إنجازات

من طرف **mr_x900** الجمعة 07 مارس 2008, 9:56 pm

*من الواضح ان مركزشباب دملو فى السنوات الاخيرة قد تطور ورأينا جميعنا مدى الاختلاف بينه وبين المركز القديم :

*ولكن أنا أرى أن كان لهذا التقدم سلبيات وايجابيات :

*وبأطلب من أبناء البلد المخلصين أن يقول كل واحد ايه السلبيات والايجابيات اللى هو شايفها

*وأنا أوعدكم أن أرئكم هتوصل للمسؤلين ومش هيكون كلام وخلاص

*وأنا مستنى الرود بتاعت ولاد البلد اللى بيحبوها بجد

elephant

من طرف **omar20hatem** الأحد 09 مارس 2008, 9:38 pm

انا غير موجود لكن عايز أعرف بعض الاشياء
هل الاضاءة للملعب الداخلى جيدة أم سيئة
هل يقيم المركز رحلات شتوية وصيفية للاعضاء
لماذا لا تكون هناك مسابقة سنوية لأوائل الطلبة تحت رعاية مركز الشباب
هل هناك نشاط ثقافى
هل هناك لوحة اعلانات يكون عليها نشاط النادى الصيفى
هل يعلن عن المسابقات بأنواعها وكيفية الاعلان عنها

من طرف **أبو اياد** الإثنين 10 مارس 2008, 9:35 am

اضاءة النادي ضعيفه
الملعب الخماسي عايز شوية شغل
اين المسابقات الثقافيه ومسابقات القرأن الكريم
اين دورات كرة القدم بتاعت زمان
اين حقوق لاعبي النادي
مبني النادي كويس جت علي السور والفلوس خلصت
والمواضيع كتير عن النادي كفايه كده بس دا يتم
مع الشكر

من طرف **alielsokkary** الإثنين 10 مارس 2008, 11:10 am

من الممكن الاخ كاتب الموضوع يقول لنا الاول اية هى الاجابيات اللى شايفها علشان نشوفها معاة

من طرف **سميرالسيد** الإثنين 10 مارس 2008, 2:29 pm

انا خارج البلدد مثل الباش مهندس حاتم
بس شايف ان فية ايجابيات وهى؟
لو كنت حضرتك( mr_x900من أعضاء النادى
يبقى دى الايجابية؟؟
انهم بدئو (يشوفو الشباب عايزين اية؟

من طرف **mohammed** الثلاثاء 11 مارس 2008, 12:32 pm

انا ممكن اقول الايجابيات
اولها : المبنى الاداري الجميل الذي يعد من اجمل المباني الادارية في المحافظة مش في القرية بس
ثانيا : النشاط الملحوظ اللي ممكن بعض الناس مش ملاحظاه لانها ما شفتش المركز كان نشاطه ايه قبل كدة
ثالثا : مجموعة الشباب الموجودين بالمجلس اللي من الممكن اعتبارهم شباب عاملين نشاط ملحوظ وكمان كلهم بيشاركوا في ارائهم في التطوير وليس فردا واحدا هو من يدير المركز
رابعا : اعتقد ان من يسال على الايجابيات ويحاول معرفتها فاما ان يكون احدشخصين
الاول خارج القرية ويسال ليعلم وهذا حقه
الثاني داخل القرية ويسال لانه لا يعلم وهذا ما يعيبه
وانا هنا غير محسوب على مجلس الادارة - على فكرة انا كنت مرشح ولم انجح في الانتخابات السابقة - ولا محسوب على غيره ولكن كلمة حق في اناس يحاولون فعلا ان يقوموا بشئ جميل من اجل مصلحة البلد وايضا من اجل ان يتركوا بصمة طيبة تذكر لانه لا يوجد من يخلد على اي كرسي
ارجوا ان اكون قد وضحت وفي النهاية هذه وجهة نظري وانا لا زلت ارى انه هناك الكثير من الممكن ان يتم ولكن يجب ان نتكاتف خلف الاشخاص الممثلين للشباب ونحاول توجيههم وهذا راينا وعلينا محاسبتهم في النهاية
اسف للاطالة

من طرف **الشيخ محمود** الثلاثاء 11 مارس 2008, 5:18 pm

فعلا بجد بس المهم الاخ الفاضل متاكد من الكلام ده
ولا .....................................................

