الشعارموضوع محتاج للتعليقات لأهميته

من طرف **omar20hatem** الخميس 06 ديسمبر 2007, 11:43 am

الشعار موضوع مهم
وقد استعنت بأفكار الأعضاء وعرضت الفكرة
على الفنان الفاضل
الأستاذ / عبدالباسط عبدالباسط الشاويش
وقد أهدانا فكرته تلك
ونشكر بالذكر الفاضل / على السيد على السكرى
صاحب الفكرة
لكى يعطى كل ذى حق حقه
والأن أريد منكم التعليقات على الشعار وخصزصا منتظرين رأى
صاحب الفكرة
والرئيس

من طرف **mohammed** الخميس 06 ديسمبر 2007, 1:56 pm

ايوة جميل يا باشمهندس بس لازم نعرف معنى الشعار
النجوم الخمسة انا عارفهم الباقي بقى ايه
فاهمني طبعا ياهندسة

من طرف **alielsokkary** الخميس 06 ديسمبر 2007, 2:11 pm

جميل جدا جدا جدا جدا
وشكرا يا باش مهندس على الاهتمام
وشكر خاص جدا للفنان الجميل الاستاذ\ عبد الباسط
بس يا ريت زى ما قال محمد نشرح كل شئ فى الرسم وما يدل علية
وشكرا ثانية لهذا المجهود الرائع

من طرف **alielsokkary** الخميس 06 ديسمبر 2007, 2:13 pm

من طرف **Abo Dina** الخميس 06 ديسمبر 2007, 2:34 pm

الشعار جميل جدا وفي رأيى مش محتاج تعديل
المهم الكل يفهم معناه من المصدر
ومشكور الأستاذ عبد الباسط على المجهود الرائع
مع أنه مش كتير عليه

من طرف **omar20hatem** الخميس 06 ديسمبر 2007, 5:52 pm

لقد شرح لى كل شىء وهى أشياء كثيرة جدا ولنظرا لعدم الإختلاط
سأصنع معه حوارا كاملا عن الشعار ونظرته للقرية وساعرضه عليكم
وهو يهدى سلاما كبيرا لكل الأعضاء بالموقع ويخص بالذكر
الأستاذ سمير السيد شعلان فهو صديقة
والأستاذ على السيد على صاحب الفكرة
ويحسدكم على الموقع

من طرف **سميرالسيد** الخميس 06 ديسمبر 2007, 9:41 pm

لة منا ألف سلام..وأنا بعتز بصداقتة وبمعرفتى بالاسرة الكريمة......
وأنا أول ماشفت الشعار فقرتة جاى من (المحافظة)
لانة فعلا تمـــــــــــــــــــــــــــــــــــــــــــام
مش عايز اى تعديل

من طرف **omar20hatem** الجمعة 07 ديسمبر 2007, 5:10 pm

الشعارموضوع محتاج للتعليقات لأهميته Damalome7

الأستاذ / عبدا لباسط عبدا لباسط الجاويش

كلية التربية الفنية 1994 م بتقدير عام جيد جدا

متزوج ويعول ((( أبو زياد )))

تقابلت مع الفاضل الأستاذ الفنان / عبدا لباسط ودار معه الحوار التالي حول الشعار:

------- الشعار فكرة ما رأيك بها ؟

******* فكرة رائعة وجذبتني كثيرا وأشكر من كل قلبي من تنبه إليها وفكر فيها فقريتنا تستحق الكثير.

------- هناك رموز كثيرة وجميلة في الشعار هل لها معاني مختلفة أم هي مجرد تكوينات تجمعت فأعطت الصورة

الجميلة التي رأيناها ؟

****** بالعكس تمام الرموز وضعت عن قصد لتقدم ثورة كاملة المعاني عن قرية تعج بالعلماء والمثقفين والناس

الطيبين

------- دعنا نبحر جديا في معاني الرموز التي شوقتنا لمعرفتها حتى يتسنى لكل دملوى أن يتباهى بقريته ,إلى ماذا

