حكاية موقعنا

من طرف **omar20hatem** السبت 24 يناير 2009, 9:07 pm

نبتدى منين الحكاية
نبتديها من البداية
كان زمان
نفسى يكون لى مصطبة
لكن مش أى مصطبة
مصطبة
اتكلم فيها عن بلدى
مع جارى وصاحبى
اشاركهم فرحى
وفى العتمه يكونوا سندى
مصطبة من حكاويها
المس فيها حيطان بيتنا
تهون وحشة غربتنا
احس فوقها
بوحل الشتا
وموج الصيف
كل ورقة بقع من شجر جنيــــــــــنتنا

[/center]

من طرف **omar20hatem** السبت 24 يناير 2009, 9:11 pm

لقيت على النت
طريقة سهله فى البنا
وعشان كونى مهندس
وشوية بعرف اتهندس
قلت ابنى اساس
كم طوبة وطوبة
يبقوا اساس
وبنيت درجة ووقفت عليها
احكى عن كل اخبار البلد
اللى ما واللى اتولد
لكن النتيجة مش حلوة
مفيش تفاعل وتواصل
كانت درجة زى السيما
يدوب تتشاف أو تنقرى

[/center]

من طرف **omar20hatem** السبت 24 يناير 2009, 9:13 pm

وبعد شوية
جالى قريبى
ابن حبيبى
محمد فوزى
وقال لى انا عامل موقع حلو
فيه حكاوى وغناوى
دخلت ابص
لقيته موقع كيماوى
اصل محمد مخه كيماوى
محمد فوزى مش عارفينو
عبقرينو
قال لى سجل
قلت بشرط
قال لى اتشرط
قمت شرطت
عاوز زاوية خصوصى لى
احكى وافضفض عن بلاوى
قال لى موافق
اكتب ايه فى العنوان
قلت يا سيدى
اكتب ..... اكتب
حاسب حاسب
اكتب اكتب
كلام مصاطب

[/center]

من طرف **omar20hatem** السبت 24 يناير 2009, 9:15 pm

فكرة عظيمة
عليها القيمة
عرفت اصحابى
كل احبابى
عن مصطبتى
وعن حكايتها
وكل صاحب
يعرف صاحبه
وصاحب صاحبه
يوم ورى يوم
عددنا بيكبر
زى مشاعر الحب ما بينا
يوم ورى يوم
دايما تكبر
عرفت بلدى
اخويا وعمى وخالى وكبدى
واختى فى بلدى
حاكم كل بنت فى بلدى
تبقى كبدى

[/center]

من طرف **omar20hatem** السبت 24 يناير 2009, 9:17 pm

وشوية شوية
جت لنا حوا
زان الموقع واتنور
ببنات حوا
اختى وبنتى وامى ياحوا
احلى بناتك ياحوا
بنات بلدى

[/center]

من طرف **omar20hatem** السبت 24 يناير 2009, 9:20 pm

ويوم والتانى لقتنى عرفت
ميزو واحمد
هيما وشعله
رساوة سمره
وعمر افندى
ابودسوقى
كبير القاعدة
وجه فرافيروا
لعب بديله
لكن بطبع ولاد قريتنا
دايما خيره غالب ديله
رجع واتنوروما هلسش
لانه دلش

[/center]

من طرف **omar20hatem** السبت 24 يناير 2009, 9:21 pm

ابداع محمد
حكاوى ساره
عقل سندس
جد المحاسب
فله ونهله
علا وياره
دعاوى شيخنا
بلاغة شاعرنا
وضيوف عزاز
منوفى حريف
وحوده واحمد

[/center]

من طرف **omar20hatem** السبت 24 يناير 2009, 9:24 pm

وياريت يا سانتوس
وياريت ياجاسر
نفضل حبايب
ابيض واحمر
والغيرة ترحل
واحلى الاسامى واحلى البنات
واعظم رجال
خليفة وشريف
بيبواوكابو
ابوعبدالله
دكتور كوماندور
3 أحمد
وسامحين
لؤلؤة بلدنا
ايمان وابوها
و100 محمد
ربك يبارك
ويزيد ونكبر
مليون محمد

حد فيكم بقى يكمل انا تعبت

[/center]

من طرف **santos** السبت 24 يناير 2009, 9:54 pm

[img]

[/img]

ممتاز وأكثر من رائع
فعلا لازم تبقى شاعر بلادنا فى الخارج
أنا بحييك على الشعر الرائع
تصميم هندسى لشعر دملاوى أصيل
فأرجو التثبيت
وشكرا لك
مستنيين الجديد

Shocked

على فكره
اولاً : الله ينور ياهندسه
ثانياً:
يمكن اكون اكتر واحد وحاسس بيك لانى زمان كنت معاك
فاكر ولا بسرعه نسيت
وابو ربيع وميزو وحسام كانو معانا فى الشله زمان
طب فاكر باسل ووليد
طب فاكر احمد وسعيد