من طرف **mr_4m** الأربعاء 12 مارس 2008, 1:25 pm

طيب خد دى يا استاذ

يوم الثلاثاء رحت العب فى النادى طبعا الاضائه هه الحمد لله

لاكن هى فين الكورة الكورة تكاد تكون بلاستك ولما طالبنا بكورة كويسة

قال المشرف انه كلم مجلس الادارة وقالوله اللى مش عاجبه يسيب الوقت

قولى بالله عليك ده رد

وشكرا

من طرف **mr_x900** الخميس 13 مارس 2008, 1:01 pm

ردا على الاخ اللى بيسأ ل عن الايجابيات فمن الواضح انه مش موجود فى البلد لان أى شخص فى البلد شايف بعنيه اللى حصل فى النادى من تطوير .

وياريت منبصش للانديه اللى برة ونبص للمركز كان أزاى قبل كدة وبقى ازاى دلوقتى
وأنا شايف انى المبنى الجديد من أفضل المبانى لمرتكز الشباب فى المنطقه ولو حضرتك مش متأكد ممكن نخليك تزور النادى وتدخل من جوة وتشوف التغير وانتا هتعرف ايه الفرق هتلاقى حاجات كتيرة هى اللى ممكن ترد عليك لان الكلام مش هينفع
وكمان أكيد انتى شوفت النادى قبل كدة كان ايه ودلوقتى بقه اية

وياريت قبل ما ننقض الاشياء ممكن نذكر الحسنات لان الحياة مش كلها انتقاض وخلاص

من طرف **mr_x900** الخميس 13 مارس 2008, 1:06 pm

يا جماعه مجلس الادارة فيه ناس بتشوف كلامك دة وبحطوة فى الاعتبار والله بجد

Crying or Very sad

من طرف **mohammed** الخميس 13 مارس 2008, 1:25 pm

يحول امر مستر فور ام لمجلس الادارة
وينظر للبحث عن كرة صالحة للعب واتخاذ اللازم
ايه رايك كدة يا مستر

من طرف **alielsokkary** الخميس 13 مارس 2008, 2:40 pm

الاستاذ/محمد المبنى الجديد مش من انجازات المجلس الحالى وانت عارف كدة كويس ودة
ثانيا النشاط الرياضى اللى انت بتقول علية ملحوظ انا شايف انة اقل كثير جدا من زمان واسأل البشمهندس حاتم والناي اللى شافت زمان واعتبر نفسى منهم

وانا شايف ان الانجاز الكبير للمركز هو القهاوى وتقسيم الملعب الى دويلات وحتى كمان ارضيتة زبالة مافيش حد فكر انة يصلح ارضيتة وكمان عاوزيين يبوظوة ويعملوا فية ملعب مفتوح علشان يأجر بالفلوس
طيب باللة عليكم دملو محتاجة ملعب مفتوح واية هو الفائدة منة الا الفلوس
وبعدين فكرة الملعب دى قديمة والمجالس اللى قبل كدة ما وافقوش عليها علشان يحافظوا على الملعب الكبير
والاستاذ/محمد قال ان فى اعضاء شباب فى المجلس واحب اقول انة لولا لائحة الانتخابات اللى وضعت شرط وجود اعضاء تحت السن ما كنتش لقيت اى عضو تحت الاربعين فى المجلس

والاخ/Mr
كاتب الموضوع انا سألتة سؤال اية هى الاجابيات اللى شايفها كل اللى قالة المبنى الجديد واظن انا وضحت لة انة مش انجاز للمجلس الحالى

واخيرا،
انا اسف لو كنت تطاولت او قسيت فى الحديث(حبى لهذا البلد هو ما جعلنى اكتب ليس اكثر والله على ما اقول شهيد)

من طرف **سميرالسيد** الخميس 13 مارس 2008, 7:04 pm

ملحوظة ياجماعة
الدنيا مش هتتغير فى يوم وليلة
وانا شايف ان الادارة الان
بتنهض فى جميع الأتجاهات
واكيد هيكون لسة فية ناس (قليلة)مش كويسين (فى الاسلوب والمعاملة والرد)
مدسوسة فى النادى
فيجب ان نقف بجوار الاصلاح عشان نعدى من الاحباط اللى شايف الناس فية
وشكرا

