فقط فى مصر ... و يارب تستر علينا

من طرف **ahmed aref shallan** السبت 07 مارس 2009, 1:51 am

فقط فى مصر ...
تجد شخص اقل منك ذكاء واقل منك فى المستوى التعليمى وحاصل على 50% فقط فى الثانوية العامة وتلاقيه بيتنطط عليك ( علشان دخل بيهم كلية الشرطه ) .!!!!

فقط فى مصر ...
تجد أشخاص ساقطى إبتدائية أو حاصلين على الإعدادية بالعافية ويطلق عليهم لقب ( مندوب شرطة أو أمين شرطة ) ومع ذلك وفى ظل قانون الطوارىء وحكم الدولة البوليسى تجده لديه سلطة مطلقه لإهانة البسطاء من الناس وأختراع قوانين من عنده وتكوين ثروات هائلة من الرشاوى ... كل ذلك فى مصر تحت سمع وبصر الكبار الذين يقتسمون معهم السبوبه .!!!

فقط فى مصر ...
آلاف من حملة درجة الدكتوراه فى الإقتصاد والزراعة والصناعة ومع ذلك تجدنا فى ضيل قائمة الدول فى تلك المجالات ..!!!!!!!!

فقط فى مصر ...
آلاف بل ملايين من طلبة المدارس والجامعات بيتخرجوا أجهل مما دخلوا مدارسهم أو جامعاتهم
لإن التعليم عندنا بالكيلو وبالراس ... يدخلوا مجرد رؤوس فارغه من الناحيه دى .. يطلعوا رؤوس مليانة كلام فاضى من الناحيه التانيه ...لان النظام التعليمى يهتم بالكم وليس بالكيف ..!!

فقط فى مصر ...
آراضى طينية خصبة وراء السد وأمام السد ... ونهر طويل عريض يجري لمسافة 1000 كيلو .. ومياة جوفية ... وأمطار ....وفلاحين أباً عن جداً وعلموا العالم الزراعة ...ومع ذلك نمد يدنا ونتسول غذاءنا من اللى يسوا واللى ميسواش !!!!

فقط فى مصر ..
يتم رصف الطرق ثم حفرها لتركيب مواسير الصرف الصحى... ثم يتم رصفها وبعد ذلك يتم حفرها مرة أخرى لتركيب مواسير مياه الشرب... ثم يتم رصفها وبعد ذلك حفرها لتركيب أسلاك التليفونات.... وهلم جرا (وطبعاً ده كله بيسهل عمليات السرقة والنهب) !!!

فقط فى مصر ...
دوله فريده من نوعها تطل على بحرين الأحمر والمتوسط ويشقها نهر النيل لمسافة 1000 كم من الجنوب الى الشمال .. ناهيك عن البحيرات الطبيعية والصناعية والترع والمصارف و و الخ
ومع ذلك يسمع المصرى عن السمك كل خير ... وممكن يعيش ويموت من غير ما يشوف بسريايا واحده ... لإنها من الأكلات الترفيهية التى لا يقدر عليها الا الشديد القوى ..!!!

فقط فى مصر ..
أحزاب بالزوفه واللى ما يشترى يتفرج ... عندنا أكثر من 20 حزب ..
ومع ذلك اللي يتجرأ ويرفع فيهم راسه ويقول أنا أهو ويقول بم حتى يلاقى نفسه مشرف على البورش .. جنب أيمن نور .. ونعمان جمعه .
يعني فى مصر ... أحزاب اه ... طراطير أهين .... لكن تفكر فى السياسة ولا تعمل حركات نص كم يبقى هاتقول آه للصبح من كتر الضرب .. !!!!

فقط فى مصر ...
تم القضاء على ظاهرة شم الهيروين وادمان الكوكايين ....بعد ان اصبح البانجو فى متناول الجميع !!!!

