قصيدة فى حب دملو

من طرف **alielsokkary** الإثنين 10 ديسمبر 2007, 10:01 am

هل من الممكن بعد اذن الاستاذ محمد نعدل اقتراح النشيد الى قصيدة فى حب دملو وكل واحد من الاعضاء يكتب بيت فيها ويبقى باسمة والاستاذ محمد يتابع الموضوع بصفتة شاعر وينتقى الابيات الجميلة ويعدلها لغويا وننشرها بعد اكتمالها بس بيت واحد فقط لكل عضو وممكن يشارك معانا فى هذا الموضوع رجال دملو الكبار
مثال الاستاذ حمودة والاستاذ عبدالمولى سلامة والاستاذ محمد صالح والاستاذ رفاعى امبابى وجميع الناس اللى ممكن تشارك وانتم اقولوا اسمائهم وتبقى معلقة العصر الحديث وياريت القصيدة تبقى من 100 بيت ويكتب امام كل بيت اسم صاحبة

من طرف **omar20hatem** الإثنين 10 ديسمبر 2007, 10:42 am

رأيى اننا نعملها زى سلسلة عجبى لصلاح جاهين

كل فقرة حرة مستقلة عن الاخرى

وكل واحد يشوف الحلو من وجهة نظره

ولا تتجاوز 5 أسطر حرة

ولا تتجاوز الفقرة 25 كلمة

وده علشان نطلق العنان للشعراء

واللى مش شعراء يحتاسوا

هههههههههههههههههههههه

ايه رأيك انت الان يا صحب الفكرة و3 نجوم

من طرف **omar20hatem** الإثنين 10 ديسمبر 2007, 11:30 am

كتكــــوت دملـــــــو الصبـــــــح رايــــــــح على الكٌتُّـــــــاب
قابلـــه سيِّدنــا ارتعــــــــــش ليــــــه بــــــــدون أسبــــــاب
سيِّدنـا مقــــامـه عالـــــى فى السمــــــا واحنـــا له خُــــــدُّام
واللــــى مـازار دمــــلو ماعـــرف يعنـــــى إيــــــــه كٌتُّـــــــاب

حاتم ابوالعزم

من طرف **mohammed** الإثنين 10 ديسمبر 2007, 11:55 am

عـــد النجوم فوق الشــجر
دي دمــلو طــــالعة للقـمر
وشباب دملو يا سيدي عليه
في عشـقها قــال مــا خلى
ولا عـمره يوم كــدب خــبر

من طرف **الحريف** الإثنين 10 ديسمبر 2007, 12:15 pm

الليل يـدنو برفق ونـسـيم دمـلو العـشـق

القمر يبرزبالأفق حب قريتي هوالصدق

معتصم العنسي

من طرف **mohammed** الثلاثاء 11 ديسمبر 2007, 9:07 am

دملو يامعلمة************فيكى المعلمين كتير
ولوهنوصف فيكى*************عايزين سنين وسنين
عليكو الباقى...دةمن صديق لى هنا....معلمين=موعلمين
سمير السيد

من طرف **Ibrahim Elsokkary** السبت 15 ديسمبر 2007, 2:40 pm

يص بقه ياجماعه انا عمري ما ككبت شعر في حياتي ولا حاولت اكتب
بس الفكره عجبتني وقلت احاول يمكن اقدر اضيف حاجه
بس ارجو ان ماحدش يضحك عليها
واعتبروها محاوله
وارجو من الشاعر والباشمهندس حاتم انهم يقولوا رأيهم ويعدلوا اللي عايزتعديل

دملو

دملو يللي نسمتك تشفي العليل
وطلة شمسك فوق نخيلك سلسبيل
ونيلك وزرعك يحضن شباب حر وأصيل
وقمرك في ليلك بيناديلك عدي بي المستحيل
يللي شيوخك كانوا في عيونا الدليل
علمونا ونورونا وعدوا بينا الف ميل
غرسوا فينا اخلاق نبينا وعرفونا السبيل
دملو يللي نسمتك تشفي العليل

فوق جبينك تاج يا غاليه وعقد لولي متصورين
وكمان شبابك حلفوا بعيونك ينصروكي طول السنين