ترمز بالنجوم ولماذا خمسة نجوم ؟

****** عندما تنظر إلى الشعار فإنه يحتاج بأن نغلق هذه المساحة بشيء له مدلول سامي وفعال وقد فكرت بداية

بالشمس ولكنى رأيت أن النجوم أدل لأنها ستعطى مفعول الشمس وكونها ستضيف شيئا أفضل مقصود وهو

الرمز السياحي المشهور (( خمس نجوم )) فقريتنا ليست قرية عادية وإنما قرية نموذجية ولهذا أيضا أضيف

بأن المباني الموجودة أيضا هي ليست قديمة (( عشش )) ولكنها حديثة تدل أكثر الحضارة وعلى ما أسلفته

سابقا.

------ ماذا تقصد بغصني الزيتون ؟

****** القدرة والنماء كما أننا بلد زراعي وأغصان الزيتون تعكس حقيقة طبيعة أهلنا الناس الطيبين المسامحين وهم

غالبية أهل هذه القرية العظيمة .

------- ماذا تقصد بالمصحف الشريف و((الريشة والدواية)) والصفحة المطوية القديمة ؟

****** إن دملو تشتهر بالكتاتيب ومشاهير قراء القرآن الكريم ونحن مدينون جميعا لهم بالفضل ووجب علينا

أن نتطرق إليهم باهتمام بالغ لأن ذلك حقهم, والريشة والدواية لأننا نملك كقرية ذخيرة من العلماء والمثقفين

والصفحة المطوية القديمة تحمل لنا الحضارة القديمة وأصالة قريتنا وكونها موجودة ونحتفظ بها ونكتب

عليها شعارنا فهذا كله جمع بين الأصالة والتطوير.

------- ماذا تقصد بالطيور والنيل والنخيل ؟

****** الطيور ترمز لوجود واستمرار الحياة, والنيل رمز الخير والعطاء ونحن قريتنا على النيل وتنبض بها الحياة

أما النخيل فلها حكاية قديمة فزمان كان من يأتي إلى دملو من المدينة يميزها أول ما يميزها بنخاــــــــتى

أبوطاحون وهذا الأصل في الفكرة , أما وضعهم على الجانبين بجوار المنازل حتى تدل على الحياة حتى لا

يتطرق لذهن المشاهد للشعار أنها بيوت متحجرة بل هي نابضة بالحياة.

وفى النهاية هل تريد أن تضيف شيئا لم نتطرق إليه ؟

أحب أن أشكر القائمين على الموقع والمشاركين فيه والأعضاء

وأشكر كلا من عقب وعلق على الشعار

وأرحب بكل نقض بناء للشعار

فأنا لايرضينى الإطراء بقدر مايرضينى النقض البناء

وشكرا لصاحب الفكرة والرئيس الغالي للموقع (( أبودسوقى ))

أجرى الحوار (( omar20hatem ))

من طرف **سميرالسيد** الجمعة 07 ديسمبر 2007, 9:37 pm

هو كويس مثل ما ذكرت سابقا
لكن لو عايزين تكترو من الرموز بقول ممكن نحط
مأزنة دليل على كثرة المساجد.....
والمدخنة بتاع المصنع ...دليل على النشاط الصناعى..
وعلى فكرة اصغر طفل شغال فى المصنع بيقبض فاليوم (15)جنية يعنى 450فالشهر...
يعنى محدش يستهتر فى المصنع فأنا أعتز ان مشروع ذى دة فالبلد

من طرف **محمد شعلان** الجمعة 07 ديسمبر 2007, 9:37 pm

برافو يا فنان ومشكور علي الفن الجميل ده

من طرف mokhtar الجمعة 07 ديسمبر 2007, 10:57 pm

الف شكر يا فنان جمهورية دملو علي المجهود العظيم
بصراح الشعار جميل جدا جدا
طبعا كلنا نعرف ان حضرتك مبدع وليس بجديد عليك انتاج كل ما هو جميل
سلامي للاستاذ رأفت عبد الباسط