فقط فى مصر ...
تجد مسكنات على هيئة مصطلحات يتم تقديمها للشعب وبجرعات مكثفه من نوعية
التمثيل المشرف
الشفافيه
اشادة البنك الدولى بمصر
اهمية الدور الذي يلعبه الشباب ... جيل المستقبل .!!!!

فقط فى مصر ...
تصاب الحياه بالشلل عند مرور موكب مسؤل مهم معطلا مصالح البلد كلها عشان سيادته يعيش حتى لو على حساب البلد بإقتصادها باللى فيها ..!!

فقط فى مصر

واحد اسمه أحمد عارف شعلان ربنا يستر عليه وتمر الايام دي على خير

عندك حق في كل ماقلته الا شيء واحد فقط وهو

يطلعوا رؤوس مليانة كلام فاضى من الناحيه التانيه ...لان النظام التعليمى يهتم بالكم وليس بالكيف ..!!
لم يكن العلم يوما ما كلام فاضي والعيب فينا وفي الدروس الخصوصيه التي همها الحفظ فقط

من طرف **omar20hatem** الأحد 22 مارس 2009, 9:49 am

عجيبة يا ولاد
الاستاذ احمد بيدافع عن نصاب ومزور

يلاقى نفسه مشرف على البورش .. جنب أيمن نور .. ونعمان جمعه

من طرف **omar20hatem** الأحد 22 مارس 2009, 9:53 am

عجيبة يا ولاد الاستاذ أحمد ما سافرش بره مصر علشان يعرف ان
كل شوارع الدنيا بتتعطل عند مرور اى مسئول
واللى يبلغك غير كده يبقى زى النعام

دبى كلها اتشلت حركتها عند زيارة بوش للامارات
وده مجرد مثل ولو عايز 100 اعدلك

تصاب الحياه بالشلل عند مرور موكب مسؤل مهم معطلا مصالح البلد كلها عشان سيادته يعيش حتى لو على حساب البلد بإقتصادها باللى فيها ..!!

من طرف **omar20hatem** الأحد 22 مارس 2009, 9:55 am

دوله فريده من نوعها تطل على بحرين الأحمر والمتوسط ويشقها نهر النيل لمسافة 1000 كم من الجنوب الى الشمال .. ناهيك عن البحيرات الطبيعية والصناعية والترع والمصارف و و الخ
ومع ذلك يسمع المصرى عن السمك كل خير ... وممكن يعيش ويموت من غير ما يشوف بسريايا واحده ... لإنها من الأكلات الترفيهية التى لا يقدر عليها الا الشديد القوى

كلام عار من الصحة وانت من بلد تقع على النيل مباشرة
وفى موسم الجفاف مثلا تقدر تجيب لك شوالين سمك
بس تبطل كسل وشعارات

من طرف **omar20hatem** الأحد 22 مارس 2009, 9:57 am

آراضى طينية خصبة وراء السد وأمام السد ... ونهر طويل عريض يجري لمسافة 1000 كيلو .. ومياة جوفية ... وأمطار ....وفلاحين أباً عن جداً وعلموا العالم الزراعة ...ومع ذلك نمد يدنا ونتسول غذاءنا من اللى يسوا واللى ميسواش !!!!

شوف سيادتك شغلتك ايه الان
وليه ما اشتغلتش زى اجدادك مثلا
مع انك افضل من غيرك
يعنى عندك ارض تزرعها وما زرعتهاش
رميت مهنة اجدادك

من طرف **omar20hatem** الأحد 22 مارس 2009, 10:04 am

للحديث بقية علشان النت عمال يقطع
مع انى مش فى مصر
مش هو برده بيقطع فى مصر

من طرف **omar20hatem** الأحد 22 مارس 2009, 10:06 am

معذرة فانا لا اهاجم شخصا بل اهاجم فكرة
فلا تنقل بدون وعى
وإن وعيت فتحمل وجهة النظر الاخرى
بكل ود
وشكرا للجميع

فقط فى مصر ... و يارب تستر علينا

فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا

رد: فقط فى مصر ... و يارب تستر علينا