عتاب وتهنئة فى افتتاح مسجد الرحمن

من طرف **cabo** الإثنين 13 أبريل 2009, 11:49 pm

أبارك لقرية دملو بأفتتاح المسجد المبارك بناحية المحطة

مجهود رائع من أهل الخير.

بارك الله لكل من شارك فية .

و أعاتب .؟

اعاتب من ساهم فى فكرة ذبح (عجلان )

بمناسبة الافتتاح

لانى أعتقد ان هناك أشياء تستحق هذا المبلغ أكثر مما فعل بة

اعاتبهم على ذبح عجلان تجاوز ثمنهم ال 7ألاف جنية

عندما أرى رحلة للايتام أدخلت السرور الى الاطفال

وهى لم تتجاوز الالفين جنية (أعاتبهم )اى اصحاب فكرة الذبح

عندما اجد 100شجرة تزرع بأقل من 150جنية (أعاتبهم )

عندما أجد شنطة رمضان لفقراء القرية تتكلف 1000جنية فقط. (أعاتبهم )

عندما اجد ان انارة الطرب لا تتجاوز 300جنية أعاتبهم

عندما أجد ان سقى جميع الشجر يتكلف ما دون ال100جنية أعاتبهم

........أن العجلان ما هم الا أكلة يوم........

أليس هناك ما هو أولى ؟؟؟؟؟

عذرا لموضوعى هذا فربما هو اصلا ليس بموضوع ؟

او بمعنى اخر ربما اكون مخطأ ؟

...................................................................

انتظرو الحوار الشيق مع نجم مغمور من دملو
قريبا على شاشة المنتدى

من طرف **omar20hatem** الثلاثاء 14 أبريل 2009, 6:05 am

لا داعى للحزن فكل اوجه الخير متاحة
والتعدد ميزة مهمه وشكرا لمن ذبح وتصدق
ولعل الخير طال الايتام وفرج عنهم
والفقراء والمساكين
وكل خير صغر او عظم فهو فى ميزان حسناتهم ان شاء الله
فلا تحزن واهلا بعتابك
لأن العتاب يكون دائما لمن يستحق قدرا من المحبة
وأهل قريتنا يستحقون كامل المحبة

عندك حق في كل كلمة من كلامك

7000 جنيه كان يفعل بهم الكثير والكثير بدل أكلة ليله كما تفضلت

من طرف **سميرالسيد** الثلاثاء 14 أبريل 2009, 11:43 am

كلامك معقول يا اخ كبو
بس بردو اهو شىء يفرح القرية
وبالنسبة لل7000 الف جنية
انا بسبب خبرتى فى البهايم أقولك هم اكتر من كدة بشوية
لان اقل عجل يدبح فى هذة الايام يتجاوز 4.5 ألف
يعنى تقدر تقول ب 9ألف مش سبعة
لكنى اعاتب عليك
عشان مقولتش مين الشخصية البارزة اللى هتعمل معاها الحديث ؟؟؟

هههههههههههههههههههه ايه ياعم سمير خبرتك بالبهائم ماذا هو انته تذاكر من ورانا ولا ايه

وأوجه الخير مطلوبة فى كل موقف يتقرب بها الانسان الى الله بس لاريت يكون أكل اللحم من يستحق

وأعتقد أن القائمين على هذا العمل حريصين على ذلك

من طرف **Abo Dina** الثلاثاء 14 أبريل 2009, 12:02 pm

omar20hatem كتب:
ولعل الخير طال الايتام وفرج عنهم
والفقراء والمساكين

من طرف **AkRaM MaZaKoNy.Net** الخميس 16 أبريل 2009, 12:42 am

مش المهم إن العجلين إنزبحوا مفهاااااااااااااااش أى حاجة أهو فرحة وخلاص
بس برده زى مكان إندفع فلوس عشان كده
كانوا برده يدفعوا
أوعامة المفروض إن الناس كلها تشارك فى إدخال السرور والبهجة
لللأيتام

من طرف **santos** الخميس 16 أبريل 2009, 4:41 pm

بسم الله الرحمن الرحيم

تحيه طيبه للجميع ... وبعد ؛ ..

بالنسبه للعضو المحترم كابو شكرآ لك على فتح موضوع جديد وهو إفتتاح مسجد الرحمن والذى يقع بناحيه طريق المحطه .