انا تعبت يا جماعه حد يكمل

من طرف **محمد شعلان** الجمعة 21 ديسمبر 2007, 10:09 pm

بلدي دملو بلد العلماء
------زرعوا نخيلك فانت خضراء
اجتمعوا لحبك فكلهم اوفياء
-----افرحي وغردي فاولادك اذكياء
وهبوا لكي الوقت والفكر فنعم العطاء
محمد شعلان
ابن من ابنائك البسطاء

من طرف ahmoda الأحد 23 ديسمبر 2007, 12:38 am

دملو معاك
دملو في بالي وفي قلبي ولا بنساكي
دملو وحشني لو حتي بكون وياكي
دملو حبيبتي بشتاقلك
دملو عنيا تنداهلك
ولو حوليا كل الكون بكون يا حبيبتي محتاجلك

ايه رايكم بصراحه

من طرف htmhm السبت 08 مارس 2008, 11:58 am

جاى ليك يا بلدى ولو طال السبيل
سامحينى واوعى تقولى انى مش اصيل
دانتى جوايا وحتى لو بعدت كم الف ميل
منيك مشيت وليكى رجعت ارد الجميل
فيكى لعبت تحت المطر وشمس الاصيل
ومن ارضيك اكلت ومن هواكى اتنفست العليل
جاى ليك يابلدى ولو طال السبيل

من طرف **مختار الدلش** السبت 12 أبريل 2008, 10:33 pm

بلدي بلدي
بلدي وما احلاك يابــــــــــــــــــــــــــــلدي
يا اغلى من روحي ومن مالي ومن ولـــــدي

من طرف **nano** الأحد 13 أبريل 2008, 9:31 am

الله عليكم ياشباب دملو
شكلكم بتحبو دملو قوى
يارب دايما فى حب دملو نلتقى
وفى خدمة اهل دملو نتحوار
وفى تعاون مستمر مع اهل دملو الكرام
اهل الجود والكرم
اهل الحب والعلم
اهل الايمان والاسلام
اهل السنه والقران

دملو السما الفزدقي وعصافير معديه
وقله ممليه علي الشباك منديه
وفي حبها قول ماتشاء
دملو عندي اجمل واحب الاشياء
بحبها بعنف وبرقه وعلي استحياء

من طرف **سارة** الإثنين 28 أبريل 2008, 5:17 pm

ألفين تحية وسلام لام الحنان بلدى

دملو ياللى على مر السنين سندى

ياسمرا ياخضرا باعشق لونك الصافى

ياحلوة إسمك هانقشه فوق جبين ولدى

من طرف **santos** الأربعاء 30 أبريل 2008, 3:06 am

كلمه حلوه وكلمتين حلوه يابلدى
غنوه حلوه وغنوتين حلوه يابلدى

أملى دايما كان يابلدى إنى أرجع لك يابلدى وأفضل ديما جانبك على طوووول

ددددددمــــــــــــــــــلـــــــــلـــــــــلـــــــــــلــــــــــــــوووو

ذكريات كل اللى فات فاكرى يابلدى

قلبى مليان بحكيات فاكره يابلدى

أول حب كان فى بلدى مش ممكن أنساه يابلدى فين أيام زمان قبل الوداع

بحبك يابلدى

دملو ياللى كنتى بلد القران ياللى كنتى بتدورى على سعادة الانسان دلوقتى ليه Smile

بلدى يا بلدى ايه جرالك
الكل ليه بينهش فى ترابك
كنتى ومازلتى منبر ساطع
لكل فرد مشى على ترابك
هات ايدك فى ايدى نحقق الامجاد ونرويها للاحفاد فى بلدى دملو بلد الامجاد

كان فى زمان بلد القرآن
دلوقتى خلاص دملو كمان
يا ريت تكون وترجع زى زمان

من طرف **أبو سلامه** الخميس 29 مايو 2008, 3:27 pm

اسمك دملو وليه معانى كتير
الدال دموع ولادك من القران بتسيل
الميم منارة علم فى فى العقل والتفكير
الام لوائك فى البلاد بيطير
الواو ولادك كل طيبة وخير

من طرف **الفارس** الجمعة 13 يونيو 2008, 4:27 pm

شخص للغد يبنيني والعلم النافع يعطيني
أعتبره فردا من أهلي كأمي و أبي يأويني
أحلم لو أبقى مثله قدوه أحلى لسنيني
العلم و صانا به سيدنا بالذهاب له و لو في الصيني
حب دائم في قلبي ما دام للأفضل يرشدني
عن طريق الشر يبعدني و لطريق الخير يهديني
دمت كما أنت تعلمني و للمستقبل الزاهر تهديني