من طرف **omar20hatem** الجمعة 14 مارس 2008, 8:50 am

احب ان اوجه المشرف الى ماقاله العضو
محمد مصباح
فهو قال المشرف الرياضى قال له على الكورة اذا كان عاجبك واللى مش عاجبة يسيب الوقت
افضل أن تراجع العضو محمد مصباح والمشرف على الملعب ومن قال
هذا من المسؤولين
وهل هذا الكلام صحيح أم لا
وان كان صحيحا أصبحت مشكلة كبيرة وسنكبرها ونعمل منها مليون قضية
لأن هذا الاسلوب ان كان قد حدث فهو اسلوب رخيص
وان كان هناك لبس او سوء تخاطب اوتعبيرسىء
فيجب استبدالة عند الحديث مع
ابناء البلد
وانا اعلم جيدا مدى ما يصيب الكرة فى الملعب
واستهلاك عدد كبير من الكور ولذلك
يجب على المجلس استخدام الكرة المخصصة للكرة الخماسية
وهى بحجم اقل من الكرة العادية
ورخص فى اثمن
أو تخفيض قيمة اايجار للساعة بحيث يتحمل اللاعبون هم توفير الكرة لأنفسهم
وبذلك يخرج المجلس من
استهلاك الكور وسوء التعبير والحفاظ على اعضاءة وابناء بلده
ولا يدع المجلس من هب ودب يتكلم باسمه
وكأنها تكية

من طرف **سميرالسيد** الجمعة 14 مارس 2008, 4:46 pm

غريبة ان اسباب الخلاف والزعل*** بسبب كورة؟؟
طبعا الاسلوب مش كويس واحنا بنتكلم على الاسلوب فى المقام الاول.
لكن هو قال كدة لية عشان الكورة؟
كورة ياناس؟؟؟؟؟؟؟؟؟؟؟؟؟
نتمنى ان نتفاهم اكثر عشان نقدر نعمل شىء
ويمكن المنتدى دة يساعد النادى فى اشياء كثيرة؟

من طرف htmhm السبت 15 مارس 2008, 12:16 am

سكتنا كتير ولازم نكلم بئى شوية فضلنا ساكتين لحد ما كل حاجة هتروح خااااااااااااااااالص
المجلس الحالى ليس لة اى انجازات تذكر لا اسف نسيت انجاز كانو عاوزين يمنعو لعبة كرة اليد فى دملو السنة اللى فاتت واستخدموا اساليب عديدة لمحاولة احباط الفريق وزرع الاشواك فى طريقة ولكن الحمد لله كملنا
ضيف على هذا تدهور حالة ارضية الملعبين الداخلى والخارجى بصورة غاية فى السوء والقبح
وايضا عدم وجود كرة حتى الكرة مش موجودة والنبى ياجماعة نفسى حد يزور الملعب ويصور ارضيتة ويعرضها على الاعضاء والله لاتصلح نهائى
واللى زاد وغطى فوجئا باحد اعضاء مجلس الادارة بيقول لنا ان تمرين الجمعة بتاع اليد اتحدد لة ميعاد من 4 الى 5 بدلا من 6 طب والنبى فى تمرين مدتة ساعة بس
طب بالذمة مجلس غير قادر على احتواء تفاهات المشاكل هيحل المشاكل الكبيرة ازااااااااااااااااااااااااى؟؟؟؟؟؟؟؟؟؟؟؟
كفاية كدة مش لاقى انجازات تانى

من طرف **omar20hatem** السبت 15 مارس 2008, 7:09 am

وأين الكابتن ناصر حمدى
عضو المجلس
ولاعب وحكم كرة اليد
وراعيها الرئيسى فى المجلس
ولا هو فاتكم فى التيه لوحدكم يا أبوعلى

من طرف **mr_x900** السبت 15 مارس 2008, 6:45 pm

أحب أوجه أحترامى لكل الاعضاء اللى تفضلوا بالرد على هذا الموضوع

وأحب أرد على الباشمهندس انى الكابتن ناصر كان واقف بشدة جنب الفريق وربنا يعلم هو كان بيعمل ايه علشان النشاط يستمر فى النادى وممكن حدرتك تسأل أى شخص من الفريق عن كدة

من طرف htmhm السبت 15 مارس 2008, 7:09 pm

لالالالالالالالالالالالالالالالالالالالالالالالا
لولا وجود الكابتن ناصر فى مجلس الادارة لما استمرت لعبة كرة اليد وهذا الكلام انا قولتة قبل كدة
بصراحة بيبذل مع الفريق مجهود فوق المستحيل يحضر كل المباريات ويزيل العقبات ويجتمع بالفريق واللاعبين ويحفزهم