من طرف **alielsokkary** السبت 08 ديسمبر 2007, 9:10 am

شكرا لصاحب الحوار الجميل

من طرف **mohammed** السبت 08 ديسمبر 2007, 9:15 am

الله ينور عليك يا فنان وعليك يا هندسة
هو ده الشغل
وحلوة حكاية نخلة ابو طاحون علشان الناس الصغيرة ما تعرفش بس هما فين لانهم اتقطعوا

من طرف **omar20hatem** الأحد 09 ديسمبر 2007, 7:16 am

الشعارموضوع محتاج للتعليقات لأهميته 15751611

https://i.servimg.com/u/f24/11/68/99/32/15751611.jpgالشعار بصورة نسبيا واضحة

من طرف **Admin** الأحد 09 ديسمبر 2007, 10:48 am

الشعار اكتر من رائع وانا بقترح اننا نعلق الشعار ده على المشبانى الرسميه بالقريه زى مركز الشباب والمدارس والمعاهد يعنى يكون علم للبلد

من طرف **Ibrahim Elsokkary** الأحد 09 ديسمبر 2007, 10:52 am

الشعار ممتاز وتحياتي الي الاستاذ الفنان عبدالباسط الجاويش
ولكن
لا يوجد اي مئذنة مسجد
بالرغم من ان قريتنا بها اكثر من 17 مسجد علي الرغم من صغر حجمها
فاو ان المياني الخلفيه احتوت علي مئذنتين يمينا و يسارا
لكان اكثر من ممتاز

من طرف **Ibrahim Elsokkary** الأحد 09 ديسمبر 2007, 10:58 am

كمان فيه حاجه مهمه
الشعار
دملو بلد العلم والايمان
الافضل ان نقول
بلد العلم والقرآن

تسلم ايدك يا فنان

من طرف **سميرالسيد** الأحد 09 ديسمبر 2007, 1:29 pm

سؤال يفرض نفسة
هل من الممكن تعديل الشعار ام انها اراء فقط
هو جميل عموما

من طرف **alielsokkary** الأحد 09 ديسمبر 2007, 4:29 pm

يا جماعة فعلا لازم يكون فى مأذنة ممكن بعد تذن الفنان نكتفى بنخلة واحدة ونضع مأذنة مكان الثانية ولتكن اللى على اليمين
بارك اللة فيكم

من طرف **omar20hatem** الأحد 09 ديسمبر 2007, 8:17 pm

الشعار قابل للتعديل
وهذا طلب الفنان الجميل ابوزياد
ولكن منتظرين الانتهاء من كل التعليقات للاستفادة
والتعليقات مفتوحة حتى اجازة العيد
وكل سنة وانتم طيبين

من طرف **سميرالسيد** الأحد 09 ديسمبر 2007, 11:41 pm

المأذنة يمين و..........المدخنة شمال
عشان الايمان و.............العمل(الصناعة)وشكرا

من طرف الخليفه الإثنين 10 ديسمبر 2007, 1:11 am

مشكور وجيد جدا

السلام عليكم ورحمة الله وبركاته

رغم انني لست من هذه القرية لكن لي مساهمة من واقع المعلومات التي لدي مم خلال مهندس حاتم ومن خلال آراء السادة الذين قاموا بالتعليق. أولا أنا أؤيد تماما الآراء الخاصة بوضع مئذنة وكذلك للرأي الخاص بتغيير الجملة بلد العلم والإيمان إلى بلد العلم والقرآن. وأحب أن اضيف إلى ذلك ان يكون المصحف في أعلى الصورة وليس أسفلها تقديسا لمكانته وعلى اساس انه منبع العلم الذي يفيض على القرية. وبصفة عامة هذا الشعار فن جميل وجهد مشكور من الأستاذ عبدالباسط وبارك الله فيه.
مع تحياتي م.عبدالله حسن

من طرف **Ibrahim Elsokkary** الإثنين 10 ديسمبر 2007, 8:26 am

يا جماعه الراجل ده اكيد مش منوفي
دا كل موافقاته كانت علي اقتراحاتي في الشعار

ما فيناش من زعل

من طرف mokhtar الإثنين 10 ديسمبر 2007, 9:03 am

كل الاحترم والتقدير للمنوفي عبدالله
كل الاحترام والتقدير للمهندس حاتم
شكرا خاص جدا جدا للاستاذ عبد الباسط علي الشعار الجميل

