شباب دملو

انا عايز اسال سؤال لية شباب دملو عايزين يسيبو البلد ويتخلو عنها******

ياريت توضح شويه

مين قال كدة ياريت كل واحد قبل ما يكلم يعرف هو بيقول اية ويوضح كلامه

مرحبا بيك ياستاذ احمد
بس موضوعك مش مفهوم ياريت توضحلنا وجهة نظرك
وشكرا لمسهمتك اتمنا تكون عضو متميز وفعال

انا من خلال كلامى مع شباب كتير كرهين انهم يعدو فى البلد مش دملو مصر كلها
حاجة من الاتنين 1-يا بتحب البلد 2- يا اما مش اعدين فيها

انا بحيى الاستاذ مختار علشان طلع راجل محترم ومؤدب زى كل اعضاء منتدى دملو

انا اسف على الخطاء لانى كنت بكتب الموضوع وانا نايم

بنحب البلد

إحنا بنحب البلد بس الظروف الصعبة هية اللى بتخلينا نبعد

الي الاخ العزيز احمد
الموضوع بسيط ان احنا كلنا بنحب البلد ممكن البعض منا بيطر انو يبعد عن البلد لظروف ما
سواء عمل او طلب علم لكن مهما لف ومهما بعد بيرجعلها تاني وسدئني مفيش بلد في العالم زي مصر
يكفي ان مصر بس هي الي الناس فيها بتلقي السلام سواء يعرفك او ميعرفكشي تكفي كلمة اتفضل بعد السلام
فأن الان عامين خارج مصر لم أري اي جنسيه اخري يقول السلام لغير صديق فقط ولا اسمع كلمة اتفضل
علي الاطلاق
ياريت تتفضل مشكورا بالدخول باب السيره الزاتيه

احسنت يا مختار هو ده الرد التمام

مهما اللسان قال انا عاوز اسافر وقال كلام كتير عن صعوبه قدرته علي تحمل الظروف المحيطه به في مصر
الا ان القلب بيكون بيقول كلام تاني خالص في حب مصر والدليل علي كده ان اما نعرف ان فيه حد قال كلمه مش كويسه عن بلدنا ويكون غريب بنكون عاوزين نقطعه
زي بالطبط حب الفرد لاسرته طول ما هو موجود داجل الاسره وحاسس بالحضن الدافي مش عاجبه اخواته ولا عاجبه حد
واول ميبعد شويه يكون نفسه يرجع ويبوس التراب اللي بيمشوا عليه

اشكركم لانى فعلا طلعتو ولاد بلد

وبشكر احمد حمودة ومختار الشيخ محمود

انتم ادتونى امل اتمسك بالبلد

لو علاوز تعرف معنى البلد والاهل اللى فيها شوف اللى بره واسئلهم
السفر ولا لاالبلد وانسى الفلوس الكل هيقول البلد لان الغربه صعبه جدا بس الفلوس هى السبب
وعلى فكره اى مشكله في الدنيا كلها سببها الفلوس الفلوس الفلوس الفلوس الفوس الفلوس الفلوس

مين قال كده فكر مره تا نيه في كلا مك ده يسلام علي مصر هوه في في جما ل مصر ولا ناس مصر او عه تقو ل كده مره تا نيه بجد

عيزين يهجو عشان يكونو نفسهم
مش كرها فى البلد
فمنهم من هج الى الغردقة ومنهم من هج خارج البلد

كلمة هنسافر بقت سهلة فى بق الشباب
لو الواحد معاة فلوس للسفر يعمل مشروع احسن

مش البلد هي السبب في يئس الشباب ولكن الشباب هو السبب في اليئس والجميع يلجأ لهذه الكلمه لكثرة البطاله لو كل شب انتظر تعيين الحكومه يبقي ان شاء الله الي الخلف كلنا راجعين لكن لو كل شاب فكر صح يبقي بأذن الله للامام متقدمين
والاخت folladonaقالت لو كل واحد معاه فلوس يسافر الي اي دوله لان السفر مش ببلاش يعمل مشروع هنا في البلد ويكون خير باذن الله
ومش لازم واحد لوحده يعمل المشروع ممكن عشر شباب مع بعض ويعملو مشروع واحد ويبقوا شركاء فيه
وربنا معانا كلنا

folladona كتب:كلمة هنسافر بقت سهلة فى بق الشباب
لو الواحد معاة فلوس للسفر يعمل مشروع احسن

راى تمام
ولكن نحن كشباب بنقول ان السفر افضل من ان انا اتعب نفسى وابدا مشروع
لوحدى وهذا نظرا لروتين البلد
من مصلحه لاخرى وكان الشاب صاحب المشروع هيخترع القنبله النوويه
هى دى الحقيقه
قليل من يفكر وينفذ مشروعا هادفا مشاركه بينه ةوبين اصحابه
والكثير يفكر فى السفر ويظن ان السفر افضل
ام بالنسبه للبطاله نحن ايضا المتسسببين فيها
توجد وظائف ولكنها لاتناسب طموحات الشباب
والمقابل المادى لايناسب الحياة
فيكون السفر افضل
والرضا باى عمل فى السفر وان كان لايناسب الطموح
لان السفر افضل ماديا
وربنا يوفق الجميع ويعيد المسافر الينا غانما سالما محمل بالهدايه العينيه
والهدايه الربانيه
مجرد راى