الكابتن ناصر حمدى هو

رئيس جمهورية كرة اليد بدملو

من طرف **mezo2010** الأحد 16 مارس 2008, 10:19 pm

يا جماعه مجلس الادارة فيه ناس بتشوف كلامك دة وبيحطوة فى الاعتبار والله
من منهم يا ME R 900

من طرف **omar20hatem** الإثنين 17 مارس 2008, 11:03 am

لا يضيع حق وراءه مطالب
ونشكر للكابتن ناصر حمدى مجهوداته فى الدفاع عن كرة اليد
واللهم اجعل للالعاب الا خرى نصيرا داخل مجلس الادارة
ووفقهم الى رفع شؤون المركز لأن
قاتل الشباب هو الفراغ

من طرف **Abo Dina** الثلاثاء 18 مارس 2008, 1:00 am

بأمانة الكابتن ناصر طول عمره همه الأول في مركز الشباب كرة اليد ولاعيبة كرة اليد
بس احنا عايزين نخرج من نطاق كرة اليد إلى باقي الأنشطة ، فإذا نظرنا إلى باقي الأنشطة فلن نجد أي تحرك وليس انجازا

من طرف **alielsokkary** الثلاثاء 18 مارس 2008, 3:29 pm

يالا يا عم اهم عملوا انجاز وبوظوا الملعب
حسبنا الله ونعم الوكيل

من طرف **Ibrahim Elsokkary** الثلاثاء 18 مارس 2008, 9:46 pm

السلام عليكم ورحمة الله
استفزني هذا الموضوع وقررت الرد عليه
وكنت قد اخذت موقفا سابقا بعدم التدخل في هذا الموضوع بالذات منعا للقيل والقال
اي انجازات تتحدث عنها يا كابتن ناصر
بالله عليك هل اتت صادق مع نفسك
عارف ايه الانجازات
انا اقولك يا سيدي
المجلس اول من شطب اكثر من 300 عضو كل ذنبهم انهم من الناحيه دكها زي ما بيقولو
وكنت انا واحد منهم مع كل اللي قدمتو للنادي
اتفصل عضويتي انا وناس افاضل اعطوا للنلدي كل حاجه وقت ان كان معظم اعضاء مجلس الاداره اطفالا

من طرف **Ibrahim Elsokkary** الثلاثاء 18 مارس 2008, 9:48 pm

المجلس الحالي اول من انشأ القهاوي والكافتيريات
لاعداد كوادر في الدومينو والطاوله و.........الباقى معروف

من طرف **Ibrahim Elsokkary** الثلاثاء 18 مارس 2008, 9:51 pm

تتكلمون عن كرة اليد
هل هم الذين انشأوها
ام كانت موجوده منذ زمن قديم
بل قل انها اللعبه الوحيده التي خرجت من المقصله
واحب ان اطمنكم انها في الطريق للالغاء

من طرف **Ibrahim Elsokkary** الثلاثاء 18 مارس 2008, 9:53 pm

اين الكره الطائره اللتي كانت تلعب في الدوري الممتاز
وكنا نري ونلاعب علي ارضنا فرق زي الجزيره والشمس والمحله والجيش
فين الكلام ده
فين الانجازات يا كابتن ناصر

من طرف **Ibrahim Elsokkary** الثلاثاء 18 مارس 2008, 10:03 pm

اين كرة القدم يا كابتن
وكنا نلعب في الدرجه الثانيه وكل لاالناس كانت مبسوطه ان لها فريق بيلعب علي مستوي محترم
حتي لما اتلغي اللعب في الدوري
كان عندنا فرؤيق ما كنش حد بقدر يكسبه في القليوبيه كلها
وكنا كل سنه اول مركز بنها
انا افتكر في سنه واحده خدنا 6 دورات متتاليه كلها بره ملعبنا
وكانت الناس في كل بلد تستنانا نلعب علشان يتمتعوا بالكره
واسأل الباشمهندس حاتم
الان ما فيش دورات لا بره ولا جوه
ويوم ما يشتركوا في اي مكان يطلعوا من اول ماتشين
عارف يا كابتن ناصر الدوره الرمضانيه اللي اتعملت بالصدفه دي
مين وصل النهائي
عزبة ابوحسن وحمدي حماد
فعلا انجاز رائع
يا راجل كرة القدم اصبحت لا تمارس في دملو الا يوم الجمعه عن طريق مجموعه من كبار السن والمعتزلين
وتقولي انجازات