من طرف **alielsokkary** الإثنين 10 ديسمبر 2007, 9:09 am

وصاحب الفكرة يا مخ

من طرف **alielsokkary** الإثنين 10 ديسمبر 2007, 9:09 am

وصاحب الفكرة يا مخ

من طرف mokhtar الإثنين 10 ديسمبر 2007, 11:02 am

اكيد طبعا ياعلوه
الله ينورعلي فكرتك الحلوه
وعايزينك كده تقلب في الزكريات وتقول علي المواقف الي حضرتها
لابومي وابو فاطمه وقول الي في نفسك
هنعمل بابا مخصوص نوادر ابومي وابو فاطمه
الحجات الي نعرفها انا وانت والحاج محمد شعلان وهما طبعا
طبعا انت فاكرها كلها

من طرف **alielsokkary** الأربعاء 12 ديسمبر 2007, 1:45 pm

يا باش مهندس هل نقلت الاقتراحات للاستاذ عبد الباسط وهل قام بالتعديل وبعد ما ينتهى عاوزين نطبعة ونوزعة فى البلد

من طرف **omar20hatem** الخميس 13 ديسمبر 2007, 3:17 pm

للعلم ولكل الناس
سمح للجميع للنقد والاطناب
وبعد أذن الجميع
لقد طبعت الموضوع كاملا
ليتم عرضة على الاستاذ عبد الباسط
وله الرأى الأول والأخير للحكم على تعليقاتكم بدون أى تدخل منى والله
ولسه ما قابلتوش
بمعنى أدق لا قيود على الفنان
وله مطلق الصلاحية فى القبول بالتعديل أو الرفض
وشكرا للجميع على مجهوداتهم
وسيتم اظهار الشكل الجديد حسب ما يقرره الفنان وشكرا للجميع
وشكراية صغيرة ليك
يا صاحب الفكرة

من طرف **alielsokkary** الخميس 13 ديسمبر 2007, 4:15 pm

ونحن فى الانتظار وكما قلت نطبعة ونوزعة على الناس فى البلد

من طرف زائر الجمعة 14 ديسمبر 2007, 2:53 pm

أرجو في البداية إن السيد المشرف المحترم جدا (وبالمناسبة أنا مش عارف هو مين لسه)إنه مايعتبرش الرد ده خارج عن الموضوع...
طبعا يا جماعة الشعار جميل جدا وفكرته جميلة ورائعة (وأنا بحيي صديقي القديم ا/ عبدالباسط عليها) وكل فكرة هي ملك لصاحبها وكل إبداع هو نتاج فكر واحساس ورأيي إن مش من حق حد إنه يغير فيها لكن...إذا تعلق الأمر بشعار أو علم لمكان أو لبلد فأنا شايف إننا نعلن عن الموضوع يمكن يكون فيه أفكار تانية ونسيب كل واحد يعبر عن فكرته بنفسه وفي النهاية يكون فيه استفتاء يشارك فيه الجميع وأعتقد إن دي فكرة ممكن تخلينا نكتشف فنانين ومبدعين كتير لأن كل واحد ممكن يكون جواه فنان لكن محتاج لشئ يخليه يكتشف ده
وفيه مقولة بتقول إن الفنان "هو كل من يحس بالجمال ويشعر به والمبدع هو كل من يستطيع أن يجعل الناس يرون ما يراه هو"
وكنا زمان عنده درس في الرسم عن ابتكار شعار للمدرسة وبصراحة أنا كنت متخيل إن مفيش حد بيعرف يرسم فينا لكن لقيت شعارت في منتهي الجمال وأهم حاجه فيها إنها نتاج طلبة المدرسة نفسهم يعني كل واحد بيرسم زي ماهو حاسس

