مصاطب دملو

ياتر مين يقدر يحصر لنا عدد المصاطب الفعالة فى البلد
يعنى المصطبة اللى ملهاش مشاركة فى الحياة السياسية
والاجتماعية وغير فى البلد لا تحصى
وما تدخلش جوه الاحصائية
واللى يحل المسابقة اوعده بجائزة

يا ترى إيه الجايزة يا بشمهندس .
عشان تيقى حافز للعمل الميداني وحصر المصاطب الفعالة .
أقترح الجايزة .........
نبنيله مصطـــــــــــــــ:Dـــــــــــبة أدام بيته .

لا كل من يساهم فى ترتيب وتكوين الموسوعة
عن دملو ومن اى اتجاه
له جايزة حقيقية
بمقدار ما يحققة من انجاز فى الحصر
ودعم موسوعة دملو

انا بيتهيالى اشهر مصطبة فى الوقت الحالى مصطبة ايمن محمود اللى فى بيت رافت عبدو وشايفها مصطبة فعالة جدا وش سايبة حد فى حاله

والله هو يشكر على ان انشأ مصطبة وخلاها تدخل الموسوعة
وكمان انت بتشهد لها بالفعالية
يعنى الراجل ناجح فى انه تدخل فى كتابة التاريخ بدملو وبرافو عليه
وباريت لو يعمل لها قناة خاصة على إرساله

انتوا نسيتوا اهم مصطبه في تاريخ دملو وهي مصطبتنا
المصطبه دي يا جماعه موجوده من زمان قوي وكل فتره بيتم تجديدها لدرجه اننا واحنا بندخل خط الميه لبتنا من جنبها لقينا تحتها 4 مصاطب تم ردمهم بفعل عوامل التعريه
وكمان يا جماعه مش معني اني المصطبه بتمر بازمه حقيقيه اليومين دول بسبب قله روادها علشان ربنا فتح عليهم واشتغلوا اننا ننساها
هو احنا كده لنا اللي في الظاهر بس

والله فكرة القلل فكرة جميلة
وكمان التاريخ حاطط المصطبة فى مصاف المصاطب الفعالة
ده طبعا بسبب رئيسى ان الاستاذ فوزى حسين من روادها
ومين يشهد للعروسة
وطبعا بذكرك اسمها يا احمد دخلت الموسوعة

الترتيب حسب ورود الاسماء من الزوار
مصطبة شريف الهادى
مصطبة ايمن محمود
مصطبة احمد حمودة

يا جماعه الخير صدقوني مصطبه شريف الهادي صفر علي الشمال دلوقتي
ومصطبه ايمن محمود هي ربع ساعه بعد ماتش الاهلي وعليها والناس اللي بتروح تقعد هناك معندهاش وصله ورايحه تتفرج عند ايمن يعني راحين هناك لمصلحه مش حبا في المصطبه

عسل والله
بس مصطبة شريف لما ابقى موجود فى البلد بتاخد الراية من الكل
وتكرم المصطبة علشان خاطرى يا عم احمد
انت ايه قلبك حديد

اللهم لا اعتراض
هقول ايه بس
بكره الايام تثبتلك صحه كلامي
علي فكره انا كنت بتناقش امبارح مع شريف الهادي في الموضوع ده وصمم علي ان مصطبته هي الاولي
علي هو كان قالي اقولك علي موضوع محمد شاهين بس انا طمنته ان كل حاجه وصلت

تمام بس انت ما نقلتش رأيه للناس

Ana ma3a e7tramy elshedeed lemastabet ayman mahmoud
bas ana shayef enn eltanafos mafrood yekoon been mastabet Ayman hammoda we mastabet shereef
dool m7a2a2een a3la mo3adalat elgazb we kaman roadha men elnou3 elly byetkalem fi kol 7aga
we ana tasharaft enny kont 3odo daem 3ala elmastabteen
bas ya gama3a ento fayetkom aham 7aga
mastabet dar ta7feez elquraan
we mastabet 3ammora
di aham mastaba betna2esh el7araka elreyadeya fi masr
we eletneen we elkhamees betet7awel laghrad tanya ento 3arfenha
Nateegat wogood Anshat 3odo fi tareekh Elmasateb 3erfetoo damalo
NABEEL ABO 7ADEDA