اوعى تقولى بسرعه نسيت
دول عاشوا الحلم معانا زمان
فيهم اللى موجود واللى بعيد
بس بجد انا سعيد

على فكره دى مجرد خواطر
ارجو المعذره

من طرف **مختار الدلش** السبت 24 يناير 2009, 11:03 pm

الله أكبر علينا ..... دايما دايما ياحكاوينا

اهل واحباب قالو علينا ..... بكرة يلفو كمان حوالينا

صحبة وعشرة...... كتير تجمعنا

دايما كل أصل وله معنى

حكايتنا دملو بلدنا ....... ودايما يارب تجمعنا

ضحكة وهمسة وبسمة ..........وحوار حر يرجعنا

كان يامكان ........... ودار الزمان

وجه عصر الحكمة ....... يرجع لنا نشوة الحرمان

وجه فرافيروا
لعب بديله
لكن بطبع ولاد قريتنا
دايما خيره غالب ديله
رجع واتنوروما هلسش
لانه دلش

اهنئك أخي الاكبر على هذه الانشودة والحكيوة الجميلة

وبالفعل بها معاني جميلة

اهنئك على أسلوبك الرائع

ورسمك الهندسي الجميل وتصميمك الاجمل من رائع

وأخيرا الاشراف على تنفيذ بناء المصطبة

أما عن بدايتي ..............ونهايتي

فالبداية ... كانت لعبة دملوية

بدأت بطفرة جوهرية

وتخللها احساس بالملل

واخيرا

نهاية مرضية

من طرف **mezo2010** الأحد 25 يناير 2009, 12:23 am

تسلم يا هندسه
وطول عمرك مخك كبير

من طرف **mohammed** الأحد 25 يناير 2009, 9:32 am

طب هقول حكايتي تاني

اصل يمكن ناقصة ملح

لو كتير نفضل نعاني

لازم ييجي يوم الفرح

أولكشي كنت ماشي

جاي من مشوار مهم

قام يا سيدي وبالمصادفة

قابلت واحد قول يا سيدي

زي ما يكون يجمعنا دم

أو ممكن تقول تجمعنا أم

أمنا كلنا طبعا عارفينها

واللي مش عارف نقولو

أمنا كلنا طبعا دملو

قال كتير وبين كلامه

قاللي حاجة زي بيض

أو فراخ ... أه قال يا سيدي

كتكوت دملو !!!!!!!!!!!!

بصراحة ضحكت .........

قلتله أكيد بتضحك

قاللي خش وشوف بنفسك

هتلقى فيه ناس تحسك

من طرف **omar20hatem** الأحد 25 يناير 2009, 12:17 pm

شكرا على الردود السريعة
والجميلة
وكويس ان الشاعر
هرش وطلع المستخبى
وشكرا لمحمد بيه رأفت وعمرى ما أنسى حلمنا الجميل
ومبروك يامختار يا شاعر لسه نوفى
ومجاملة رقيقة منك يا سانتوس
وميزو اللذيذو
شكرا لك

من طرف **الحريف** الأحد 25 يناير 2009, 12:39 pm

والله فكره جميله وحنينه جدا

تسلم الأيادي

والصراحة تفاجأت بالموضوع

بس لو تفتكر موضوع القصائد اللي في دملو والموضوع مثبت

هي كان من تحت راسك

ايه ياجدع دنته مخك نظيف

عظيم ياهندسه

من طرف **princessa_nahola** الأحد 25 يناير 2009, 3:05 pm

بجد تسلم ايدك يا بشمهندس
بس انا زعلانه يعنى حضرتك خلاص كتبت كل الاسماء دى وتعبت ومش عارف تكتب اسمى

من طرف **بسام السباعى** الأحد 25 يناير 2009, 4:21 pm

معقوله حد ينسى نهوله
كده بسهوله الأيام
تنسيك كمان بسام
ده كلام يا هندسه
فى تلميذ ناقص فى المدرسه

من طرف **omar20hatem** الأحد 25 يناير 2009, 5:34 pm

nahola كتب:
بجد تسلم ايدك يا بشمهندس
بس انا زعلانه يعنى حضرتك خلاص كتبت كل الاسماء دى وتعبت ومش عارف تكتب اسمى

أمال الكلمتين دول يبقوا لمين

ركزى شوية يا نهوله

فله ونهله

من طرف **omar20hatem** الأحد 25 يناير 2009, 5:38 pm

بسام السباعى كتب:معقوله حد ينسى نهوله
كده بسهوله الأيام
تنسيك كمان بسام
ده كلام يا هندسه
فى تلميذ ناقص فى المدرسه

بسام حبيبنا كده على طول
مسج ورنه وتون كول

اعذرنى اصل الرصيد كان خلص

من طرف **karemo elsokkary** الأحد 25 يناير 2009, 6:00 pm

ماشى يا هندسة نسيت عيلة السكرى كلها "ابراهيم وعلى وكريمو"