من طرف **so close** السبت 22 ديسمبر 2007, 3:11 pm

ابو ربيع كلامك كويس جدا جدا

بس هو فى حاجه صغيره

قاعده بتقول الممارس يغلب الفارس

يعنى لما يكون واحد متمرس فى عمل شعارات او ده شغله واكل عيشه اكيد هيعملها احسن مننا
اللى ممكن نعمله اننا فعلا نقوله افكار وهو اكيد هيوظفها صح

لايمانى الشديد بموهبته
ومعتقدشى فى حد فى المنتدى كلو عارفه اكتر منى
اقصد فى البلد كلها
هههههههههههههه

وبينى وبينكو محدش هيعرف يعمل اللى بيعملو مع احترامى الشديد لاى مبدع

ده ميمنعشى ان اى واحد فينا يفكر ويعمل وبرده لو عجبتنا حاجه فيه نجمع كل اللى عايزينه فى حاجه واحده يعملهالنا الاستاذ عبد الباسط

وفى كلمه معجبتنيش برده كلمه " نتاج طلبه المدرسه نفسهم "

اكيد يا جماعه الراجل ده معانا فى المدرسه Smile

من طرف زائر الإثنين 24 ديسمبر 2007, 12:16 pm

كلامك كويس وأنا قصدي كدة برضه ...يعني فيه فرسان كتير ممكن ينافسوا بعض في نفس الموضوع ومنهم علي سبيل المثال الفنان رأفت عبد الباسط وكمان الفنان أيمن شوقي الأستاذ القدير عمارة عبد العظيم عمارة والأستاذ إبراهيم عاطف عزب وأكيد فيه غيرهم بس محتاجين حد يبلغهم بالموضوع

وأنا بالمناسبة كنت طالب بالمدرسة طبعا وكمان أنا مش بخبي نفسي ولو مش عارفني فأنا إسمي محمد محمود ربيع

من طرف زائر الإثنين 24 ديسمبر 2007, 12:18 pm

بالمناسبة رغم أهمية الموضوع زي ما قال كاتب الموضوع الأصلي أنا شايف إنه نام شوية ....ومحدش بقي مهتم بيه

خير يا تري ؟
يا ريت مايكونش الموضوع اتقفل من غير ما نعرف

من طرف **Ibrahim Elsokkary** الإثنين 24 ديسمبر 2007, 1:01 pm

اهلا وسهلا يالعمده الحقيقي
يا تري يا عمده لسه فاكرني؟

من طرف زائر الإثنين 24 ديسمبر 2007, 2:54 pm

إنت في قلبي يا إبراهيم باشا ومتنساش إنت بس قعداتنا الجميلة

وبلاش موضوع العمدة ده أنا لسه كتكوت صغير

من طرف زائر الإثنين 24 ديسمبر 2007, 2:55 pm

بالمناسبة عاجبني قوي لقبك الجديد

(نقيب المهندسين(
يا سلالالالالالالالالالالالام

من طرف **alielsokkary** الثلاثاء 25 ديسمبر 2007, 7:35 pm

تحية كبيرة لابو ربيع ونورت المنتدى

من طرف mokhtar الأربعاء 26 ديسمبر 2007, 8:57 am

نورتنا يابور بيع
تفضل بالدخول السيره الزاتيه
مشكور علي المشركه الجميله

من طرف **omar20hatem** الأربعاء 26 ديسمبر 2007, 10:21 am

يا أبوربيع أفندى رفعنا العلم
الطبخة لسه على النار

من طرف زائر الأربعاء 26 ديسمبر 2007, 10:45 am

شكرا يا استاذ علي واتمني إني أكون معاكم علي طول
أما مختار باشا فأنا معجب جدا جدا بأدائك علي المنتدي وربنا يكتر من أمثالك ( ودي مش مجاملة)
وبخصوص السيرة الذاتية فأنا اسمي محمد محمود ربيع والشهرة أبو ربيع وبيتهيألي ده كفاية

آسف لخروجي عن الموضوع .....لكن الرد واجب

من طرف زائر الأربعاء 26 ديسمبر 2007, 10:48 am

إلي الرفيق حاتم أبو العزم ....
مش مهم الوقت ...المهم الطبخة تخرج (مسبكة)