرف **omar20hatem** الأحد 16 نوفمبر 2008, 6:56 pm

يا ريت نغير عنوان الموضوع
يبقى
............
اللى خايف من مراته ما يدخلش

من طرف **abu rabia** الإثنين 17 نوفمبر 2008, 12:05 pm

الزوجة بين الأمس واليوم والغد

للرجال فقط .... ممنوع دخول البنات 431p17330mr3

للرجال فقط .... ممنوع دخول البنات 431p17331es7

للرجال فقط .... ممنوع دخول البنات 431p17332xf3

من طرف **sameh ahmed** الإثنين 17 نوفمبر 2008, 2:24 pm

رائــ أبو ربيع ـــــع

لكن
هل تعتقد أن تكتفى فى المستقبل بذلك ؟

من طرف **omar20hatem** الإثنين 17 نوفمبر 2008, 5:03 pm

مستقبل مين ياعم
المستقبل بقى حاضر وانتهى
اما صورة الماضى بقى
فممكن نضيف تعليق عليها
......

احلام ممنوعة

من طرف **abu rabia** الثلاثاء 18 نوفمبر 2008, 1:21 pm

ماذا يفعل الرجل أثناء الليل

بصراحة الرجالة برضوه تخنق

يعني الراجل يخلي مراته تنام من هنا

ويقعد بقي هو مع نفسه ... مش دي برضوة خيانة ؟؟

لازم برضوه الرجالة يراعوا ربنا

للرجال فقط .... ممنوع دخول البنات 55329rb9

من طرف **omar20hatem** الثلاثاء 18 نوفمبر 2008, 4:55 pm

اول مرة تظهر المرأة بشكل حلو
والراجل أنا شامم ريحته من هنا ريحة تخنق
خليه يوفر السجائر
وهوه يعرف ينام من غير تفكير

من طرف **abu rabia** الأربعاء 19 نوفمبر 2008, 2:57 pm

أحيانا كثيرة ينشغل الرجل عن المرأة

وفي هذه الحالة تكون معذورة في تصرفاتها

للرجال فقط .... ممنوع دخول البنات 07219419333ok2

للرجال فقط .... ممنوع دخول البنات 49902778gt9

للرجال فقط .... ممنوع دخول البنات 60277351vc4

من طرف **omar20hatem** الأربعاء 19 نوفمبر 2008, 4:02 pm

يستاهل انا مش شايف اى فرق
غير طبعا ان الشنطة دى حمرا ودى برتقالى

من طرف **abu rabia** الأربعاء 19 نوفمبر 2008, 5:55 pm

ده عقاب الست للراجل لما ينشغل عنها

وساعات العقاب بيجي من ربنا

للرجال فقط .... ممنوع دخول البنات 07219419346um5

من طرف **alielsokkary** الخميس 20 نوفمبر 2008, 3:00 am

اية الجمال دة يا ابوربيع

بس انت مش شايف ان دة دعوة لعدم الزواج وخصوصا انى لسة ما اتجوزتش خلينا يا ابوربيع نتزوج الاول وبعدين نصدم برحتنا

من طرف **abu rabia** الخميس 20 نوفمبر 2008, 12:42 pm

طبعا يا علي باشا ... لازم تتجوز ... ما هو الجواز علينا حق

بس كل اللي انا بوصيك بيه انك ما تزعلشي مراتك ابدا

وخد بالك دايما منها .... وانا مش بخوفك ولا حاجة انا قصدي تبقي عارف

وبخصوص موضوع زعل الست او البنت ... فده له علامات وبيتطور

فمثلا البنت اول ما بتزعل ... تظهر علي وشها تكشيرة .. وتمط شفايفها

زي كده ...

