الدوره الرمضانيه

بسم الله الرحمن الرحيم

رمضان كريم وكل سنه والجميع بخير وصحه وسلامه

ينوه مركز شباب دملو على تنظيم الدوره الرمضانيه
وذلك على الملعب الخماسى الجديد

على أن يتكون الفريق من سبعه أفراد (خمسه بالملعب وإثنين إحتياطى)
ولايشترط سن معين

يعنى السن مفتوح إشتراك الفريق بـــ 35 جنيه , كل لاعب 5 جنيه .

وعلى الفرق التى ستشارك التوجه إلى مقر النادى
وتسديد الإشتراك للأستاذ / جمال عبد الحكيم

ملحوظه عدم دخول لاعيبه من القرى الأتيه كفر الجزار _ وروره _ ميت الحوفيين
وذلك لعدم حدوث مشاكل أو اى شغب كما كان يحدث فى الدورات السابقه
وللجميع جزيل الشكر ولك بناءآ على طلب منظمين الدوره .

إبتدأت أمس الدوره الرمضانيه الموافق 4 رمضان الثلاثاء

وكان ماتش الإفتتاح لكبار السن طبعا هما مش كبار سن ولا حاجه هما

كانوا لاعيبه بس اعتزلوا من زمان وتكون ماتش الإفتتاح من :

الأستاذ مهتدى السباعى , عادل أبو النجا , أسامه الهادى ,
عماد الهادى , رضا أبو المعاطى , سمير مصطفى إمام ,
يسرى عبد الهادى , مسعد عبد الهادى , هشام إسماعيل
.......................... وكان حكم المباراه الكابتن فكرى العجمى.

وأقيم الماتش الثانى لكبار السن 8 رمضان السبت وتكون من :

الكابتن عبد اللطيف النادى , نشأت لاشين , مهتدى السباعى
مسعد عبد الهادى , يسرى عبد الهادى , محمود الساحوقه
رضا أبو المعاطى , سمير مصطفى إمام ,أسامه الهادى
عماد الهادى , ناصر حمدى ....... حكم المباراه الكابتن هشام إسماعيل.


وتتكون الدوره من 16 فريق متقسمين على أربع مجموعات

وسوف يتم عمل جدول للمباريات وأسماء الفرق وأعضاءها


وكل سنه وإنتوا طيبين ورمضان كريم .

المشرفين
أ / محمود أحمدحبيب .
أ / عماد حمدى محمود .

المنظمين للدورة
أ / عبد اللطيف محمود النادى .
أ / مهتدى السباعى حلاوه .

مدير المركز
المشرف الرياضى
والقائم بجميع أعمال المركز

رئيس مجلس الإداره
أ / هانى عبد الوهاب على .

كل عام وانتم بخير
وان شاء الله السنة دى يأخذها فريق من البلد
مش كل سنة

قانون جديد ده ولا ايه
طيب والمحترفين من وروره وميت الحوفيين
هيعملوا معاهم ايه
ده هما دول المستثمرين فى مركز الشباب
ولا السياسة اتغيرت

متشكرين على العرض المتميز من الاعضاء
ونرجو شوية تنسيق بسيط
يعنى الكلام على كل مجموعة يكون فى مساهمة منفصلة
يشمل بداية اسم الفريق
واسماء اعضاؤه
ونتائج المباريات وترتيب المجموعة عقب كل جولة
===========

وفين بقى لقاءات المراسلين مع اللاعبين والمنظمين
وفين ترشيحات اللاعبون القدامى عن احسن حارس واحسن لاعب
وكل عام وانتم بخير

==============

وفين شروط الدورة وهل اعلن المركز عن الجوائز وحددها
ولا هيضحك عليكم زى كل سنة ويهرب ويكتي لكم فى الشروط جوائز قيمه
============

الا بصحيح هما لسه بيجيبوا ميداليات للمركز الثانى ولا الامور اتغيرت

اعذرونى انتم بتقرؤا كلام لمغترب

بسم الله الرحمن الرحيم

إداره شباب بنها
مركز شباب دملو

مباريات الدوره الرمضانيه بالملعب الخماسى
المفتوح لعام 1430هــ / 2009 م .