على العموم بيتكم الجديد تحت ايدينا وما فيش طريق علشان تعدى

على فكرة يا هندسة nahola اسمها نهال مش نهلة

من طرف **omar20hatem** الإثنين 26 يناير 2009, 5:52 am

karemo elsokkary كتب:ماشى يا هندسة نسيت عيلة السكرى كلها "ابراهيم وعلى وكريمو"

على العموم بيتكم الجديد تحت ايدينا وما فيش طريق علشان تعدى

على فكرة يا هندسة nahola اسمها نهال مش نهلة

ياعم اول اسمين
اخوك وخالك

هيما وشعله

صحصح بقى وسيب البيت مكانه

من طرف **mezo2010** الإثنين 26 يناير 2009, 1:16 pm

يا جماعه مفيش اي مشاكل خالص
كلنا واحد
واللى يفتكر حد يكت اسمه
زي قرقشندي وابو ربيع
وسيبويه
والكمندى
وغيرهم كتير
والشيخ محمود المفتى
وناس دخلت وخرجت ومنعرفش ليه
وناس ف الغربه البعيده
ومحبتهم في قلوبنا اكيده

من طرف **llolastar** الأربعاء 28 يناير 2009, 12:16 pm

ههههههههههههه
حلو اوي يا بشمهندس
تسلم ايدك

مضى عام واتى عام
وفى كل يوم بيذيد الوءام
بين اعضاء منتدنا الاوفياء
حب وادب
احترام وموده
بين الاخوه فى منتدى الاحبه
مبدا واحدمشينا عليه
هو الاول وماله تانى
لازم تبقى بلدنا الغاليه
جوه عنينا وفى قلوبنا ومحل تفكرنا
ورقم واحد فى حياتنا ماهى بلدنا الغاليه
ومصطبتنا قاعدين عليها
نسمع ونكتب حكاوى كتير
اقتراح راح يمكن يفيد
ومشكله لازم نحلها
وحكاوى كتير نستمتع بيه
نشارك بعض فى الفرح والحزن
نقول لبعض نصيحه ممكن تفيد
ومنافسه شريفه بين الابيض والاحمر
وبلاش خروج عن نص الاحبه
وفى النهايه وكانت بدايه لازم نقول كلمه لازم يسمعها الاحبه
دمو بلدنا جوه عنينا ومحل تفكرينا
وبصوت عالى راح نقول
دملو سوف تسير لتحقق الكثير
ودام منتدنا وعاشت بلدنا بلد العلم والايمان

تسلم ايديك يا هندسة
دايما فيه ناس محترمة
Shocked

ترفع اسم بلدها

من طرف **omar20hatem** الخميس 29 يناير 2009, 1:12 pm

شكرا لكل الردود والاضافات الجميلة

من طرف **mezo2010** الخميس 29 يناير 2009, 2:24 pm

الى كل الاعضاء الذين لم
يشاهدو الموضوع بعد

ياريت كل عضو يدخل الى الموضوع
ويحاول يسجل حضورة ولو بس
باسمه
وتبقى هي دي مشركته في الموضوع
ولو عنده حاجه حلوة يكتبها ياريت

الله ينور ياهندسة هوا دا الكلام الصح بس فى حاجة نسيت اقولها المصاطب بتاعتنا اللى فى الشارع عندنا كلها اتهدت
علشان شكوى للمجلس المحلى من واحد ماعندوش ريحة الدم
ايه رايكم فى الكلام ده
على العموم يشكر
طول مافى ناس كده
بلدنا هتكون الى الامام دايما
هههههههههههههههههههههههههههههههههههههههههههههههه

من طرف **Abo Dina** الجمعة 30 يناير 2009, 10:53 am

[quote=" فى حاجة نسيت اقولها المصاطب بتاعتنا اللى فى الشارع عندنا كلها اتهدت
علشان شكوى للمجلس المحلى من واحد ماعندوش ريحة الدم
ايه رايكم فى الكلام ده
على العموم يشكر
طول مافى ناس كده
بلدنا هتكون الى الامام دايما
هههههههههههههههههههههههههههههههههههههههههههههههه[/quote]

يبقى انت أكيد في مصر

من طرف **سامح الشربينى** السبت 31 يناير 2009, 4:34 pm

قصدك يبقى انت اكيد فى (دملو) شارع ابو حربة

من طرف **AkRaM MaZaKoNy.Net** الجمعة 06 فبراير 2009, 5:06 pm

تسلم دماغك يا باش مهندس

كبرت قعدتنا
واحلوت ليلتنا

لاننا كلنا في
عيله جمعتنا
أحلامنا بتكبر
قدام عنينا
قاعدين نتسلي
مع بعضينا

من طرف **أبو سلامه** الثلاثاء 24 فبراير 2009, 9:55 pm

تسلم ايدك

يبقى انت اكيد من دملو

حكاية موقعنا

حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا

رد: حكاية موقعنا