استفسارات

كنت أتابع أحد مباريات اليد لمنتخب مصر في التليفزيون ومعي زوجتي
وكان المنتخب (كالعادة في الفترة الأخيرة ) مهزوما واحتسب الحكم فاول
مهاجم علي منتخب مصر ففوجئت بزوجتي تشتم الحكم (الضلالي زي
ما هي قالت ) وسألتني :- هو ليه حسب علينا فاول فرددت عليه طبعا
بأي كلام وطبعا هي صدقتني وحيث أن بافهم في كل حاجة ( من وجهة نظرها طبعا )
فقد سالتني عدة اسئلة :-
هو الحكم بيحسب فول المهاجم دي امتي ؟؟
وبعدين هو ليه بيبقي فيه حكمين في الملعب أساسا ؟؟
طيب فرضا ان الحكمين اختلفوا واحد شاور كده وواحد شاور كده ( طبعا المشرف
اكيد شايفني وأنا بشاور وهيفهم ) كلام مين اللي يمشي ؟؟
هي الكرة دي تقيلة ؟؟ أصلها بتيجي في وشهم وما بيحصلهمش حاجة ؟؟
طيب هما ليه بيوقفوا الساعة ساعات ؟؟ كوسة يعني ؟؟


وشوية اسئلة تانية كتير وطبعا أنا قعدت أكح ومش عارف اقولها ايه
بس طبعا انا خلعت وقلت لها إني شكلي كده جالي برد و الكحة دي مش
طبيعية تفتكري ده برد ؟؟ ولا كحة كده يعني وهتروح لوحدها ؟؟
وقعدت ارغي لغاية لما نسيتها الموضوع

وطبعا انت ما ترضاش يبقي شكلي وحش
فيا ريت تفهمنا بقي كل حاجة عن كرة اليد بتاعتكم دي
وترد علي الاسئلة بالراحة كده
علشان ما اتفضحش وأطلع مش عارف حاجة

وواحدة واحدة الله يسترك علشان نفهم

معلش يا هندسة
امسحا فينا دى

ولكن مع باب كرة اليد الدملوية


لا
حرج بعد اليوم