للرجال فقط .... ممنوع دخول البنات Get1183618602ka6

By aburabia

وبعدين يزداد غضبها بسرعة فتبدأ تعمل كده

للرجال فقط .... ممنوع دخول البنات Get1183618880yb5

By aburabia

ولما تلاقيك طبعا سكت ومش عارف تعمل ايه تزود السرعة كده

للرجال فقط .... ممنوع دخول البنات Get1183618792dd6

By aburabia

ويا ريت بقي تكتفي بكده وتسكت ... دي هتسوق فيها قوي

للرجال فقط .... ممنوع دخول البنات Get1183618985gp6

By aburabia

واخيرا مش هترتاح الا لما تعمل كده

للرجال فقط .... ممنوع دخول البنات Get1183621124wt8

الله يرحمه ........ بس برضوه هو اللي غلطان

من طرف **omar20hatem** الخميس 20 نوفمبر 2008, 1:00 pm

يا ريت ننقل الموضوع لباب العزاء

من طرف **الحريف** الجمعة 21 نوفمبر 2008, 2:13 am

انا من اليوم ورايح في صف النسوان ماليش دعوه

بحب الحياه عايز اعيششششششششششش

من طرف **abu rabia** الأربعاء 03 ديسمبر 2008, 1:04 pm

بيان صحفي هاااااااااااااااااااااااااااااام

انتشرت في الاونة الأخيرة اشاعة قوية داخل المنتدي بأن اختفائي

خلال الفترة الماضية كان بسبب هذا الموضوع .. حيث اشاع البعض

أنني قد تعرضت للاغتيال او الخطف بسبب ما قمت بنشره من صور في

هذا الموضوع .. وهذه الاشاعات عارية تماما من الصحة .. وأظن أن مصدرها

بعض من اخوتنا البنات بغرض ارهاب اعضاء المنتدي وكل من يساهم في هذا

الموضوع ...

واستكمالا للموضوع اليكم حلقة جديدة من مجلتنا الكاريكاترية

من طرف **abu rabia** الأربعاء 03 ديسمبر 2008, 1:43 pm

مخ المرأة

في دراسة اجرتها جامعة بولوسابويكا .. تبين اختلاف الشكل التشريحي لمخ المرأة عن بقية

الكائنات الحية ... وهو ما اثبتته عدة ابحاث قام بها مجموعة من الباحثين والعلماء في معامل

الجامعه ... وقد شكلت الدراسة عينات من جميع انحاء العالم .... وبعد مراجعة نتائج الابحاث

نشرت المجموعة التي تقوم بالبحث نتائجها النهائية ومنها تلك الصورة والتي تمثل الشكل التشريحي

لمخ المرأة بشكله النهائي طبقا لما اثبتته الابحاث

للرجال فقط .... ممنوع دخول البنات 88200650qr6

من طرف **omar20hatem** الأربعاء 03 ديسمبر 2008, 4:58 pm

وشيئا فشيئا اكتسب الرجل من صفات النساء الميوعة والمبالغة في الاهتمام بالمظهر والثرثرة .. بينما اكتسبت النساء الخشونة والسيطرة والاستقلالية من الرجل .. فلا عجب ان تستغيث المرأة فلا ينجدها الرجل .. ولا عجب ان يكون الرجل هو من يهدد امن المرأة بعد ان كان القائم علي حمايتها .. ولا عجب ان تقف المرأة في المواصلات العامة بينما يجلس الرجل .. ولا عجب ان يتملص الرجل من مسئولياته ليلقي بها علي عاتق المرأة.

فلنترحم علي زمان كان فيه كائن رقيق يقوم علي رعاية وتربية ابناءه بالبيت .. وكائن رحيم يكد ويعرق من اجل لقيمات تسد جوع زوجته وابناءه .. ويسهر ليحمي حمى كيان مسئول منه.

أيها النساء : لا تلمنَ الا انفسكن فانتن من ساهم في صنع اشباه الرجال ..
و على أرواح الرجال فلنقرأ الفاتحة و نعلن الحداد ونلتحف بالسواد.