من طرف **Ibrahim Elsokkary** الثلاثاء 18 مارس 2008, 10:08 pm

اين الرحلات
والمجلات الثقافيه والانشطه
اين المعسكرات الصيفيه والترفيه
اين المسابقات الثقافيه والدينيه والرياضيه في الشهر الكريم وغيره
اين الندوات الدينيه والافطار المجمع ومسابقات القرأن الكريم
اين الحفلات والمسرحيات
فعلا عدم وجودها هو ده الانجاز

من طرف **Ibrahim Elsokkary** الثلاثاء 18 مارس 2008, 10:12 pm

المبني الجديد
هو ده الانجاز؟
انا معاك انو انجاز
بس انت تعلم والكل يعلم انه ليس لاحد الفضل فيه الا المجلس القديم
فالقرار صدر في عهده ولا تملكون انتم عدم التنفيز فهل هذا انجاز لكم ام لهم
اديني اسم فرد واحد كا السبب في قرار المبني الجديد
وبلاش مغالطات

من طرف **Ibrahim Elsokkary** الثلاثاء 18 مارس 2008, 10:17 pm

المجلس القديم اللي بتتكلم عنه يا كابتن
هو اللي عمل دخل ثابت للنادي
من ملعب داخلي مضاء وانت تعلم ايراده السنوي كام
واللي للاسف لم تزودوه بكشاف واحد لزيادة الاناره
صالة الافراح التي كانت تدخل للنادي ايراد كبير
عملتو فيها ايه ممكن نعرف ؟
المحلات الموجوده حاليا من انشأها ومن ترك لكم تكملتها
هل انجزتم فيها اي شيء ؟
انت ممكن تتكلم براحتك عن اي حاجه الا ان انت تقارن

من طرف **Ibrahim Elsokkary** الثلاثاء 18 مارس 2008, 10:23 pm

الجريمه اللي عايزين تعملوها وتخربوا الملعب الكبير اللي هو اغلي حاجه في النادي
اللي الناس ردمت البركه علي راسهم علشان يبقي عندنا ملعب يميزنا عن اي بلد
عايزين تخربه
ليه؟
حد يقوللي
علشان يتقال انكم عملتو ملعب مفتوح
يا سيدي مش عايزين
الناس كلها بتفكر للمستقبل وانتو بتبصوا تحت رجليكم
وياريت بتبصو اصلا
لان لو فعلا في تفكير في مصلحة البلد ما كنش ده ها يحصل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

من طرف **Ibrahim Elsokkary** الثلاثاء 18 مارس 2008, 10:30 pm

رسائل قصيره

الاخ الشاعر الاستاذ محمد مع احترامي الكامل لشخصك العزيز
اقدر اعرف انت بترد عن مجلس الاداره لماذا
اترك الامر لهم فهم اجدر بالرد
علي حد علمي ان النادي دلوقتي فيه كمبيوتر
والناس ممكن ترد بنفسها

الاخ العزيز حاتم ابو العزم
انت تعلم يقينا صحة كل كلمه اكتبها
ارجوك كف عن السياسه في الكلام وشارك برايك

الكابتن ناصر حمدي
اتكلم عن انجازاتك براحتك
دون ان تتكلم عن الاخرين
والكل يعلم انجازاتك وانجازاتهم

الاخ علي السكري
سيبك من الموضوع ده والنبي
واتركهم يخربون فلا انا ولا انت يهمنا ملعب ولا نادي ولا غيره

الاخ حسن طارق

احييك علي قوة رأيك وعدم تأثرك بما يكتب فأنت عقليه تعرف مايدور حولها جيدا

الاخ حمدي ناصر حمدي
ما تزعلشي مني انا ما اقصدش اهاجم والدك
انا بهاجم نظام

الاخوه الاعضاء
انا اسف بشده اذا كنت خرجت عن حدود اللباقه في الكلام
ولكني لم ولن اخرج عن حدود الادب

شكرا لسعة صدركم

من طرف **omar20hatem** الأربعاء 19 مارس 2008, 6:44 am

Ibrahim Elsokkary كتب:رسائل قصيره

الاخ العزيز حاتم ابو العزم
انت تعلم يقينا صحة كل كلمه اكتبها
ارجوك كف عن السياسه في الكلام وشارك برايك

الاخوه الاعضاء
انا اسف بشده اذا كنت خرجت عن حدود اللباقه في الكلام
ولكني لم ولن اخرج عن حدود الادب