البلد هى اللى اتخلت عنهم وسابتهم هو ده الكلام الصحيح

يجب ان نفرق بين البلد
وسياسة البلد
البلد كارض وناس الانسان بيعشق ترابها
اما سياستها تخلى الواحد يولع فى اللى جمبة

الحمد لله انا مش جامبك
هههههههههههه
وربنا يوفق الجميع ويعيد المسافر الينا غانما سالما محمل بالهدايه العينيه

والهدايه الربانيه
مجرد راى
_________________

كل حاجة البلد والحكومة
يا ىجماعة احنا بقينا كتير قوى قدرو الموضوع
شكلكو مش هترتاحو غير لما تيجى امريكا

والله لينظفوها

شكلك يا ابو دنيا مشربتش من نيلها

لا وانت الصادق شاربينا من كعانا ههههههههة

شربت ليه من كوعك
انتا ناقصك ايه
صدقوني احنا في بلد جميله جدا متحسبهاش بذنب الحكومه اللي فيها

ارجو من صديقى ان يتسع صدره لما اقول تعليقا على كلام حضرتك انا لو بتكلم بمبدا الانانيه اللى انت بتتكلم بيه فانا الحمد لله مش ناقصنى حاجه ولكن قال رسول الله صلى الله عليه وسلم من لم يهتم بامر المسلمين فليس منهم صدق رسول الله وبعدين سيبك من نغمة البلد جميله ومش جميله اصل الحكومه وفصل الحكومه هى البلد ايه غير سياسات وقوانين وحكومه الحكومه هى اللى فى اديها تنزل الاسعار وفى اديها تولعها وانا مش مستغرب من كلامك ياهندسه فى ظل الظروف اللى احنا فيها واللى ظهر فيها ناس كتير يشتهون الاستعباد الاختيارى والله من وراء القصد وهو يهدى السبيل

ههههههههههههههههة

انا طبعا كلامى موجه لاخى احمد حموده منعا للقيل والقال

طبعا السؤال اللى انا متوقعه dr_ahmed قال الحكومه هى اللى فى اديها تنزل الاسعار وفى اديها تولعها طب الحكومه هاتعمل ايه مع التجار الجشعين ورجال الاعمال اللى زمتهم بايظه

الرد بسيط شوفوا فنزويلا ورئيسها بيعمل ايه ماقلشى ان الناس هى اللى اصلا زمتها بايظه ولا ان هى اللى تستاهل اللى بيجرالها ولا كل ده الراجل حس بمسؤليته كرئيس ومارس سلطاته ونجح الى حد ما انه يسيطر على الاسعار هى دى المسؤليه ياجماعة

انا معاك بس زي ما الحكومه في اديها تنزل الاسعار صدقني انتا وانا اول المتضررين لو حكمنا واحد زي سيدنا عمر او سيدنا عثمان
احنا واخدين حقنا تالت ومتلت يا ابو حميد
يا ريت حد غيرنا يتكلم

وزي ما الباشمهندس حاتم بيقول(ومن اعمالكم سلط عليكم)
العيب فينا صدقني
وانا هقولك موقف لسه حاصل معايا امبارح
كنت رحت اعمل مصلحه في مصر وعلشان اخلصها اطريت ادي الراجل 5جنيه (مع اني عارف ان ده غلط)
وبعدين وانا مروح السواق بتاع العربيه خلاه واقف مستني امين الشرطه علشان يركب جنبه علشان يعديه من الكمين
كنت انا وعلاء كامل طبعا ثرنا احنا الاثنين وقعدنا نقول للسواق انك سلبي وعمر مصر ما هتتقدم وفيها ناس زيكوا الخ
بعد فتره افتكرت اني من ساعه بالضبط انا كمان شاركت في صنع السلبيه بالخمسه جنيه

قصدي من ده كله اننا كلنا بنشارك في سوء الاحوال في مصر ولكن جميعنا ينظر لنفسه علي انه ملاك ولا يخطا والباقي حساله لا دين لهم ولا ذمه

ابدء بتغير نفسك وستجد كل ما حولك سيتغير
لا يغير الله قوما حتي يغيروا ما بانفسهم

ياعم انا عارف ان احنا فينا عيوب كتيره انا وانت والباشمهندس وكل المسلمين بس مش دى الشماعه اللى كل مره هانعلق عليها تكاسلنا وخيبتنا احنا ليه مانخدش بايد بعض ونساعد بعض ونكون يد واحده صدقنى الشيطان ساعتها مش هايقدر علينا وعصر عمر بن الخطاب هايرجع تانى والله من وراء القصد وهو يهدى السبيل وبعدين انت لواحدك ياعم انا من عامة الشعب ههههههههههههههة