لكن معذره لك فى وضع اسم الموضوع وهو تهنئه وعتاب كان من ممكن يكون إسم الموضوع إفتتاح مبارك ويتم كتابه الموضوع وبعد كده ممكن تعلق على أى شئ فى ملحوظه صغيره أسفل الموضوع ويتم الرد وتفاعل الأعضاء معها .

أما بالنسبه لحكايه العجلين فهما متكلفين أكثر من عشره ألاف جنيه وهى وصيه من إنشأء هذا المسجد وهو الأستاذ على محمد على الجاويش

فهذه وصيه له وبالنسبه لموضوع اللحمه الحمد لله إتوزعت على الفقراء والمساكين وغيرهم وبالفعل الخير طال الايتام وفرج عنهم
والفقراء والمساكين..

أنشئ مسجد الرحمن سنه م 2009 هــ 1430
أسسه الأستاذ على محمد على الجاويش ...... نسألكم الفاتحه .

أرجوا أن لايكون الموضوع يأخذ أكثر من حجمه ولا نريد الخلاف أبدا والأخ كبو تكلم من واقع غيرته على بلده

والمحترمين المفتتحين للمسجد جزاهم الله كل خير على العطف على الفقراء

وطالمت هذه كانت وصية فهى على رووسنا جميعا جعل الله هذا العمل متقبلا عند الله للفقيد الغالى

المرحوم / على محمد الشاويش وأسكنه الله فسيح جناتة يارب العالمين

ورجائى ياشباب لاتقفوا على موضوع كهذا وجددوا فكركم لخدمة بلدكم وتعاونوا لننهض بقريتنا

من طرف **سميرالسيد** الخميس 16 أبريل 2009, 11:47 pm

رحم الله الاستاذ
على محمد الشاويش وأسكنه الله فسيح جناتة يارب العالمين
واعتقد ان الاخ كابو لايقصد شىء مش كويس
والحمد لله ان الفقراء اتبسطو
والحمد لله انى قدرت ثمن العجلين صح
ومن غير ما اشوفهم
_

من طرف **omar20hatem** الجمعة 17 أبريل 2009, 11:49 am

والان بعد الاضافات وجب اضافة صور المسجد الجديد
للموضوع لكى يكون اضافة متميزة ونقلة للموضوع
بحيث يشمل الافتتاح والنحر لله والتعريف بالمسجد ومؤسسه وعتاب المحبين والغيورين
وشكرا للجميع
والان تم تكليف العضو سانتوس بإضافة صور المسجد ولوحته
إلى الموضوع ذاته
ونستأذن كابو فى تغيير عنوان الموضوع أو تعديله
ويكون
عتاب فى افتتاح مسجد الرحمن

من طرف **Abo Dina** الإثنين 20 أبريل 2009, 6:20 pm

واختفى العضو سانتوس
ولا يمكن الموبيل بتاعه عايز سوفت وير
فين الصور يا سانتوس ؟؟

قال تعالى ومن يعمر مساجد الله من امن بالله واليوم الاخر صدق الله العظيم جزى الله القائمين على هاذا المشروع العظيم وجعله الله فى ميزان حسناتهم فى الدنيا والاخره العتاب كان نفسى اشارك فى هذا المل العظيم جزاكم الله كل خير

من طرف **cabo** الثلاثاء 21 أبريل 2009, 11:35 am

ياسيدى
بارك الله فى الجميع
واعتبرو ان هذا العتاب شىء كان يدور فى خاطرى
طلاما الناس بتزعل كل من الرأى

من طرف **omar20hatem** الثلاثاء 21 أبريل 2009, 4:39 pm

cabo كتب:ياسيدى
بارك الله فى الجميع
واعتبرو ان هذا العتاب شىء كان يدور فى خاطرى
طلاما الناس بتزعل كل من الرأى

والله حيرتونا هو مين اللى زعلان
انت ولا الناس
يا سيدى مفيش زعل كل واحد بيقول راية ايا
انت قلت رايك وكذلك الناس يبقى الكل حبايب
وكلنا سمعنا وكلنا اتكلمنا
وشكرا يا منتدى

زى ما انت بتقول رايك
ولا الناس زعلانة ولا انت زعلان
ومش لازم تبقى ضدى طالما انت مش مع