شكرا لسعة صدركم

نعم أنا أعلميقينا صحة ما تقول
وأعلم يقينا صحة أشياء أخرى بعد ما تقول
ولا أعلم شيئا عن السياسة
لأنى لو كنت بفهم فيها
كنت نجحت فى انتخابات النادى
اللى أنا سقطت فيها وما تنساش دى
أنا ما بفهمش فى السياسة
وأشارك برأيى والحمد لله
ولكنى عادة لا أخبط رأسى فى الحائط
أقول ما أعلم أنه سينفع وينفذ
فرئيس الجمهورية يعرف المثالية وكذلك رئيس الوزراء وكذلك أعضاء مجالس الإدارات
ولكن مدى امكانيات تطبيق المثالية تتوقف على
امكانيات
قوانين فعاله
مرونه
قيادة واعية
الواحد ما يعرفش يقول كلمتين ينفعوا
كله كلام سياسة
المهم
أشكرك على رأيك الصريح
وإن كنت أغفلت مجهودات أناس بذلوا كثيرا لخروج المبنى بهذا الشكل
واغفلت دور الشاعر وحمدى ناصر فى البحث والتقصى والوصول
للمجلس عنوة واحضار لنا آراء ومناقشات
بدلا من نخبط دماغنا فى الحيطة ونقعد نكلم بعض وخلاص
فشكرا للشاعر وشكرا لحمدى ناصر
وشكرا لكل من ساهم وسيساهم فى الدفاع عن بلدتنا وعن أبنائها
كانوا صالحين أو طالحين
ظالمين أو مظلومين
والحديث الشريف محفوظ لنا جميعا

من طرف **mohammed** الأربعاء 19 مارس 2008, 9:25 am

عزيزي الباشمهندس ابراهيم
انا ذكرت فيما مضى انني لست محسوبا على اي من مجالس الادارات سواء السابقة او الحالية
ولكني تشرفت بالعمل مع المجلسين السابق والحالي وان كنت لا تعلم فاسال والدك وسيخبرك ماذا كنا نفعل ونريد ان نفعل
انا والاستاذ احمد ربيع والمرحوم باذن الله صلاح عبد الوهاب ربيع
وان كنت قد تدخلت في هذا الموضوع فقد طلب مني ذلك اخوك الاستاذ على وكذلك الباشمهندس حاتم ولم افرض نفسي
ولم اقارن بين اي مجالس وحاول تراجع كلامي من البداية حتى تعرف ماذا قلت
وفي النهاية احب ان اشكرك وابلغك اني لن اتدخل في اي امر يخص مركز الشباب او حتى باب الرياضة عامة اذا كان هذا يرضيك
وتحياتي وشكري للجميع واسف ان كنت قد اغضبت احد بقصد او دون قصد

من طرف **mr_x900** الخميس 20 مارس 2008, 4:30 pm

أنا بشكر الباشمهندس أبراهيم

وشكرا جدا على رايك ...........وهو دة المطلوب من الناس ان يتكلموا مش عايزين حد يسكت على الحق اللى شايفه يمكن الناس اللى حوليه مش شايفينه

وشكرا تانى على المشاركه

@الاختلاف فى الرأى لايفسد للود قضيه @

من طرف **omar20hatem** الجمعة 21 مارس 2008, 12:59 pm

شكرا يا حمدى على صدرك الرحب
ووعيك المرتفع
لقضايا شائكة

من طرف **mezo2010** الجمعة 21 مارس 2008, 6:30 pm

انا هتكلم بس مش عاوز حد يزعل من الاول مااااااااااشي
انا شايف المهندس ابراهيم متعصب شويه
وحده وحده يا ريس
مش كل حاجه هتتاخد افش
المجلس السابق المجلس الاسبق المجلس الحالي
كل مجلس بنتكلم عليه شويه وبعد كده نطلع العيوب
ماشي كل مجلس له انجازاته
وانكسارته
ولازم نعرف ان ده مش نادي ده مركز شباب وله امكنيات محدوده
المهم علشان الكلام ميتفهمش غلاط انا واول واحد كتب لكم موضوع الملعب الجديد
ونبهتكم له يعني المصلحه العامه قبل اي شىء
وعلى العموم اللى ايدوه في الميه مش زي اللى فى النار
اكيد كل واحد من بيبص للمصلحه العامه في النهايه
ممكن اخد قرار صح و100 غلاط
مااااااااااااااااااشي
المهم في النهايه مصلحة البلد وبلاش نتكلم على نغمه وحده وهى رايي صح والباقي غلاط الكلام للكل اعضاء المنتدى وكذالك مركز الشباب وبلاش نتهم بعض بمصلحيه وحب الظهور بدل الامر ما يخرج عن نطاق الاسره الوحده اللى احنا فيها
وتقبلوا تحياتي