ان شاء الله هنسجل معاكم اسامى فرق المجموعات الاربعة المشتركين
فى الدورة الرمضانية المقامة على مركز شباب دملو

المجموعة الاولى
ميــزو * ريال مـدريد * الأحـلام * النمر الأسـود

أعضـــاء الفرق

ميـــــزو


1-بهاء صلاح
2-احمد مختار
3-احمد محمد
4-محمود محمود
5-عبد الله احمد
6-عماد محمد
7-رفيق نبيل

مدريد


1-كريم مصطفى ابو المجد
2-محمد منصور
3-محمود مصطفى حماد
4-محمد رمضان
5-محمود ابراهيم محمود
6-السيد سعيد السيد
7-حسام المنشاوى

الاحلام


1-محمد كمال العجمى
2-عماد فكرى العجمى
3-طارق سليمان
4-مصطفى السيد
5-احمد ايمن
6-طة هشام
7-محمد عبد العزيز

النمر الاسود


1-أحمد عادل عبد الغنى
2-أحمد نظمى حسنى
3-أحمد صبرى عبد الغنى
4-مراد محمود عيسى
5-محمودعباس أحمد
6-محمود سامى غنيم
7-السباعى زكريــا

مباريات المجموعه الأولى

الثلاثاء 4 رمضان ( ميزو _ ريال مدريد ) الساعه 10م ( 6 / 2 ) .

الثلاثاء 4 رمضان ( الأحلام _ النمر الأسود ) الساعه 10.30م ( 0 / 4 ) .

الإثنين 10 رمضان ( الأحلام _ ميزو ) الساعه 10م ( 2 / 9 ) .

الإثنين 10 رمضان ( ريال مدريد _ النمر الأسود ) الساعه 10.30م ( 5 / 6 ) .

الإثنين 17 رمضان ( النمر الأسود _ميزو ) الساعه 10م ( / ) .

الإثنين 17 رمضان ( الأحلام _ ريال مدريد ) الساعه 10.30م ( / ) .

غدا مع المجموعة الثالثة والرابعة ان شاء الله
انتظرونا

متشكرين العرض الرائع
والمجهود المتميز
ورمضان كريم
===========
وانا هشجع من خارج الحدود
فريق العضو سانتوس
وفريق المهندس محمد عمرو
وفريق العضو كريمو السكرى
============
وبلغوا فريق الاساتذه قوقوا لهم عيب
فريق الاساتذة على مدار تاريخه فريق ناصع البياض
وبيحمل الراية دايما اسود
من ورى أسود
وجه اليوم اللى ينهار فيه الاسم
من لاعيبه غير مسؤله ولا تستطيع ان تدافع عن الاسم
============
وعلشان كده رجاء ان تحملوا هذه الرسالة الى
مدير النادى او منظم البطولة
لكى يغير الاسم من الاساتذة
الى فريق
الاساتذة ب او ج
وارجعوا لتاريخ الاساتذة
شوفوهم هما مين
=============
وطبعا البداية كانت من الاستاذ اسامه الهادى
المعلم التربوى واستاذ فن كرة القدم
وفريقه الرائع من ستة افراد اساتذة بجد
وابقوا اسألوه على أسماؤهم
وهو يبلغكم
والجيل الثانى من الأساتذة
بقيادة المهندس ابراهيم السكرى
وأستاذ فن كرة القدم
بجواره النجم عماد حمدى وباقى اعذاء الفريق
==========
يمسيك بالخير يا جمال يا فاضل
وبعودة الايام

لا شكر على واجب يا باشمهندس حاتم
وان شاء الله رسالتك توصل

واليكم قريبا نتائج المجموعات

وطبعا بعد ما عرفنا حضراتكم بفرق الدورة الرمضانية المقامة على ملعب مركز شباب دملو الخماسى
لازم نذكر ايضا حكام اللقاءات والمعلق
بالنسبة للتحكيم
كابتن عماد حمدى لاعب نادى بنها وجمهورية شبين سابقا ولاعب نادى سرس الليان حاليا
الكابتن مهتدى السباعى منظم الدورة
بالنسبة للتعليق
الكابتن احمد اسامة فؤاد حارس مرمى فريق دملو لكرة اليد
الكابتن محمود معوض حارس مرمى فريق دملو لكرة اليد وحارس مرمى فريقى المهندسين ودريم
ويسرى محمد حامد