3ala fekra
Ba2y ayama elosbou3 Mesh Fi Elbeet
Elhag nabil Abo 7adeda beyeb2a 3ala mastabet Elostaz 7emdan
we di onshe'at be elghood elzateeya
elhag nabil howa modeer elmastaba
we kaman fi mosab2at 7asreya tatem honak

zay masalan Atwal GEES
Atwal Ta2ree3a
we di mish momken tshofha ella 3ala mastabet Elostaz hemdan we ma3a el7ag nabil ta7deedan

Fa Ela Honak

والله أنا شايف مصطبة شريف الهادي هي الأقوى في المنافسة بس ده ما يمنعش إن فيه مصاطب كتير فعالة في البلد بخلاص المصطبتين الأخريتين ، ومنهم مصطبة دار تحفيظ القرآن ( المعاشات) ، ومصطبة الأستاذ كمال كسائى إلا انها تتسم بالموسمية .
وعلى كل حال فالمنافسة قوية .

انا مع احترامى الشديد لمصطبة أيمن محمود
بس انا شايف ان التنافس يكون بين مصطبة ايمن حمودة ومصطبة شريف
دول محققين أعلى معدلات الجذب وكمان ورادهم من النوع اللى بيتكلموا فى كل حاجة
وانا تشرفت انى كنت عضو على المصطبتين
بس يا جماعة انتم فايتكم اهم حاجة
مصطبة دار تحفيظ القرآن
ومصطبة عمورة
دى اهم مصطبة بتناقش الحركة الرياضية فى مصر
الاثنين والخميس بتتحول الى لأغراض تانية انتم عارفينها
نتيجة وجود انشط عضو فى تاريخ المصطب فى دملو
نبيل ابوحديده
وعلى فكرة باقى ايام الاسبوع مفيش البيت
الحج نبيل ابوحديدهبيبقى على مصطبة الاستاذ حمدان
ودى انشئت على المجهود الذاتى
والحج نبيل هو مديرها
وكمان فىها مسابقات حصرية زى مثلا
أطول جيس
أطول تقريعة
ودى مسابقات مش ممكن تشوفها الا حصريا على مصطبة
الاستاذ حمدان
فإلى هناك

ابراهيم السكرى
ترجمة ابوعمر
مراسلكم من سلطنة عمان

مع مصطبة شريف الخدمة فايف ستار

جميع المشروبات تقدم مجانا علي مصطبتنا
تسعدنا خدمتكم

طبعا المية الساقعة اللى اتكلم عليها ابراهيم السكرى

على فكره انا عندى مصطبه جديده خالص عارفين هى فين يا شباب مصطبة بشرى العجلاتى اللى بيت الشيخ غنيم وبتنافسها مصطبة ام سعيد اللى عند ابراهيم ابو فهمى وعموما دملو ايه الا مصاطب وبس

والله ياجماعة الخير ده موضوع شيق جدا...............وخلاصة الكلام ان فعلا مصتبطنا بتتميز بحاجه وهى انها ليست حكرا لمجموعة معينة كما هو الحال مع مصطبة شريف الهادىوبعض المصاطب الأخري ... اللي يقعد عنده يكون بيشتري سندوتشات أو الأولويه للزبائن....والكلام ده طبعا مش علي مصطبتنا.....وكمانا مصتبطنا بحري وفيو علي أربع شوارع وغير طبعا الحاجات اللي أحمد أخويا قالها


ملحوظه:اذا تم التصويت علي مصطبتنا سوف يتم تخفيض الأشتراك السنوي لها 50 % ؟

يعيش الكرم وأهله