من طرف **mr_x900** الجمعة 21 مارس 2008, 11:32 pm

شكرا جدا على الرد بتاعك وبشكرك على تفكيرك المتحضر

من طرف **abu rabia** السبت 29 مارس 2008, 4:23 pm

Ibrahim Elsokkary كتب:رسائل قصيره

الاخ علي السكري
سيبك من الموضوع ده والنبي
واتركهم يخربون فلا انا ولا انت يهمنا ملعب ولا نادي ولا غيره

الاخ حسن طارق

احييك علي قوة رأيك وعدم تأثرك بما يكتب فأنت عقليه تعرف مايدور حولها جيدا

الاخوه الاعضاء
انا اسف بشده اذا كنت خرجت عن حدود اللباقه في الكلام
ولكني لم ولن اخرج عن حدود الادب

شكرا لسعة صدركم

شئ راااااااااااااااااااااائع جدا جدا
واسلوب ممتاز جدا جدا جدا في
المناقشة
طالما موافقنى في الرأي تبقي انسان كويس
وتشكر وشخصيتك قوية ومحدش بيأثر عليك

طالما مختلف معايا تبقي بتاع سياسة ومش فاهم
حاجة او مجامل

والأهم من ده كله بعد المحاضرة دي كلها
تقول ان سعادتك ما يهمكش ملعب ولا نادي
ولا غيره .....هذه اعلي درجات ثقافة الحوار

لا والجميل جدا ان الاخ محمد يقول انا مش هدخل
علي باب الرياضة من اساسه لو ده هو اللي يرضي
الباشمهندس ابراهيم
والأخ ميزو يطبطب عليه ويقوله انت متعصب شوية

بصراحة يا جماعة مناقشة رائعة تثبت ان التعليم في مصر

حتي علي اعلي مستوياته بيخرج ناس ممتازة ومثقفة وفاهمين

يعني ايه ثقافة الحوار
الله ينور عليكم كلكم شباب واعي مثقف فاهم

الله يكون في عونك يا مصر

اما حكاية ( لم ولن ...) دي بقي لوحدها عايزة موضوع

من طرف **cabo** السبت 29 مارس 2008, 11:26 pm

المهندس ابوربيع
كلامك فية شوية غموض
لية
الباشمهندس ابراهيم
انت بتكلم نلس ميقدروش يرجعو القرار اللى خدوة
حتى لو اكتشفو انة خطأ

من طرف **abu rabia** الإثنين 31 مارس 2008, 1:23 pm

الكلام لا فيه غموض ولا حاجة يا أخ كابو
أنا من الآخر بتحسر علي حال التعليم في مصر
انا بتحسر علي اسلوب الحوار واسلوب التعبير عن الرأي
وخد بالك يا أخ كابو اللي بيتكلم مين ...

أخ فاضل خريج هندسة وأخ فاضل طالب في كلية الهندسة
وأخ فاضل خريج كلية سياحة وفنادق وأخ فاضل خريج كلية
التربية قسم تكنولوجيا تعليم وكلهم مشرفين في المنتدي.

والشيئ الجميل ان حضرتك كمان بتتكلم عن الناس اللي ما بيقدروش
يرجعوا في قراراتهم وكأنك تعرفهم تمام المعرفة وهذا يدل علي
صحة كلامي

تاني مش هقول غير نفس الكلمة

الله يكون في عونك يا مصر

من طرف **mezo2010** الإثنين 31 مارس 2008, 7:10 pm

mezo2010 كتب:
انا هتكلم بس مش عاوز حد يزعل من الاول مااااااااااشي
انا شايف المهندس ابراهيم متعصب شويه
وحده وحده يا ريس
مش كل حاجه هتتاخد افش
المجلس السابق المجلس الاسبق المجلس الحالي
كل مجلس بنتكلم عليه شويه وبعد كده نطلع العيوب
ماشي كل مجلس له انجازاته
وانكسارته
ولازم نعرف ان ده مش نادي ده مركز شباب وله امكنيات محدوده
المهم علشان الكلام ميتفهمش غلاط انا واول واحد كتب لكم موضوع الملعب الجديد
ونبهتكم له يعني المصلحه العامه قبل اي شىء
وعلى العموم اللى ايدوه في الميه مش زي اللى فى النار
اكيد كل واحد من بيبص للمصلحه العامه في النهايه
ممكن اخد قرار صح و100 غلاط
مااااااااااااااااااشي
المهم في النهايه مصلحة البلد وبلاش نتكلم على نغمه وحده وهى رايي صح والباقي غلاط الكلام للكل اعضاء المنتدى وكذالك مركز الشباب وبلاش نتهم بعض بمصلحيه وحب الظهور بدل الامر ما يخرج عن نطاق الاسره الوحده اللى احنا فيها
وتقبلوا تحياتي