هذة القصيدة من اجل الشخص الذى احبته جميع اهالى قرية دملـــــــــــــــــــــــــــو وجميع اهالى القرى المجاوره لها
وهو المعلم الاول لهذة القرية وهو الشيخ السيد عبد الرحمن دواد(سيدنا ابو عبدة)حفظه الله لنا وجعلة الله منارة للعلم لا ينطفىء نورها

من طرف **sameh ahmed** الأحد 06 يوليو 2008, 12:16 am

دملــو نجمـة فـى السمـا عاليـة
أربـع حـروف جوه القلـوب غاليـة
حافظة كتاب ربها بين الضلوع حاويـة
تعشق جمـال النبي ولسنتـه حاميـة

*************

دملــو نجمة فى السمـا عاليـة وخاطفة قلوب
أربع حروف جوه القلوب غاليـة وأحـب وأدوب
حافظة كتاب ربها بين الضلوع حاوية بيان مكتوب
تعشق جمال النبي ولسنته حاميـة طه المحبـوب

من طرف **mona** الأحد 06 يوليو 2008, 7:00 pm

الله الله الله
يا أستاذ / سامح
إيه الجمال ده

دا أنا بسبب الكلمات الرائعة دى
نفسى أزور دملو
وأشوفها بعينى

بجد الكلمات رائعة

كان نفسى اكتب واشارك بس ما نعرفش اكتب شعر
بس بجد عجبنى قوى شعر الأستاذ سامح جداً
وبجد مها كتبنا من شعر عمرنا ما ح نوفيها ونديها حقها
لأن دملو اكبر واعلى بكتير

بحب دملو
بحب دملو وقاعدة المسطبه**بحب دملو الناس الطيبه.
هات الحصيره..شد الفرش..أقعد مع ناس تجاعيدها مليه الوش.
يحكوا حكاوى من القلب قريبه
بحب دملو الناس الطيبه
يحكو حكاوى عن المسحوره والجنيه عن العفريت والنداهه وحكاوى من دهيه
مين فينا محبهاش..من فينا مسمعهاش..والله وكبرنا عليها أديناها طناش..دى كانت حكاوى تداوى قلوب متعذبه..
بحب دملو الناس الطيبه
كلمات / واحد من الناس
بسام أحمد السباعى

من طرف **princessa_nahola** الأحد 28 سبتمبر 2008, 9:06 am

يا جماعه بجد انا مشتاقه انى اشوف دملو من جمال الكلام اللى بسمعه عنها واخلاق الناس اللى عرفتهم منها (((((محدش يستضفنى اتفرج على جمالها وجمال نيلها وناسها)))))) دانتوا اهل كرم برضو
نفسى اشوفك يا دملو

من طرف **AkRaM MaZaKoNy.Net** السبت 04 أكتوبر 2008, 8:03 pm

دملو حبها في قلبي موجود

وجمالها جوا نفسي ملوش حدود

حبيتها من قلبي من غير قيود

حبيتها من غير موانع ولا سدود

عجبى

من طرف **الفارس** الإثنين 06 أكتوبر 2008, 11:04 pm

لما تنوى يا nahola هتلاقى بيوت دملو كلها مفتوحة ليكى

من طرف **هانى نشأت** الأربعاء 08 أكتوبر 2008, 3:32 pm

اسمك من نبض تكوينى
من نبعك الصافى
امى تغزينى وابويا يروينى
واسهر عليل..............
همسك يداوينى
ياعذرا يا.. يامطيبه نيلى

من طرف v_e السبت 01 نوفمبر 2008, 10:45 pm

دملو فوق جبين وجبين
غالية من الغالين
وردة من الباستين
رمز لاغلى حنين
شوفت قبل منك مين

من طرف **الحريف** الأربعاء 05 نوفمبر 2008, 9:03 pm

انا اشك ان العاصمة المصرية ستكون دملو
بدل القاهرة

من طرف v_e الإثنين 17 نوفمبر 2008, 2:17 pm

دملو ارض الطيبة والاخلاص

حاملت من الناس اجناس

شالتهم فوق ايديها على الراس

سابتهم ناس مالينين باحساس

قصيدة فى حب دملو

قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

بحب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو

رد: قصيدة فى حب دملو