منقول من مدونة
ابله سوسه للقضاء على العنوسه

من طرف **omar20hatem** الأربعاء 03 ديسمبر 2008, 4:59 pm

من طرف **omar20hatem** الخميس 04 ديسمبر 2008, 6:56 pm

عبر عن ما فى قلبك من أحاسيس بأجمل الهدايا

للرجال فقط .... ممنوع دخول البنات 658397978

من طرف **omar20hatem** الخميس 04 ديسمبر 2008, 7:03 pm

بس حاسب من شرارة

للرجال فقط .... ممنوع دخول البنات 200502201909460.walkingonhim

من طرف **omar20hatem** الخميس 04 ديسمبر 2008, 7:04 pm

من طرف **omar20hatem** الخميس 04 ديسمبر 2008, 7:05 pm

أنا حذرت وخلاص

للرجال فقط .... ممنوع دخول البنات 200502201711590.trasportodonna

[الأستاذ أبو ربيع
الواضح بعد الاطلاع على الرسم التوضيحي للتشريح لمخ المرأه ان الخطف والارهاب شويه عليك

المفروض يفكروا ويمخمخوا وبعدين يفكروا ويمخمخوا ويتوغلوا ويتسربوا وينتشروا والباقي انت عارفه. ...............................................لأنه مخيف
وإدانتك في رسمك ممكن بسهوله مع كبر حجم الجزمه القديمه تحدث أشياء غير متوقعه .
أبو عمر انت دخلت التنظيم وبتنشر صور!!
b] تعليق الصوره الاولى / الموضوع مالوش حل الا كده طالما الرجاله عايشه في دورالرهبان وبرافو على الابله سوسه ونصائحها الجبريه واللى مايجيش بعصا موسى يجي ببلغة فرعون( عذرا)

الثانيه والثالثه / غرام وانتقام

الرابعه والخامسه / هو ده الاستعباد بعينه اسم الله عليها ماتقولشي الملكه كليوباترا[/b]

وبصراحه شديده يا أبو ربيع و يا أبو عمر انتم عاوزين تودونا فين ارحمونا ياناس الجو برد والسلم غير مناسب للنوم .ابو ربيع بيت أهله بجانبه الدور والباقي على وعليك في الغربه .

من طرف **A . PIDO 19** الأربعاء 10 ديسمبر 2008, 12:49 am

والله موضوع جامد
وايضا ابمشاركات جامده

من طرف **الفارس** الأربعاء 10 ديسمبر 2008, 1:22 am

مش عايـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــز اتجــــــــــــــــــــــــــــــــــــــــــــــــــــــوز

من طرف **omar20hatem** الأربعاء 10 ديسمبر 2008, 3:37 pm

يا أبوعبدالله أنا ما بنقلش وجهة نظرى
أنا بنقل لكم وبوضح وجهة نظر أبوربيع
وسبب اختفاءه الحقيقى

من طرف **A . PIDO 19** الخميس 11 ديسمبر 2008, 12:16 am

والله دا انتو شردو الناس
وكرهتو اللى عايز يتجوز فى الجواز

من طرف **abu rabia** السبت 13 ديسمبر 2008, 10:58 am

يا جماعة انا عمري ما اقصد اكره حد في الجواز ولا حاجة

أنا نفسي كل واحد ما اتجوزشي يتجوز طبعا ( اشمعنا يعني احنا )