ده الكلام اللى انا قلته
يا بااااشمهندس

يا ريت يا بشمهندس
نشوف رأيك
انت اه
الاخوه المشرفين بتكلموا
وانت سبت الموضوع
وتكلمت عن ردود المشرفين
والكليات ومش عارف ليه الكليات
لو الكليات دي بتخرج ناس لا يعرفون ازاي يتناقشوا
من الافضل انها تقفل
ونشوف اه الكليات اللى ممكن تعلم الناس الحوار الهادف والمفيد
زكيفيت ادارته
ونخليها هى بي
وعلى العموم
انا فخور جدا بكليتي
السياحه والفنادق
والحمدلله بعرف ازاي اتناقش مع الناس
واعمل كل شخص على قد عقله
واكيد فكرة
والحمد لله

الله يكون فى عونك يا دملو

من طرف **abu rabia** الإثنين 31 مارس 2008, 9:44 pm

اه نسيب بقي الموضوع الاساسي يا استاذ محمد
ونخش في مواضيع تانية وتاخد انت الموضوع
علي نفسك وتزعل
انا يا محمد باشا قصدي من اسلوب الحوار هو اللي انا
قلته بالضبط وهو انك رديت كويس جدا علي الموضوع
بس بتقول ان المهندس ابراهيم متعصب شوية وكانك خايف تزعله
وهو ولا همه زعل حد من أساسه قعد يكتب ويقول وفي النهاية هو اللي انقمص
وزعل وموضوع الكليات ده يا محمد انا قصدي به اني استفزكم مش اكتر
وافهمك يا ميزو باشا انكم اعلي مستوي تعليم في مصر
اما عن رأيي في الموضوع فانا هقوله للي عايز يسمعه
وطبعا مش هكتبه هنا علشان يطلع حد يقولي انت امتي اساسا كنت بتروح النادي
وانت عارف بقي يا محمد باشا لو حد قالها انا هازعل وبصراحة انا عارف
ان كتير ممكن يقولوها
فخليني بعيد احسن عن الموضوع نفسه ...لكن تعليقي هنا عن الاسلوب
الاسلوب يا محمد مش أكتر

من طرف **mezo2010** الثلاثاء 01 أبريل 2008, 12:54 pm

مشكور يا باشا
وشكرا على الايضاح
وبعدين من يقدر يقول انت امت رحت النادي
دا اشهر عمل في النادي انت اساس المشاركين فيه
والكل ضبعا عارف
ان المسرحيه عملت اللى معملهوش اي فريق في النادي
والدليل ان الكل بعدها كان بيقول احنا معكم لو في عمل تاني
وشكرا مره تنيه
والتاريخ عمرة ما بيذيف
والحمدلله ان متسجل
وسجل يا زمان

من طرف **mr_4m** الأربعاء 02 أبريل 2008, 1:18 am

فيه انجاز كمان

الحمد لله الملعب

باظ

يعنى حتى اليوم اليتيم اللى الناس كانت بتلعب فيه

يوم الجمعه خلاص بحححححححح

من طرف **mohammed** الأربعاء 02 أبريل 2008, 10:09 am

الهمة معانا يا مستر
تكلم لنا قرايبك ويدونا الحتة اللي داخلة في الملعب
علشان ما يبقاش بححححححححححححح
ييييييييييييه اسف انا قلت مش هدخل هنا تاني
اللي يقرا ما يعلقش على كلامي

من طرف **alielsokkary** الأربعاء 02 أبريل 2008, 1:29 pm

واللة مافيش فايدة

من طرف **الشيخ محمود** الخميس 03 أبريل 2008, 8:50 am

انا شايف ان الموضوع بقى شخصى
مش مصلحة بلد
ولا اه

من طرف **mr_x900** الجمعة 04 أبريل 2008, 11:50 am

لا أنا مش معاك يا شيخ
الموضوع يهم البلد كلها وبكرة كلامى دة كل الناس هتشوفه