منتظرين النتائج وشكرا على العرض
وسلامنا للكابتن عماد حمدى
والكابتن مهتدى

ايه ياجماعة هى الدورة خلصت
ولا رمضان خلص
ولا المراسلين اتهزموا بفرقهم وخرجوا فطنشونا

طبعا تلاقى مراد ابن خالى هوه اللى مكسبك
سلم لى عليه كتير
ويعيش النمر الاسود
وياريت نعرف اسماء الفرق اللى صعدت
ويكون الاسم ثلاثى اورباعى
لاننا طبعا هنعرفهم من اباؤهم
لأن الشباب لسه صغير واحنا عجزنا خلاص
وكمان بعيد عن البلد

نتائج الجولة الاولى من دور الثمانية
المبارة الاولى
فاز فريق الاساتذة على فريق ميزو بنتيجة 2/0 احرز الاهداف سطوحى من تسديدة قوية اسكنت مرمى محمود محمود حارس مرمى فريق ميزو والهدف الثانى لخالد الساحوقة وفى اعتقادى واعتقاد الكثيرون انة أفضل هدف فى تاريخ الدورة هدف عالمى
مبروك لفريق الاساتذة الفوز والصعود لدور الاربعة

المبارة الثانية
وفى احدى مفأجات الدورة الرمضانية
فاز فريق النمر الاسود بقيادة الكابتن الكبير احمد عادل سانتوس
على فريق الداخلية (عزبة عبد الحميد عطية ) بنتيجة 3/2
مبروك للنجم احمد عادل الصعود لدور الاربعة

غدا ان شاء الله نتائج الجولة الثالثة والرابعة من دور الثمانية

على فكرة كدة كل الفرق اللى صعدت حتى بالفرق اللى لسة هتلعب بكرة دملوية مية فى المية

وكمان بنبارك للنجم احمد مصباح معوض الفوز بدورة ضربات الجزاء

خلاص يا سيدى خد لك سلام لقبل النهائى لمراد أفندى رفعنا العلم
وسلام لك انت يا ابوحميد للنهائى
وعايزكم تبهدلوا فريق التلامذه اللى مسميين نفسهم أساتذه
وبلغ سلامى للمهندس ابراهيم السكرى
وخليه يروح يتفرج على فريق التلامذه ويحدفهم بالبيض والطماطم والطوب
===========


والف شكر للمهندس محمد عمرو
على عرضه الرائع للتفاصيل
وتابع يامراسلنا
العزيز وشكرا لاهتمامكم

معلشى نسيت شرح اهداف فريق النجم احمد عادل
الهدف الاول من تسديدة اسكنت مرمى احمد سمير حارس مرمى فريق الداخلية
والهدف التانى لا اروع ولا اجمل من تسديدة قوية للنجم المتألق احمد عادل
الهدف الثالث ما أجملة من مهاجم الفريق النجم مراد عيسى من تسديدة رأسية اسكنت مرمى حارس المرمى البديل ابراهيم احمد
وان شاء الله ليكم النهاردة نتائج الجولة الثالثة والرابعة

انتظرونا

( أ ) الماتش الأول النمر الأسود & والنمور الساعه 10 مساءآ

ماانتش خايف يا سانتوس
انت نمر واحد وهما نمور كتير
والغابة واسعة وربنا يستر

(ب) الماتش الثانى الأساتذه & ودريم الساعه 10.30 مساءآ

قلنا بقى غيروا لالاسم
فريق التلامذه ودريم احسن

نهاية سعيدة فى الشهر الكريم
والحمد لله ان محدش راح المستشفى
وبكده تاكد لنا أن فريق التلامذة كان بيلعب مع النمور فى الغابة
مش فى ملعب كرة قدم
لازم يا جماعة يكون فيه فائز ومهزوم
جااااااااااااااى
هو محدش قادر يفهم الموشوع ده ليه
معروف ان فريق واحد فقط هوه اللى هيفوز بالبطولة
=========

الله يرحم ايام الزمن الجميل
والروح الرياضية الجميلة
=======

بعد كده فى الدورات القادمة ان شاء الله
اقترح
على مركز الشباب انه يعطى المركز الاول ميداليات بجنية وربع
والمركز الثانى 500 جنية جائزة


==========

ونشوف ايه اللى هيحصل فى النهائى