لازم الكل يجرب ويشرب من نفس الكاس

ويا استاذ فتحي مش عايزك تخاف ... وابقي دايما خلي فيه لحاف

تحت بير السلم .. وانضمامك للتنظيم اصبح معروف والكل عرف خلاص

من طرف **abu rabia** السبت 13 ديسمبر 2008, 11:25 am

أما الأخ بهاء اللي أعلن انه مش عايز يتجوز فانا هقولك علي حاجة لازم تعرفها

الجواز ده شئ مهم وجميل بس لازم تاخد بالك من شوية نصايح انت وعروستك

اولا :- الجواز رباط مقدس جميل

للرجال فقط .... ممنوع دخول البنات 4224401220057298cn8

ثانيا :- ومن أهم مميزاته انكم تبقوا متفقين في الاهداف والاتجاهات

للرجال فقط .... ممنوع دخول البنات 4224411220057298ia9

ثالثا :- وكذلك من مميزاته انك تروح تلاقي مراتك بتقابلك مقابلة ممتازة ومستعدة ليك

للرجال فقط .... ممنوع دخول البنات 4224401220057327hv1

رابعا :- ولما تيجي تغير هدومك تجيبلك الجزمة بتاعتك او الشبشب

للرجال فقط .... ممنوع دخول البنات 4224401220057319ku5

خامسا :- بعد الجواز كل واحد منك يسمي التاني اسم جميل ويدلعه بيه

للرجال فقط .... ممنوع دخول البنات 4224421220057298pq4

سادسا :- بعد الزواج التسوق بيبقي متعه وليها اصولها وكل واحد ليه دور مهم

للرجال فقط .... ممنوع دخول البنات 4224401220057320aw2

سابعا :- بعد الزواج بتحدث بعض التغيرات الفسيولوجية العجيبة للست وكمان للراجل

للرجال فقط .... ممنوع دخول البنات 455d19729cyi4

ويا ريت علي قد كده ده كمان

للرجال فقط .... ممنوع دخول البنات 956678328rg8

شفت بقي الجواز كله مميزات ازاي ؟؟؟ وبعد كده تتهمني اني بكرهك في الجواز ؟؟؟

بالذمة مش دي تهمة باطلة ؟؟؟

من طرف **AkRaM MaZaKoNy.Net** السبت 13 ديسمبر 2008, 6:27 pm

الله عليك وعلى الشغل الجديد اللى بعد العيد
وبجد شغل جامد وصور تكاد تنطق بالحركة0000000000000000

موضوع مثير فعلا لكن لاتخف ياأبو ربيع فالببيتين بجانب بعض لما

هسمع حالة اختطاف سألحقك هههههههه

المرأ فعلا مخلوق وتركيبة معينة بخلاف الرجل فتوجد من أنواع النساء 48

نوع كما يقولون ونوعيات ونماذج مختلفة ولكن كله من الرجل وكما

عود زوجته عليه وعلى المفروض على الرجل أن يشد ويرخى بمعنى

شوية ناشف وشوية يلين ويأخذ منها العسل بطرقة لطيفة

لكننا نرى ان الكل يريد العسل فقط وغير مهم الباقى

وان كان أكل العسل بثمن كبير

فالصوم أفضل

من طرف **abu rabia** الإثنين 15 ديسمبر 2008, 2:31 pm

ان اجمل ما في الزواج والحب ان تجد من تحبها تسمعك وتفهمك جيدا

للرجال فقط .... ممنوع دخول البنات 2205misp35n35hw9

شفت بقي الجواز كله مميزات ازاي ؟؟؟ وبعد كده تتهمني اني بكرهك في الجواز ؟؟؟

بالذمة مش دي تهمة باطلة ؟؟؟

يا أبوربيع انت راجل بركه وكلك فوائد والحمد لله اني تزوجت قبل ما أشوف نصائحك الجباره

ولكن بجد بجد بجد أنت لازم تفتح منتدى خاص للعزاب وانفرد بهم واللي يعجبك قوله وبعد كام

سنه من اتباع النصائح الجميله دي والارشادات الحلوه ستصبح البلد كلها شباب مضربين عن

الزواج ووقتها الخطف سيكون من الحريم والرجاله وستقود الحمله ضدك الابله نوسه بنفسها وعلى

فكره هي نفسها الخاله نوسه ؟؟

.

من طرف **abu rabia** الإثنين 15 ديسمبر 2008, 5:05 pm

ارجوك يا استاذ فتحي كفاية تواضع بقي

كل الناس عرفت خلاص انك قائد الجناح العسكري

للتنظيم بتاعنا ضد الستات ... وانا اعلنت ده ولازم تواجه

مصيرك بمنتهي الشجاعة